زفّ الرّحيل وحان أن نتفرّقا فإلى اللّقا يا صاحبّي إلى اللّقا إن تبكيا فلقد بكيت من الأسى حتى لكدت بأدمعي أن أغرقا وتسعّرت عند الوداع أضالعي نارًا خشيت بحرّها أن أحرقا ما زلت أخشى البين قبل وقوعه حتى غدوت وليس لي أن أفرقا يوم النوى ، للّه ما أقسى النّوى لولا النّوى ما أبغضت نفسي البقا رحنا حيارى صامتين كأنّما للهول نحذر عنده أن ننطقا أكبادنا خفّاقة وعيوننا لا تستطيع من البكا أن ترمقا نتجاذب النظرات وهي ضعيفة ونغالب الأنفاس كي لا تزهقا لو لم نعلّل باللقاء نفوسنا كادت مع العبرات أن تتدّفقا يا صاحبي تصبّرا فلربّما
عدنا وعاد الشّمل أبهى رونقا إن كانت الأيّام لم ترفق بنا فمن النّهى بنفوسنا أن نرفقا
💔💔💔💔💔💔💔💔💔💔💔💔💔💔
بعد وقوع ادهم علي الارض قاسم وخالد وحسن أخذوه المستشفى وبعد ساعة ونصف خرج الدكتور
قاسم بقلق..... هو عامل ايه يا دكتور
الدكتور باسف....... هو واضح انه كان جيله جلطة من فتره بسبب صدمة عصبية و انهاردة الجلطة جات تاني بس بصورة اقوي وسببت دخوله في غيبوبه و يعالم هيفوق امتي ولسه مش عارفين الجلطة دي كمان ممكن تسبب ايه تاني
خالد بقلق..... ليه ممكن ايه تاني يحصل
الدكتور...... ممكن تسبب شلل رباعي او نصفي ممكن تسبب انه يجيله القلب ويحتاج عملية لكن منسبقش الاحداث وخليها علي الله بعد اذنكم
حسن كان قاعد مش بيتكلم
خالد نظرله وقال..... بابا انت كويس
حسن وهو بيهز رأسه بهزيان..... كويس كويس
تليفون قاسم رن وكانت تقي
قاسم بدموع محبوسه...... الو
تقي بخوف..... ها لقيتوها
قاسم بدموع...... مني سافرت بره البلد وقطعت علاقتنا بيها نهائي يا تقي
تقي بصدمة..... لا اكيد في حاجه غلط يا قاسم مني مستحيل تعمل كده
قاسم بدموع.... عملت ومصوره فيديو وهي بتعرف فيه ادهم انها خدت البت وسافرت
تقي بحزن..... وادهم عامل ايه دلوقتي
قاسم بدموع...... جاتله جلطة ودخل في غيبوبة
تقي بصدمة وحزن.... يالهوي بعدين يا قاسم
قاسم بدموع..... مش عارف اعمل حاجه يا تقي اقفلي دلوقتي اقفلي
فاطمه كانت بترن علي حسن مش بيرد اتصلت علي خالد ورد وقالها اللي حصل اتصدمت
قاسم بدموع...... هنعمل ايه يا بابا
حسن بهدوء...... في ايه ما خلاص هي خططت ودبرت واللي حصل حصل مفيش حاجه تتعمل ربنا يقومه بسلامه ويشوف حياته وهي مش عارف ادعي عليها ولا اقول احنا السبب ولا ايه مش عارف اعمل ايه خلاص مش قادر علي كمية الصدمات اللي بخدها في بنتي اللي مكنتش بتخرج من باب البيت عرفت ازاي تخلع جوزها وتاخد البت وتسافر وتدي لجوزها منوم وتمضية علي ورق السفر وهربت وقطعت علاقتها بينا عايزني اقول ايه يا قاسم يعني خلاص مفيش حاجه لا تتقال ولا تتعمل خلاص الموضوع خلصان لوحده يا قاسم
قاسم بدموع..... طيب ادهم لما يفوق
حسن...... هو السبب هو وهمها انه بيحبها وهي حبته بكل طاقتها ومستحملتش انه يخونها او يتجوز او حتي يحب واحده تانية هي مستحملتش ده هو موفاش الوعد قالها بحبك وكانت كلمة عابره حصل ايه في النهاية لا وكمان حملت منه في الحرام وهي علي زمه راجل تاني بجد مش عارف اقول ايه دي تربيتي دي اللي كانت بتقعد علي المصحف متقومش
دي اللي كانت بتصلي الفرض بفرضه طب احنا مكناش قريبن من ربنا لكن هي هي كانت عارفة كويس تزنا تزنا وتحمل كمان معدتش مستحمل كفاية هي كسرت ضهري بعد موت فارس اكتر هي كسرته بالقوي ياقاسم تعالي روحني يا خالد حاسس اني مش قادر امشي يا بني
خالد بخوف..... بابا تعالي اكشف عليك
حسن.... مش عايز كشف ولا زفت روحني. بيتي عايز اقعد في بيتي خلاص سيبوني ارتاح يارب كل مره بتعاقبني عقاب اقوي من اللي قبله سامحني يارب سامحني يارب
خالد خد والده وهو خايف عليه وقلقان وروحه البيت وحطه علي السرير وهو بيبص للسقف وهو حزين ومش قادر يتكلم تاني
فاطمه ببكاء..... يا حج متعملش في نفسك كده يا حج هترجع صدقني هترجع
خالد.... بابا اهدا انت بتشنج كده ليه
حسن وهو مش قادر يتنفس...... ااناا كننت عاارف ان اناا هموت كنتت عايز اموت علي سرير وبيتي قولوا لمني تسامحني لو رجعت وكل اللي عملتله حاجه وحشة زعلاته مني يسامحني
حسن ببكاء...... قولوا لادهم يسامحني لاني انا السبب في اللي مني عملته وفي تربيتي ليها
وخديجة قولولها تسامحني وتخلي ملك تحبني وتترحم عليا
خالد وفاطمة كانوا بيبكوا ومازن كان واقف وراهم وبيبكي بصمت
حسن ببكاء ونفسه تقيل....... قولوا للكنزي اني بحبها جدا لو رجعت وقولوا لقاسم يسامحني علي التربية اللي ربتهالوه قولوله سامحني اني مكنتش الاب الصالح لهم واني بدل ما جرهم في طريق العبادة جرتهم للظلم وفرض السيطرة علي اختهم ومراتتهم سامحوني كلكم كلكم قولوا لكمال هو كمان يسامحني مش عايز اموت وحد زعلان مني يا فاطمة انا خايف يا فاطمه مرعوب صدقني مرعوب خليهم كلهم ياسامحوني واعملولي حاجة لله كل فتره يمكن ربنا يسامحني اوعي تنسوا اوعي تنسوا علشان خاطر ربنا اوعي تنسي يا خالد
خالد كان بيبكي بكاء شديد وباس راسه وحضنه.... متخفش يا بابا كل اللي انت عايزة هعمله صدقني
حسن طبطب عليها وروحه ابدت تطلع وكان وفضل دقيقتن لغاية ما الروح طلعت للي خلقها وهنا صريخ فاطمة ملي البيت كله وبكاء خالد وهو يقول......ان لله وان اليه راجعون
وطلع تليفونه واتصل علي قاسم اللي اتصدم ومش مصدق واتصلوا بالقرايب وكل المعارف وفي خلال ساعة كله جه معادا خديجة وولادها
في الصعيد
خديجة ببكاء..... ياوليد ده عمي قبل ما يكون حمايا
وليد بعصبية.... عايزة تروحلهم ليه مش دول اللي بهدلوكي ومرمطوكي عايزة تروحلهم ليه يا خديجة
خديجة..... ده واجب علشان خاطري الناس متكلش وشي يا وليد يلا قوم خلينا نروح
وليد بعدم رضا.... حاضر يا خديجة حاضر
وفعلا جهزوا واخدوا الولاد اللي مش عارفين فيه ايه بس ملك عارف ان جده مات لكن مش حزينة عليه ابدا
قاسم في بيت ابوه بعد ما اتغسل وكفنه كان يسند راسه علي الحيط وهو بيبكي ومش مصدق انه كان معه مكملش ساعة ويموت كده تقي بتهون عليه
وخالد كذلك جاسيكا بتهون عليه وكان قاعد وحاطط ايده علي راسه ومش بيبص لحد
شاهين شريك قاسم دخل هو ومالك
شاهين بحزن.... البقاء لله يا قاسم
قاسم بدموع وحزن.... حياتك الباقيه
مالك كان حزين بسبب حزنه.... البقاء لله يا عمو قاسم
قاسم بدموع وحزن...... حياتك الباقيه يا حبيبي
ادخلوا جوه
شاهين..... اتفضلي انتي يا مدام واحنا واقفين معه
تقي دخلت
شاهين.... شد حيلك يا قاسم
قاسم ببكاء.... تعبان يا شاهين ده كان معايا مكملش ساعة ولقيتهم بيقولولي مات ده لسه كان واقف بيكلمني والهي كان بيكلمني وكويس
شاهين بحزن..... اهدي بس البقاء لله وحده محدش هيدوم ده اجله يا قاسم
قاسم..... ونعم بالله ونعم بالله
شاهين بحزن.... اهدي علشان تعرف تاخد عزاء ابوك
شوية والعربية اللي هتاخد حسن وصلت وولاده شلوه وحطه جوه الصندوق وبعدين حطه في العربية
وخالد ركب معه والباقي في العربيات
ووصلوا المدفن وسط صراخ فاطمه وبكاء زوجات اولادها
وحزن كمال وبكاء مراته بنسبه للاطفال سابهم عند الجيران لغاية ما يرجعوا
وصلوا المدفن ونزله من العربية ومشيوا بصندوق لغاية المقبرة بتاعته وابتدواء يطلعوه وخالد وقاسم وشاهين شلوه من الصندوق ونزلوا المقبرة وحطوه وخرجوا والشيخ ابتداء يصلي ويدعيله
وهما كان بيبكوا بكاء مرير
فاطمه ببكاء وصراخ..... اه يا حبيبي سبتني لمين يا حج ليه كده ليه يا حسن ياحسن
واحده من الستات.... حرام كده يا فاطمة وحدي الله
انتي هتكفري ولا ايه
فاطمة ببكاء..... ونعم بالله العلي العظيم سامحني يارب سامحني تعبانه
وبعد الدافنه ماخلصت طلعوا البيت والناس رواحت
وهنا تخلص حلقتنا اتمني تكون عجبتكم
الي اللقاء في حلقة جديدة
