ليس اي طفوله.... هي طفولتي التي لطالما حلمت بتغييرها، طفوله أتمنيى لو آنني عشتها كباقي الاطفال لاهين في اللعب وشراء الحلوى،،
قصه ليست كما اعتدتوا عليه من القصص معي انا الكاتبه روح
حبايبي تابعو الحساب ولاتنسونةالتصويت على القصة والتعليق على الفقرات
#طفولة مسروقة
الكاتبة روح
غير مبري الذمه من ينشر القصه بدون ذكر اسم الكاتبة
يولاند:-مرت الايام وانه ابيع بالطرقات القريبه علينه ما اكدر ابعد هواي مثل كل يوم كعدت الصبح صليت ودعيت ربي يرزقنه وبعدين سويت ريوك وكعدت ماما
يولاند:- صباح الخير ماما أم يولاند:-صباح الخيرات امي يولاند:-يلا ماما تعالي تريكي وياي علمود اطلع أم يولاند:-اجيت ماما، باوعتلي وحجيت ماما يولاند راح تبدي المدارس شلون بيج انتي السنه خامس يولاند ااااا ماما انه السنه ما اداوم ام يولاند شنوووو ماسمعت يولاند ماما بس اسمعيني ام يولاند شسمع هاا شسمع لج امي هذا مستقبلج شلون ماتداومين يولاند ماما الدوام يحتاج فلوس منين انجيب ام يولاند ربج يحلهه اذا ماداومين هذا مو حل يولاند لا انه السنه ماداوم وخلي مياسين تداوم وانه اصرف عليهه من للسنه التجي يحلهه الف حلال ام يولاند والله مادري شكلج بنيتي ربي يوفقج لو ما انتي مادري شلون راح نعيش يولاند ماما لا تحجين هيج انو روحي اذا ماتعب الك المن اتعب. بعدهه كمت بوست ماما وكلتلهه تدعيلي مثل كل يوم طلعت اشتريت المي والكلنس ورحت لشارع كعدت ابيع شويه وكف واحد اخذ مي وبعدهه ااجه ورا كم واحد وهيج بقيت للظهر رجعت للبيت وصلت لكيت ماما نايمه خفت ماما ممتعوده عليهه تنام وانه بعدني ماجايه يولاند مياسه شبيهه ماما ليش نايمه مياسين ماعرف كالت دخت يمكن ضغطي ونامت رحت كعدت ماما يولاند ماما ماما خيرج شبيج، ليش نايمه ام يولاند ماعرف امي يمكن ضغطي يولاند كمت جبت علاج ماما مال الضغط وانطيتهه حبايه ورجعت تمددت كلش اخاف من ماما تتخربط لان ماعدنه احد غيرهه بالدنيه لا اعمام عدنه ولا اخوال، بابا اجان الوحيد الاهله وجدو وبيبي توفو احنا ماشايفينهم بس بابا سولفلنه و عندي خال واحد يكولون مسافر هم ماشايفيه كمت سويت غدة وطفيت عليه ورحت اصلي صليت وكملت ورحت اشوف ماما شلون صارت يولاند شلون صرتي هسه ماما ام يولاند الحمدلله ماما احسن، رحت حضرت الاكل وجبته يم ماما حت ناكل كملنه الاكل ومياسه شارت المواعين وغسلتهن واجت يمي مياسين يولاند تعالي قريني رياضيات هاي ست محاسن الشريره ماتفهم بس تصيح علينه يولاند تعالي حبيبتي اقريت، اخذت الكتاب منهه وكعدت افهمهه رياضيات، خلصنه وبعدين كعدنه نسولف شويه يم ماما للمغرب سوينه عشه وتعشينه وطفرت مياسين يولاااااند انه ماغسل مواعين غسلت الظهر يولاند هاا هااا هنه ماعونين شبيج نمونه مياسين والله لو ماعون واحد هم ماغسلهن ام يولاند ماما مياسين اختج تعبانه اغسلي المواعين انتي مياسين ماااا ماااا ما اغسلهن يولاند يابه انه اغسلهن خل تولي الجلبه هاي شوفي منو بعد يقريج رياضيات مياسين ماريد خل ارسب ولا اغسل مواعين العشه، عفته ورحت اغسل مواعين وانه اضحك على تصرفاتهه الطفوليه ولا عبالك عمرهه 15 سنه، كمت المواعين ورحت انام لان احس كلش تعبانه. ولازم اكعد من الصبح
------------------.----------------- كعدت الصبح صليت وتريكت وطلعت وانا اسير في الطرقات المزدحمه وانظر الى كل من حولي تارتآ الى ذلك العجوز الذي احنى ظهرهُ الكبر، وتارةً الي ذلك الطفل وهو يهرول خلف الكرة، ثم اسير قليلاً لأنظر الى ذلك العاشق وهو ينظر الى شباك بيت حبيبته، حتى رفعتُ نظري لآراها وهي تبتسم له كل هذة المشاهد رآيتها وانا ذاهبه الى طريق عملي
يولاند كالعاده خليت الاغراض وانتظر الماره يمته يشترون مني شويه وجا عليه شخص _السلام عليكم يولاند عليكم السلام، حجيتهه ورفعت راسي اشوف الشخص _ممكن بطل مي يولاند ضليت صافنه على الشخص الواكف كدامي والد شاب ماكدرت اخمن عمره، صاحب جسم طويل ومتناسق، لابس رسمي ومخلي ايده بجيب البنطرون والثانيه إيشرلي بيهه حت انطي المي _يمعوده شبيج كلت مي مي، يولاند ااااا ايي ايي تفضل _مشكورين اخذ البطل ودار وجهه ومشه لسيارته، ضليت صافنه عليه مدري شكد، لحد ماوكف واحد يمي يريد كلنس وهيج لحد ما خلصت كل العندي ورجعت للبيت ومرت الايام والاشهر واحنه نفس الوضع الشي الوحيد الي تغير هو انو انه تركت دراستي وضليت اشتغل حت اساعد امي واخواني ____________._______ فد يوم اجتنه خاله سعاد كالت سعاد يمه يولاند ماتخليني احاجي او وليد تكول لبنه وليد يشوفلج شغله هو مو محامي يولاند خاله شيشوفلي هو انه يادوب مخلصه رابع اعدادي سعاد يمه ماخسرانين شي خل اكلهه يولاند سكتت وبعدين كلش صدك شخسرانه انه خل تحاجيهه، جاوبتهه بكيفج خاله ----------------.--------- ثاني يوم وانه كاعد ابيع اجت عليه مره شابه وعدهه طفل كعدت يمي علرصيف كال _خاله بلكي ميه لهذا الصغير يولاند دللي خاله هذا المي تفضلي _فدوه لوجهج خاله، انطيتهه الماي شربت ابنهه وبعدين كالت _يمه انتي حياتج جبتيهه تعب وحزن وانتي بعدج صغيره يولاند صفنت عليهه ودمعت عيني تذكرت وفاة والدي تذكرت حالتنه الصعبه مرت علينه ايام نام بدون اكل،، انتبهت للمريه باوعتلي وكالت _صح عشتي بحزن بس فرج ربج قريب راح يدزلج اليساعدونج ويوكفون وياج ويشيلون الحمل عنج بس بالبدايه راااح...........
#يتبع.....
#طفولة مسروقة #بقلم روح
حسابي الانستا r_25oh
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
