Abimana Si Musang [BL]

[Bab. 22] Pengakuan

Ini udah setahun berlalu pas abis kejadian waktu ntu, pas gue sama si Abi kepergok lagi… pokonya lo pada inget-inget ndiri aje.

Dan gue ? gue udah kelas tiga pertengahan lagi, gue bersama geng ‘GATOT’ yang laen udah mulai aktif tawuran lagi.

Pan ya ini udah kelas tiga, jadi buat terakhiran masa remaja kaga dateng dua kali

Ya yang pastinya kaga ketahuan ama si Abi, kalo engga tu bocah bakalan ngambeq udah kek bocah kan ?

Temen-temen gue juga belom ada yang tau, gue rencananya mau ngasih tau mreka entar pas udah disekolah.

Gue sekarang lagi bantuin emak masukin barang ke tas. Emak gue mau minggat, canda deng emak mau pergi tour ama ibu-ibu arisan 5 hari.

Padal gue bilang gue mau ikut aje, gue kaga mau ditinggal dirumah sendiri sama emak. Ini gue bukannya takut ape pegimane, cuman ya ini gue kesepian.

Oh iye gue kan punya si musang, nginep sono aje ah. Gue dengan berat hati nganterin emak gue pagi-pagi.

“Ntar kalo makan, angetin aja lauknya” kata mak gue

“Iye mak” gue jawab sambil nyium tangannya.

Pas emak gue udah berangkat ini maih pagi bener deng, masih setengah 7. Masa gue mau langsung cabut ke sekolah, kaga asik gue kaga ade temennya.

Mau balik ke rumah juga nanggung tadi udah dikunci. Yaudah dengan terpaksa gue kudu berangkat pagi-pagi, gue mau ngangkring dikantin aje.

Pas udah nyampe bener aje, masih sepi. Pas gue lewat parkiran gue denger ada motor gede lewat disamping gue, dari bau parfumya ini keknya si musang.

Pas dia buka helm baru gue bisa liat ternyate si musang, ini dia make motor siape ? gede bener, warnanya merah ada tulisannye kalo gasalah HUCATI keknya.

Mana cewe yang ada dimari liatin sambil terkagum-kagum begitu, gue nyamperin si musang terus gue nanya ma dia,

“Motor siape lo pake ? baru ?” Tanya gue

“Engga, motornya temenku. Dia tadi pagi mau minjem punyaku jadi tukeran” kata dia

“Selamat pagi kekasihku” kata dia sambil bisikin gue.

“Apaan si, mau gelut ?” Tanya gue sambil nahan malu,

Padal udah lama bareng tapi sekalinya dia bilang kek begitu jantung gue kaga pernah anteng, ini muka gue jadi ikutan panas juga.

Baru gue mau ajakin si musang ngangkring dia udah dipanggil suruh ke kantor ama ngkong rahmat.

Pan asem, Gue lanjut ke kantin trus gitu anak-anak yang laen udah pada dateng ,

“Tumben lo berangkat pagi ki ?” tanyanya si Juna

“Iye, gue nganterin emak pagi-pagi tadi. Sekalian...” kata gue

Ini kita kaga ada niatan mau masuk kelas ya cuman ngobrol bahas geng-geng laen, sambl ketawa ketiwi.

Si musang juga kaga balik-balik, tetiba aje sepi kaga ada yang ngomong, semua lagi sibuk ama jajannya.

Pumpung kaya gini gue mau ngomong masalah kalo gue belok ama mreka.

Gue ragu, tapi cuman ni kesempatan gue buat bilang. Gimanapun juga gue kaga pengen mreka jadi benci ke gue, tapi gue kudu bilang.

Gue kaga bisa nyembunyiin lebih lama lagi, untungnya juga mreka pada bego jadi kaga ade yang sadar.

“Oi cuy,” panggil gue.
Mreka terus noleh ke gue barengan, sambil merhatiin ,