ခြောက်ခြားဖွယ်ရာဂိမ်းထဲ၌နတ်ဘုရားတစ်ပါးဖြစ်လာခြင်း

Arc1(အပိုင်း12)

အပိုင်း12(ဆိုင်ရမ်မြို့)

ကားဆရာသည် ပထမဦးဆုံးဖမ်းမိခဲ့သော ရေသူမအား အလှပဆုံးနှင့်တန်ဖိုးအကြီးဆုံးရတနာဟူ၍ အဘယ့်ကြောင့် ချီးကျူးခဲ့သည်အား ပိုင်လျိုသိရှိသွားပြီဖြစ်၏။ ဤတစ်ခုနှင့် နှိုင်းယုဉ်ကြည့်ပါက အပြင်ဘက်ရှိ ရေသူမရုပ်ထုများအား ခရီးသွားများ၏မျက်လုံးထဲ၌ ဈေးပေါ၍သာမာန်ဆန်သော ပစ္စည်းများ ကဲ့သို့သာ မြင်ကြ‌ပေလိမ့်မည်။

ပိုင်လျိုတွင်မူ တန်ဖိုးကြီးသောပစ္စည်းများအား ကြည့်ရှုရာ၌ အမြဲလိုလို အထင်အမြင်ကောင်းများ ရှိလေသည်။ သူ ရေသူထီးရှိရာစီသို့ လျှောက်သွား၍ ဖန်ပေါင်းဘေးရှိ မိတ်ဆက်ပေးထားသည်အား ဖတ်လိုက်၏။

[ရေသူ ၊ ××‌,××,× ညနေခင်းအချိန် ဆိုင်ရမ်မြို့ရှိ ငါးဖမ်းပွဲမှ ဤသက်ရှိသတ္တဝါအား ဖမ်းစီးရရှိခဲ့ပါသည်။ ဤသတ္တဝါသည် တုပထားသောပစ္စည်းမဟုတ်ကြောင်းအား သက်ဆိုင်ရာတာဝန်ရှိသူများမှ စစ်ဆေးခဲ့ကြပါသည်။ ၎င်းသည် သဘာဝအတိုင်း အသက်ရှင်နေထိုင်နေသော ရှားပါးသတ္တဝါမျိုးစိပ် တစ်ခုဖြစ်သည်။ ၎င်းသည် ဖမ်းဆီးရမိသောအချိန်ကတည်းက ရုပ်အလောင်းအဆင့်သို့ ရောက်နေခြင်းဖြစ်၏။ ၎င်း၏ ရုပ်အလောင်းအား ခရီးသွားများ ကြည့်ရှုလေ့လာနိုင်ရန်အတွက် ကြာရှည်ခံ solidficationအရည်တစ်မျိုးဖြင့်စိမ်၍ ဗဟိုပြပွဲခန်းမအတွင်း၌ ပြသထားခြင်းဖြစ်သည်။]

(TN:solidification အရည်ဆိုတာကလေ resinလိုမျိုးအရည်ပါ ကပ်စေးစေးနဲ့ပေါ့ အဲ့ထဲမှာ အစိမ်ခံထားရတဲ့သူအတွက် သူ့ရဲ့စေးကပ်မူကြောင့် လှုပ်ရှားရတာခက်ခဲစေပါတယ်။)

ဤရေသူထီးသည် မကောင်းဆိုးဝါးတစ်ကောင်ဖြစ်လိမ့်မည်ဟု ပိုင်လျိုထင်၏။

(TN: ရှင့်လောင်ကုန်းလေအဲ့ဒါ)

ပိုင်လျို ရေသူထီး၏ မိတ်ဆက်အညွှန်းအား ငုံ့ဖတ်နေသည့် အချိန်တွင် ရေသူထီးရုပ်အလောင်း၏ ညာဘက်လက်ချောင်းလေးများသည် သတိမထားမိနိုင်စွာဖြင့် သေးငယ်စွာလှုပ်ရှားသွား၏။ ထိုအချိန်တွင် ပိုင်လျိုရင်ဘက်ထဲရှိ အကြွေစေ့သည် ရုတ်တရက် ရူးသွပ်သွားသကဲ့သို့ တုန်ခါလာပြီး အနီရောင်တောက်တောက် သတိပေးစာများသည်လည်း စနစ်မှချို့ယွင်းမူများဖြစ်နေသကဲ့ ပိုင်လျို၏အရှေ့၌ တစ်ခုပြီးတစ်ခုပေါ်လာလေသည်။