နဂါးလေးတွေကိုပျိုးထောင်မယ်![Tran]

အပိုင်း (43)

(43) အောင်းဝ်ပေါင်ပေါင်း ၂

သူက အောင်းဝ်စန်း နဲ့ အောင်းဝ်စစ် ကိုပဲ ရှာတွေ့ခဲ့ပြီးတော့ ပထမဆုံး တွေ့တဲ့ အချိန်မှာ အောင်းဝ်စန်း က အနည်းငယ် ပြင်းထန်ကြမ်းတမ်း နေခဲ့တယ်။ ဒါပေမယ့် အောင်းဝ်စစ် ကျတော့ လူချင်း မတွေ့ရပဲ ညတိုင်းသာ နဂါးကျွန်းမှာ သူပေါ်လာဖို့ကို အောင်းဝ်စစ်လေး က အမြဲတမ်း စောင့်နေရတာလေ။

အခုလိုမျိုး အောင်းဝ်ပေါင်ပေါင်း လေးနဲ့ မျက်နှာချင်းဆိုင်တွေ့ လိုက်ရတော့ နျင်းချု က အရမ်းကို သဘောကျ နှစ်ခြိုက်မိတယ်။ သူက အောင်းဝ်ပေါင်ပေါင်း နဲ့နောက်ကို အချိန်အတော်ကြာ လိုက်ခဲ့ပြီးတော့ နောက်ဆုံးမှာ အောင်းဝ်ပေါင်ပေါင်း က သူ့ကို လက်ခံ လိုက်တဲ့ အချိန်ရောက်တော့မှ ပဲ ........သူက ရုတ်တရက်ကြီး ပျောက်ကွယ် သွားတယ် ဆိုပေမယ့် ပေါ့လေ။

ဘာပဲ ဖြစ်ဖြစ်ပါ နျင်းချုက ဒီနေ့ညမှာ အောင်းဝ်ပေါင်ပေါင်း ကို တွေ့ခွင့် ရတဲ့ အတွက် သူက အရမ်းကို အံ့အားသင့် ပြီးတော့ ပျော်ရွှင်နေလေတယ်။

ဂိမ်းရဲ့ အကန့်အသက် တွေ မရှိတာကြောင့် ချစ်ခင်ရင်းနှီးမှု တိုးစေဖို့ နျင်းချုက ညွှန်တံကို ရွေ့ပြီးတော့ ခလုပ်နှိပ်စရာ မလိုတော့ပေ။ ဒါကြောင့် သူက ခေါင်းကို ငုံ့ကာ ကျပန်းနေရာတစ်ခု ကို နမ်းလိုက်ပြီးတော့ ဘယ်နေရာကိုနမ်းမိလိုက်လဲ တော့ သူလဲ မသိတော့ပေ။ သူ့ရဲ့ပါးပြင် ကတော့ အောင်းဝ်ပေါင်ပေါင်း ရဲ့ ပူပြင်းနေတဲ့ အကြေးခွံတွေကို ပွတ်သပ် နေလေတယ်။

အောင်းဝ်ပေါင်ပေါင်း လေးရဲ့ အသက်ရှုသံက ရုတ်တရက် ရပ်သွားကာ စိတ်ရှုပ်လွန်းလို့ သူ့ရဲ့ လက်သည်းတွေကို ထုတ်မလို့ လုပ်ပေမယ့် နျင်းချုကို အနာတရ ဖြစ်စေ မှာ စိုးရိမ်တဲ့ အတွက်​ကြောင့် သူဟာ လက်သည်းတွေကို ပြန်သိမ်းလိုက်ပြီး နောက်ကျောနဲ့ အမြီးတွေဟာ တတန်းထဲ ဖြစ်သွားတော့တယ်။

သူက စိတ်ကို တည်ငြိမ်အောင် ထားပြီးတော့ နျင်းချုရဲ့ မျက်လုံးထဲက သူ့အကြောင်းကို တွေးလိုက်တယ်။ သူကလည်းပဲ နျင်းချုရဲ့ မျက်လုံး ထဲမှာ တစ်ခြားနဂါးတွေနဲ့ ကွာခြားမှု မရှိဘူး ထင်ပါတယ်။