وعكة حب

الحلقة السادسة

وعكة حب

برايسيسا

الفصل الثاني : وعكة حب

بعد مدة..

تفتح الباب... الظلااام.. البيت مظلم من الفدارش المسدودة و الخوامي لي دايزين عليها.. تدفع جسد شخص ما بشكل مهمل و تقفل الباب وراه بالساروت.. صوت همهمات أواااامر من الخارج كاتصدر فحق داك الشخص و من بعد كايعم صمت طوييييييل..

بأنفاس متسارعة.. حاولات تقلب على ظهرها.. نهجاااات كاتسوووط بصوت مسموع مزيرة على عينيها من حر الألم... كولشي فيها كايأن.. جسدها كولو ضرابي.. هي ماشافتهمش.. لكن احتكاك ملابسها بلحمها ملي كاتحرك غيييير شوية كان كافي يوصل ليها الحريييييق.. الحريق ديال الضرب.ات لي تا إنش من جسدها ما سلم من داك الكابل و وجهها ماسلمش من التصرفيق..

حلات عينيها فالسقف.. مكانش كايبان ليها فوسط داك الضلاام.. و كان عاجبها داك الظلام نوعا ماا حيت مكايمكنهاش تتأمل جسدها و تزيد تكره نفسها كثر.. رخات يديها و غمضات عينيها.. عقابها الجسدي المؤقت سالا.. و هي فانتظار عقابها النفسي لي يقدر يجي فأي لحظة.. !!

#_تذكرات..

خبطها بالكابل و سمع لصرخة آخرة لكن بدوووون صوت.. غير شفايفها لي كايتحلو بالألم و الأنين.. الأنين هو الشيئ الوحيد لي كايخرج من بين شفايفها.. وجهها حمرررر بالضرب و التعصااااار من الألم بحالا كانت كاتولد.. ذاتها كلها كاتغزل عليها.. ماتقدرش تتحرك..!! كلها مدگدگة..

غيثة : (شداتلو فيدو لايحة عليها تقلها) اهئ ععع... عافاك المزااااااوگة لمااااا سمح ليهاااا المزاااوگة اهئ غاتمووووت فيديييك غاتمووووت فيدييييك ا توفييييق.. اهئىىىىىىى اهئ !!!

توفيق : (صدرو كايطلع و يهبط.. جهدو كامل مشا عليها) هاد البنت عندك غاتسطينيييي!!! (التاقط نفس آخر) واش عارفة الأفكار لي كايدورو ليااااا فراسي؟؟؟؟؟

غيثة : (بزربة) عارفة عااارفة عاااارفة اهئ ولايني لاااا الله يستر عليييك أنا مزاااوگة اهئ مزاااوگة بمعزتييي عندك ماديرهاااش (ضورات ليه وجهو خلاتو يشوف فعينيها لي كايبكيو و ماقدرش يطول فيهم.. كانو كايطفيوه) هادي بنتنااااا..

توفيق : بنتنا لي تفكر ليا و لكنيتي.. ماشي لي تمشي تمرغو ليا فالتراااب.. (دفعها و ضار لعند هبة دفعها برجلو تا ضارت على ضهرها و تحنا هزها من الكووول كولها كاتنخصص بالدموع و كاتنيين بالألم.. الألم كان فوق ماتتصور.. ماقادرة تا تحل عينيها الدبلانين) والله و نلقاااااك ماشي بنت تا بربي تاااااا نقتلك!! كاتسمعي؟؟؟؟

هبة كاتحاول تحرك راسها باه.. و تقول ليه ماقاسها حد لكن ذاتها كانت مرخية.. و لسانها ثقيييل...