قضية لا تموت
زينب العبودي
البارت ١١
عمو اني أعتبرك أبوية، لا مو أعتبرك اني احسك أب إلي دائماً ،صح عندي أب بس ماعندي أي مشاعر تجاهه لان ألأب هو الأمان للبنية وهذا الاحساس ما أحسه آلا بوجودك.
أبتسم لكلامها ولزم ايدها
-تعرفين معزتج عندي وتعرفين كلش زين أنت بالنسبة ألي بنيتي والبيت ألي ما بي أسمهان ميتحمله أبوج يصير اظلم، سألي عمتج من تروحين زعلانه شيصير بيه حتى النوم عيني ماشوفه.
-عمو إذا طلقني بكر تبقيني يمكم لو تتخلى عني ،آني ماريد أرجع الأهلي اني عندي ولد اثنين وأنت أبويه وخالتي هي أمي ومجاهد أخوية
أنتم بالنسبة ألي أهلي اني ماعندي غيركم بهاي الدنيا ،وبكر شلته من حساباتي وأقتنعت بكلام ألناس ألي بس بالأسم أهلي أعيش علمود ولدي
جنت أباوع عليهه بغض النظر عن كلامهه الي يجبرك تتعاطف وياها بس جان كل تركيزي بموضوع الطلاق ،بسبب كلامها صار تخميني بكر مطلكهه.
ردت عليها أمي "ولج ام لسان لتبچيني أني ناقصني وجع وجعتيلي گلبي
ولج انتي بنيتنه وشحده يطلكج بكر والله اني هم أتبرأ منه ولو مطلكج لا سامح الله هم منخليج تروحين منه
ابتسمت أسمهانبعد كلام امي وباوعت على أبويه ورجعت سألت مره ثانية
-اذا طلگني مراح تتخلون عني تبقيني يمكم "
-صدگيني يا عمو لو مابيهه حرمة مااخليج تعتبين باب البيت أبد
بس لا سامح الله الله لا يقولها صعبة مو بكيفي ولا بكيفج لا الدين يسمح ولاالعشيرة تقبل هذا الشي، تصير بيهه كاتل ومكتول
-يعني تخليني أروح عمو
گبل كالت أمي "ولج أسمهان شهالفال أسم الله ميطلكج بكر ولج بكر يحبج والله لتشوفي يتخبل اصلاً من تزعلين يگوم يلوب بس ميعترف وبعدين بكر يدري اذا طلكج بعد يخسرج للأبد
حاول الحجي يريحهه بالكلام من شاف ملامحهه بهتت وبين عليهه القلق
-لتضوجين بنيتي ، تطمني مادام خشمي يشم الهوى ماأخليج بهذا الموقف حتى أذا سوه هذا الشي بكر راح الگه الحل ألي ميخلينا بهذا الموقف ،ارتاحي لا تفكرين بكر ميسويهه أبد واذا سألتج هسه بس حتى أرتاح موأكثر
عفتهم وكمت متحملت حديثهم حسيت اذا ابقه بعد دقيقة وحده ماأسيطر على وضعي وافلش كلشي موجود بالبيت لان يجيبون سيرته عادي عبالك عملته بسيطة والهه حل وتنسي بمرور الوقت ورغم ما گلتلهم بصريح العبارة عملته متنجبر أبد ونبهتهم أكثر من مره اذا يعزوني ميجيبون سيرته كدامي وهمه مستمرين ولا عبالك أني بشر عندي أحساس ومشاعر
-من رخصتكم طالع اني محتاج شي حجي
-وين رايح أبني
-عندي شغلة
-أذا مو مهمه أجلهه أريد احجي وياك بموضوع
-يابه عندي شغله مهمه تخص الدوام وأنت هم مصارلك ساعة من راجع من المستشفى أرتاح وأجل المواضيع لاحك على شلعان الگلب
-مدام عندك شغل توكل وليدي أخذ راحتك
-وانتِ يمه محتاجه شي
أنت تقرأ
قضية لا تموت
Художественная прозаكاتب للروايات تسرق فتاة عقله بغموضها وقضيتها وحكايتها تشوش العقل ! قالت لهُ لا تتجاوب معي إهمل رسائلي لأنني سأحولك لشخص مريض لا يثق حتى في نفسهُ وانتم كذلك أيها المتابعين إن دخلتهم وتعمقتم بسطور هذهِ الرواية ستجعل منكم شخص لا يثق حتى ف...
