Taste of Ms. Alexander

Chapter 31

Spragga POV:

Manda neva deserve ah ounce ah trus mi did hav inna um. An fi ah second mi mind shift an believe, yea she ah di one bur she neva rate e killa. Henny did warn mi hum much time bur e gyel a like ah cunt mi still ah giv she e benefit ah di doubt. Man say bwoy dem gyel dey look slick nuh fuck. Dem kinda gyel deh does war move likka wife an den fuk pon yuh.

So mi gi e dwags ah task fi dig up she files. Nuttnu ah substance him nah find mur dan e regular. Way she live, who she people dem be, way school she did ah go, dem type ah ting deh. Only ting him cud nah find is ah man she did ah deal wid. Inna mi mind mi did ah wonda if she ah virgin an dah only did mek mi war fuck it quicka.

Honestly mi neva did ah really look nuttnu seras bur sumn bur she did jus different. Neva cum crass ah gyel way energy jus connect an mi really did ah consider fi wife it. She really hah she head pon she shoulder an ah go fi way she war. Nuttnu mo sexier dan dah an jah kno, she did ah gwarn like she cud ah hold down certain business fi mi. Even did ah see she ah geh on gud wid mi kids. Man all did ah pree family unda one ruff. Bur she jus did haffi fuck it up!

Bur back to wen mi find out she fucking mek she hand fass. Ah leff mi did ah leff fram ah cyatty wen fucking Creepas call my phone. Dwag ah cum tell mi bur sum e ting missing. Since mi start run, mi neva fuck up. Always pon mi p's and q's! Neva once slip an ah dah mek mi run up inna e ranks quicka dan e res pussy dem. Bwoy, aryo dor even war kno how much ah dem war snipe mi out inna secret an fail fi realize say mi kno. Dah why mi always haffi strap an neva drop mi guard. Jus push up inna mi face too ruff an e clip empty. Anybady ah geh it. Man an woman. Only ting mi nah touch ah pickney. An ri now e mount ah people mi send go lay down, mi fucking numb to reality. Wen yar kill people fi so lang it cum like nuttnu.

Amanda did really ah shift mi medz tho. No doubt inna dah! Mi did ah start open an tell she ting way certain people nah even kno bur mi. Certain thoughts way mi lock off inna mi brain. Bur as much as mi war gi she e benefit ah e doubt, she haffi fucking dead. Once yuh mek yuh finga slick is only one ting ah go reach yuh. An dahs jus e law.

"Kill mi ago kill yuh," mi did shout afta her as mi geh up offa e grung. Mi did really undaestimate Manda an neva expect she fi really run inna e wall. Bur likkle did she kno, no matta way she run mi ago find um. So mi lowe um fi drive off.

Afta dah, ah mek it back inna mi jeep a check she location pon mi phone. Since e fuss time mi forward ah her yard, mi did put ah air tag unda she car. Jus cause mi did war see way mi ah geh mi self into. An everyday mi ah check she location an neva nar see nuttnu. Fram home, to supermarket, gym an work only. So yea she did geh mi trus. Even tho e gym ting did raise ah likkle alarm bur mi jus brush dah aff. Afta man nah insecure.

One time she end up Mangoz an mi deeven did hah ah clue. Iz nah till mi walk in, mi spot she wid sum woman. Shawna did dey wid mi dah night so mi neva press fi go ova to she. Last ting mi did need ah Shawna meking ah scene agen. Jus before wi walk in, mi did haffi fuck she jus so she wud shut up. Every likkle woman mi talk to, she love geh on jealous likka cunt. If she neva hah mi son god knows mi dun cut she off. Iz jus car mi war mi son grow up ah betta man dan mi. So mi jus ah try gi him ah somewah depiction ah one happy family.

Anyway dah night Manda roll out early an as much as ah bin war go behind she, mi jus hold mi cool. Iz nah till ah night I checking way she dey an I realize she dey tree house. Dahz wen mi tell Henny leh wi mek ah roll. Henny neva press it an end up jus forward. If him bin kno ah e teacha gyel, fucka wud ah stop ah e yard an lef mi fi go press mi own seen. Dawg nah like Manda fi nuttnu. Bur no man opinion nar stop mi fram fuck wid who mi war fuck wid. Leh mi experience it fi mi self. An so far she did ah gwarn real fucking gud until now.

Ah jus suck mi teeth and drive off behind her. Mi stay ah trail behind so she nah see mi ah fallow her. Either mi geh mi tings or kill mi did ago kill her.