In Love With An Old Mafia(Complete)

part-4

"လေးလေးငယ်"
ဟူသော ခေါ်သံအောက်တွင် စိုင်းတစ်ယောက် စက္ကန့်အနည်းငယ်လောက်ငြိမ်သက်သွားမိရသည်။

လေးလေးငယ်တဲ့လား။
စိုင်း စာရေးဆရာဖြစ်သူကို ငုံ့ကြည့်ရင်း ကြောင်အ နေမိသည်။

Paiဟူသော စာရေးဆရာဟာ သူ့ကိုအံ့သြတကြီးနှင့် မော့ကြည့်နေသည့်အပြင် သူ၏အင်္ကျီစလေးကိုလည်း လက်ချောင်းရှည်ရှည်တို့ဖြင့် မရဲတရဲလေးဆုပ်ကိုင်ထားလို့နေသည်။

သူတို့သိကြလို့လား။

ပယင်းမျက်ဝန်းတို့နှင့် စက္ကန့်အနည်းငယ် အကြည့်ချင်းစုံလိုက်မိ
သည့်အချိန်တွင်တော့ ဒီလူငယ်ဟာဘယ်သူမှန်း စိုင်းသေချာစွာသိရှိသွားရတော့၏။

"ပေါက်စ လား"

သူ၏ ပေါက်စ ဆိုသောအသံကိုကြားတော့ စာရေးဆရာလေးမှာ သိပ်ကိုပျော်ရွှင်သွားဟန်။

"အင်း မှတ်မိ.."

သက်ပိုင်၏ စကားပင်မဆုံးသေး
နံဘေးရှိ မန်နေဂျာက ချောင်းဟန့်လိုက်သောကြောင့် အသိစိတ်ပြန်ဝင်သွားရသည်။

သူအခုလက်မှတ်ထိုးပွဲကမပြီးသေးဘူးပဲ။

သက်ပိုင် လေးလေးငယ်အားမျက်နှာငယ်လေးနှင့်ကြည့်လိုက်၍
ခပ်တိုးတိုးလေးပြောလိုက်သည်။

"လေးလေးငယ် ကျွန်တော့်ကိုဟိုနားက ကော်ဖီဆိုင်မှာ
စောင့်နေပေးလို့ရမလားဟင်။ ပွဲပြီးတာနဲ့ တန်းလာခဲ့မယ်လေနော်..."

စိုင်း သူ့အား ပါပီမျက်လုံးတို့နှင့် ကြည့်နေသော ပေါက်စကြောင့် ငယ်ငယ်က သူသိကျွမ်းခဲ့တဲ့ကလေးလေးမှန်း ပိုမိုသေချာသွားရသည်။
ခေါင်းအား တချက်ငြိမ့်လိုက်ရင်း
ပေါက်စအား စောင့်ရန် ကော်ဖီဆိုင်သို့သွားမည်အလုပ် လှမ်းဆွဲခံလိုက်ရသည့် လက်တစ်စုံကြောင့်ပြန်လည် လှည့်ကြည့်လိုက်၏။

"သေချာပေါက်စောင့်နေပေးပါနော်
လေးလေးငယ်။ထွက်မသွားပါနဲ့"

စိုင်းအား ပျောက်ကွယ်သွားမည်စိုး
သည့်အလား ဆုပ်ကိုင်ထားသည်မှာ ချည်နှောင်ထားချင်နေသည့်ပုံ။

"စောင့်နေမှာမို့ အေးဆေးလုပ်"

"ဟုတ်"

ကျောခိုင်းကာ ထွက်သွားသော လေးလေးငယ်၏နောက်ကျောပြင်ကိုကြည့်ရင်း အတိတ်တုန်းက သူ့ဘဝထဲကနေထွက်သွားခဲ့တုန်းကအချိန်ကိုပြန်လည်သတိရမိသည်။