حبايبي تابعو الحساب ولاتنسونةالتصويت على القصة والتعليق على الفقرات
#طفولة مسروقة
#بقلم روح
غير مبري الذمه من ينشر القصه بدون ذكر اسم الكاتبة
يولاند:- تذكرت شلون صاح عليه ويكلي عاجبج الوضع ست
كمت ابجي عود الناس ليش ما تحس بالفقير يعني انه لو عايشه مثلهم اضطر ابيع بالشوارع شنو الي عاجبني الشمس الي تنزل على راسي لو البرد الي يطك بعظمي
ضحكت يكلي عاجبج والله عمي ناس بطرانه حقهم ماشايفين العازه شتسوي بالبني آدم انه مستعده اشتغل ايي شغله شريفه حت اعيش عائلتي ، غفيت من التعب للعصر كعدت جوعانه
كمت اشوف شنو عدنه لكيت بس طماطه تعاجزت اكوم اكليهه ثرمتهه ورشيت عليهه ملح وتكلت
شويه دخلت عليه ماما وخاله سعاد
ام يولاند:-ها يمه كعدتي
سعاد:- ياااا ياااا ولج لا تاكلين طماطه نيه يصير عندج رمل مو زين عليج
يولاند خاله مابيه حيل اكوم اكلي والله تعبانه
سعاد:-:- سوده عليه يخاله، انه حاجيت ام وليد تكول لبنهه يشوفلج شغله بلكت الله يلكالج
ام يولاند:- امممين ربي هيج وتفرجهه علينه
خاله سعاد باوعت لماما وكالت خيال انتي عاجبج هذا الوضع
ام يولاند:- اسكتي خيه فدوا اروحلج، بوقتهه ماخليت بالي بالموضوع، يمكن لو مياسين جان اشتغل عدهه الفضول وضلت تسأل لمن تعرف الموضوع بس انه لا كملت اكلي وكعدت يمهن ضلن يحجن عن بت جوارينه الخميس عرسهه وزوجهه انقتل قبل العرس بيومين، كلش انقهرت عليهه خطيه
شويه و راحت خاله سعاد وكالت لا تسسون عشه احنه مسوين ثواب شويه وادزلكم، كالتلهه ماما ان شالله واصل ثوابكم
سلمت وراحت ضلينه كاعدين انه وماما واجت مياسين تفرك بعيونهه نعسانه، كالت
مياسين:- اكلكم سمعت راح يجيبون اكل صدك
ترا انه مستحيل اخطا بشي يخص الاكل، ضحكنه عليهه وماما كالتلهه
ام يولاند:- لا ماسمعتي خطا سعاد كالت مسوين ثواب
مسحت على بطنهه وطالت ايي والله كثرولنه من الثوابات انه احب اكل الفواتح والثوابات اكثر من الاعراس
صدك اشويه واندك الباب طلعت ماما جان جاي علينه ابن خاله سعاد عمره عشر سنوات كال خاله هذا ثواب دزته ماما الكم
جاوبته امي واصل انشالله
اشويه اذن المغرب صلينه وحضرنه الاكلة
تعشينه وكملنه ولتمينه يم ماما تسولف
سئلتهه مياسين
مياسين:-اكلج ماما احجيلنه عن بيت جدي
ارتبكت ماما وكلتلهه وين شفتيهم
مياسين:-وين اشوفهم غير ميتين؟!! بس اقصد سولفينه عليهم قبل
ام يولاند:-ماعرف عنهم شي ماجنه عايشين وياهم ورا زواجي بسرعه توفو
مياسين:-شكد انقهر من اسمع البنات تسولف عن بيت جدها واعمامهه، وانه ماعند لا جد ولا بيبي ولا اعمام ولا اخوال عايشين بوحدنه لا واحد يجينه ولا واحد يسئل علينه بنات ثنين وامهم واخ صغير ضالين ملطشه للدنيه اليسوه والي ميسوه يحجي علينه، انه صح تشوفوني دائما اضحك واحب الاكل بس هذا كله قناع اخفي بي الي احسه بداخلي
اشكد انقهر من البنات بالمدرسه يكلولي لازكه بتلبيسه وحده وقميص واحد، اتذكر قبل فتره من انشكت حذائي وماعدنه حته اشتري جديده واضطريت اداوم بيهه وهي مشكوكه وكل شويه تجي بنيه وكالتلي حذائج مشكوكه متشوفيهه
اضطر اكذب واكول يااا هسه شفتهه ما ادري بيهه
هواي ايام مرت عليه انام بدون اكل بابا الله يرحمه جان عنده عربانه يشتغل بيهه ويادوب اليجيبه يكفيلنه اكل ومن راح بابا كلش سائن حالتنه الى ان قررت يولاند تبيع بالشارع مي وكلنس بالبدايه امي خافت عليهه هواي بس يولاند كدرت تقنعهه وكالتلهه حته نقاب وكفوف اللبس بس خليني خو ما نموت من الجوع بوقتهه ماما جانت بالعدة اضطرت تقبل، اتذكر خاله سعادجابتلهه النقاب والعباة والكفوف....
---------------------------.------------------------
أنت تقرأ
طفولة مسروقة
Romanceليس اي طفوله.... هي طفولتي التي لطالما حلمت بتغييرها، طفوله أتمنيى لو آنني عشتها كباقي الاطفال لاهين في اللعب وشراء الحلوى،، قصه ليست كما اعتدتوا عليه من القصص معي انا الكاتبه روح
