Abimana Si Musang [BL]

[Bab. 23] Masalah Bapaknya

Gue nyari si Abi kesana kesini kaga nemu, disekolah kaga ade, di kosannya dia juga kaga ade.

Gue udah kaga ada ide buat gue kemanain ni om bule,

“Sepertinya Abi tidak ada? Bisakah antar saya ke rumah kakaknya?”

Guenya kaga mau, gue masih keinget dulu ngeri lama-lama.

Tapi apa boleh buat gue kudu nganter ni orang, pan tampangnya kek orang penting. Gue nyampek digerbang masuk ,

“Ini om rumahnye” kata gue

Pas gue lagi ngasih tau ni om bule, si bang aza tetiba keluar.

Dia liatin om bule ni kek takut kaget, udah gitu tangannya bang aza jadi gemeteran gitu.

Ini kenape dah, gue jadi mikir yang kaga-kaga.

“Ke-kenapa kau disini ?” tanyanya bang aza.

Lah beneran kenal, tapi kok reaksinya berbeda ye? setau gue kalo ada kerabat jauh yang dateng biasanya orang-orang seneng gitu.

Tapi ini bang aza malah kek ketakutan. Gue senyum kea bang aza bentar terus gue mau pamit pulang.

Tapi bang aza nya ngegandolin tangan gue.

“Ki, jangan pergi. Kamu disini” dia bilang kek begitu sambil kek memohon, gue kaga tega meski ni jantung gue masih jedag-jedug kalo liat bang aza.

Tapi menurut gue ini beneran aneh, napa ni orang bisa bikin bang aza ampe kek begini. Tangannya gemeteran, bawah mata dia merah kek nahan nangis.

Kalo lo pada tau bang aza lebih pendek dikit dari gue kaga kaya si Abi. Tubuhnya juga kurus kek gue, cuman bedanya bang aza orangnya manis.

Om bulenya disuruh masuk ama bang aza, dia masih dalam keadaan yang sama. Gue yang masih bingung kenape memutuskan untuk mengamati aje dulu.

Gue juga pengen tau siapa sebenernya ni om bule.

Ketika bang aza mau ngomong dia kudu narik napas dalem-dalem, lo pada mustinya tau kek gimana kalo orang lagi takut. Gue lama-lama kaga tega juga liatnye,

“Kenapa kau kesini?” tanyanya

“Kenapa tidak?” jawab om bulenya.

Suasana dimari juga tetiba jadi mencekam, kek pas diamping setan.

“Bukankah hal yang wajar jika seorang Ayah mengunjungi anaknya yang sudah bertahun-tahun menghilang?” katanya.

Pas om bule bilang begitu gue langsung kek ‘ha?’ begitu, ini ape maksudnya? Ni om bule bapaknya si Abi ama bang Aza? Kok jadi pegini?.

Gue pengen cabut aje rasanya, si musang juga kaga balik-balik. Kemane si lo?.

Pas denger jawabannye bang aza langsung berdiri, tapi diwaktu yang sama juga ada orang yang dobrak pintu kenceng banget dan ternyata si Abi.

Dia dobrakin pintu sambil marah. Setdah ni lo tepat waktu. Si musang ngehampirin gue yang masih duduk disofa, terus narikin tangan gue buat jalan keluar.

“Ki, ayo keluar dari sini.”

Gue masih diem dan mandangin bang aza yang kek lega liat si Abi dateng. Gue jadi kaga bisa mau ninggalin bang aza sendiri.

“Bi!” panggil gue sambil narikin dia balik supaya berenti.

“Abi!”

“Dengerin gue dulu,” kata gue

Si musang kaga berenti padal udah dihalaman, ini kalo kaga pake cara yang ntu dia kaga bakal berenti. Gue melukin dia dari belakang, barulah disa berenti.