حبايبي تابعو الحساب ولاتنسونةالتصويت على القصة والتعليق على الفقرات
#طفولة مسروقة
بقلم روح
غير مبري الذمه من ينشر القصه بدون ذكر اسم الكاتبة
لقد كان هذه المرآة تتحدث وكأنها ترى ماعشته في حياتي لقد روة لي ماحدث في طفولتي ومراهقتي ايضا، تتحدث وكآنها عاشت معي تلك المآسات كلها،
المرآة:-صح عشتي بحزن بس فرج ربج قريب راح يدزلج اليساعدونج ويوكفون وياج ويشيلون الحمل عنج
شكد ماعشتي بتعب وضيم من الدنيه ربج راح يعوضج، وشكد مابجت عيونج الحلوات راح يضحكن بس خلي ايمانج بربج جبير بس بالبدايه راح تعبين هم
يولاند :-وهي جاي تحجي المريه وكف يمنه شخص اول ماشفته التفتت على المريه ابتسمت الي وبنظره اطمئنان غمضت عيونهه وفتحتهن،
-السلام عليكم
يولاند:- عليكم السلام
_ممكن باكيتين كلنس
ايي ايي تفضل انطيته الكلنس وكف شويه
باوع علينه وراح تذكرت هذا نفسه الي قبل يومين هم اجا اخذ مني ماي ضل بالي لان شكله ملفت للنظر
بعدين درت وجهي للمريه مالكيته باوعت منا منا ماكو اختفت
في وقتهه ماخليت كلامهه بالي لان ماتوقع يتغير الي انه بي
رجعت افكر بهذا الشخص شكله كلش يجذب ومرتب
باوعت على شكلي وضحكت انتي منو يباوعلج اذا اربعه وعشرين ساعه تبيعين بالشارع وملابس كلبت من الشمس
وجسمج صاير هالكدوته من الضعف تحسرت
ورجعت نظري على السيارات انظرلهه وهي تمر من يمي
شويه وكفت سياره بيهه شاب،
الشاب:- اويلي على هاي العيون التذبح
ماتجين يمي شويه كلشي ما اسوي بس اضل اباوع على هالعيون ونطيج الي تريدي
يولاند:-من سمعته هيج كال طفرت من مكاني
وعلى السريع لميت اغراضي ورجعت ركض للبيت
دخلت للبيت لكيت ماما كاعده بالباب الداخلي يم الحديقه
ام يولاند:-ها ماما يولانه اليوم راجعه من وقت
يولاند:- هااا ايي ماما تعبانه شويه مدري شبيه
ام يولاند:-يااا سوده عليه بنيتي شتحسين
يولاند:-اضطريت اكذب على ماما
كلتلهه مصخنه شويه وجسمي احسه مكسر
اعفتهه ورحت للغرفه خليت فراش تمدده بي
وتذكرت هذا الولد من حجه احس قرفت، تغطيت
ضليت ابجي كون انا عايشه مثلي مثل باقي البنات
مايهتمن غير بشنو يلبسنه ووين يطلعن واكو على راسهه ابو و اخو يشيل عنهم المسؤليه احس الحمل ثكيل على كتفي وماتحمله جبال بس اكول الحمدلله على كل حال
شويه وغفيت
ام يولاند:- ماما حبيبتي يولانه شبيج يروحي شنو المتعبج شتحسين
كلمات ماما هاي جانت كفيله تزيح عني كل غبار التعب وترجعني اقوى
يولاند:-لا تخافين ماما حبيبتي زينه انه لا يضل بالج هس اكوم
ام يولاند:-يلا يماما كومي اكليلج لكمه وصلي راح يأذن الظهر
كمت وي ماما هي تحضر الغده وانا كاعده يمه ومايله راسي على الحايط احس نفسي تعبانه كلش مو عبالك كلمات حجاهن شخص بلا اخلاق عبالك ونطاني سم احس حت جسمي نحلان
شويه واجتي مياسه من الدوام وتلكاهه اخويه ذكر الله يركض حته ياخذ الجبس من عدهه
مياسين:-يايمه يابويه والكم تعبت تعببت شنو هاي الله ياخذ المدارسه والسواهه احنه شكول دراسه شكول تعليم
يولاند:- ها ولج شبيج
مياسين:-اكلج داده يولاند ماتخليني ابطل واجي اشتغل وياج
انه والدراسه مستقيمان متوازنان لا يلتقيان لو تنكلب الدنيه
يولاند:- انجبي ولج مياسه ادرسي واوصلي بمستقبلج حت تعينينه، مو تبطلين وتجين وياي انه المن بطلت غير حته توصلين وطلعينه من الاحنه بي مو حته تبطلين وتجين وياي شدي حيلج وانجحي حت تساعدينه
مياسين:- ولكم تعبت الكيماء ولا طكهه بيه الرياضيات لو ماانتي مانجح، صدك نسيت اكلج نجحت بالرياضيات ودرجتي 90
ام يولاند:-وتريد تبطل الفاشله بلا انتي يمته تعقلين
يولاند:-عوفيه ماما عوفيه هاي تسولف وحدهه منو يبطلهه
مياسين:- الحجي وياكم بلا نتيجه اروح ابد واجي اكل عليه العباس الماينتظرني رايحه طياره ابدل واجي
ضحكنه عليهه وذكر الله يكلله الا اكله وما انتدر
مياسين:- ابو نص لسان دشوف بعد ياهو يجيبلك جبس
رد عليهه لا لا لاح انتدرج انا اسلن احبس هواي
مياسين:-شوفو شوفو اللوكي
راحت مياسه تبدل ورجعت صرفنت عن ايديهه وكعدت
مياسين:- اكلكم هذا منين الاكل اليوم حجت ماما
من بيت ام سامي مسوين ثواب على روح ابنهم
تحجي والاكل بحلكهه الله يرزقهم ويوميه يسوون ثواب ويدزولنه
ام يولاند:- دكلي وسكتي ولا تنسين تقرين الفاتحه
مياسين:- لا لا مانسا ولا يهمج ام يولاند
اكلنه ونص الاكل صفنت بوجهي مياسين
كلتلهه شبيج شو صفنتي
مياسين:-اجيت اكلج عليج الله اغسلي المواعين بس شفت وجهج صاير اصفر و مايساعد احجي
يولاند:- ضحكت عليهه
ام يولاند:-ولج مياسه اغسليهن المواعين لا اخليهن براسج اشو هن بس مواعين الغده عليج مخلينج على راحت عود اسم الله درسين مانريد نشغلج، عوفي اخيتج سودة عليهة مريضه اليوم، حجت مياسين بخوف
شبيج يولاند شتحسين شنو يوجعج، جاوبتهه لا تخافين حبيبتي مابيه شي
خلصنا اكل وسويت جاي ومياسين تغسل مواعين ودردم ماما شربت جاي وكالت راح اروح انام
ردينه عليهه نوم العوافي ماما
دخلت ماما للغرفه واجتي مياسين كعدت گبالي
يولاند شبيج شنو القاهرج ترا مبين وجهج مو مال مريضه وجهج مبينة ضايجه من شي
يولاند:- لا تخافين حبيبتي مابيه شي بس تدرين تعب الوكفه بالشارع تهد الحيل
مياسين:- الى متى يبقى هيج وضعنه دوم نضل نتحسر على ابسط شي
يولاند:- الله كريم يروحي انشالله تفرج ونرتاح هاي الايام تصير سوالف ومن نتذكرهه نعرف احنه شكد جنه اقوياء
------------------.--------------------------
في مكان آخر
طلعت من المحكمه وصعدت سيارتي ومشيت شويه ودك مبايلي
برهان:-الوو
نور:-هلاو حبيبي مشتاقتلك
برهان:- وانه هم مشتاقلج حضريلي نفسج شويه واوصل
نور:-امممممم اني دائمآ جاهزه الك
برهان:- البسي القميص الاسود
نور:- تدلل كم برهان عدني
يلا ع السريع سديت الجهاز وكملت طريقي للشقه وصلت صفيت السياره ونزلت للعماره صعدت للشقه مالتي
دكيت الباب فتحت الباب نور
لزمتهه من ايدهه حيل انا جم مرا كايلج قبل ماتفتحين الباب كولي منو صخمي على راسي، وانا احجي لفت ايدهه على ركبتي واللتسقت بيه امممم ادلل حبيبي متنعاد مرا الثانيه راح اتاكد، بس اني جنت متأكده انته لعد منو غير اني وانت نندل هاي الشقه
من شفته هيج بردت اعصابي شويه كلتلهه وان يكن مرا ثانيه تاكدي
باوعت شفت قميص النوم الاسود اللابسته يفضح اكثر من مايستر
طبعت قبله على شفتي بادلته وسحبتهه للجربايه بعدهه بعدت عنه وطلعت الحبوب من جيب البنطرون
نور:- المن هالحبوب
برهان:- اششش احنه متفقين من البدايه اطفال ماريد وانتي تعرفين نشنو نهايتنه، ماعاجبج الله وياج، لفت ايديهه حول ركبتي، لا لا خلص مثل متريد اخذت الحبايه ورجعت تطبع قبلات على وجهي وتشدني لعالمهه......
#يتبع.....
#طفولة مسروقة
#بقلم روح
حسابي الانستا r_25
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
طفولة مسروقة
Lãng mạnليس اي طفوله.... هي طفولتي التي لطالما حلمت بتغييرها، طفوله أتمنيى لو آنني عشتها كباقي الاطفال لاهين في اللعب وشراء الحلوى،، قصه ليست كما اعتدتوا عليه من القصص معي انا الكاتبه روح
