حب عبر الاجيال

بارت 37

الكاتبة: - زينب الحربي
حساب الانستكرام: zienab_alharbi

وهو اليگابل ضحكتج شيروح غير الفدوة.؟

بغداد/معامل الطابوق

كريم: -

اباوعلها كاعدة بنصنا تضحك ضحكتها ترد الروح رحت فدوة لهاي الضحكة وصاحبتها يارب لا تختبر صبري بيها كلشي ولا مناوي اجانة عليوي

_ها ادبسزية كاعدين بدوني

توني اريد ارد ورد ابوي

_منهو الادبسزية يالكو……… شو ما تعرف تحجي

_والزهرة عمي مو عليك علئ كريم ومناوي اني تدري بية هم اجيبك بالطاري بشي مو زين لا وعلي اشاقة وياهم

_دعيدها ادور وانه الك عبن انت وهذا المعذرب صايرين كواو……… ما اصاحلكم واحد يطيح حظكم انه الكم

هسة اني رجال كاعد اباوع الضحكة مرتي الترد الروح لا ماذي واحد ولا حاجي وي واحد يطيح حظي ليش ترة بعد ست اشهر عمري يصير 48 يعني مو اشوية ابني بالثالث متوسط ومتزوج اثنين نسوان ودكتور متخصص صارلي 15 سنة بعد. تغلط عليه ليش

_عود مسوي انجازات ابو الوصخ كمممم ولك

مقبولة منك حجي تمون غير ابوي

_غصبا اعليك هم عوزها ما ترضة

جاي نحجي وحجت امي بهدوء

_يا حجي دعوفة خلة يحجي ليش هجي وياه

اباوع لبوي ارتخت ملامحة باوعت لعلاوي ومنئ وطكيناها بضحكة من هاي التمام

_ها ها عمي شو طيحت حظنا بس حجت عمتي ارتخيت كلش بعد ما تكدر تحجي

_ام حاتم هاي المتحملتني صارلها 65 سنة اشلون ما اسمع كلامها تمون اعلئ الكلب بوية رويحتي هاي

اي بوية حقك وعلي امي ماكو مثلها هي ونسوان عمامي وحتئ هدوة اتحملن المر وضلن ساكتات هاي النسوان الينشد بيهن الضهر

_خلني اكللك نوبة دكني العوز وانه ابوك وانه شيخ لجن صارت سوالف ردت اخلصنها من عدي كبل لا تكلي اهي وعيب اعليه يو ما وفرتلها التريدة اجيت وكتلها شوفي ينهارة انه داكني العوز وما اكدر اجيبلج التريدنة روحي لهيلتج ليما نحل السالفة واردج وانه ابن عمج ولنها تكلي

_يا مت عيني شكالولج اعليه انه كاعدة يمك اعلئ المادة وروح ابوي وروح ابوك اكعد الهم تراب يو ما لكيت اجل بس ضالة حذاك بيوم الجنت تجيبلي كلشي متحملي انت لجن لمن دكك العوز اعوفنك لا وحك علي موش بت ابوي يو سويت هجي وياك لا تضل تفكر بيها موش انه الاعوفنك

_بوكتها وانه هذا الشيخ الينحلف براسي حطيت راسي بركبتها وكمت ابجي

لالا يابة علئ كيفك امي خجلت باوعلها