ثبت على يديه🌱مكتملة🌱

🌱الجزء 32🌱

🌓تبت على يديه🌓
💎بقلم : ايمان العماري💎
✨الجزء : 32✨
بدر الدين شاف فيها كيف منفاعلة وعنيها لي كيبريو بدموع وعاد قميجة تعها لي مقطعة باينة بلي تعرضات لشي محاولة اغتصاب تنهد وغمض عينو وهو انطق

بدر الدين : كون درتي كيف وصاك الله سبحانه وتعالى كاع متشوفي دياب ولا تخلي شي حد اشوف فيك ويستغفر  ولا  كنتي اتحطي فهاد المواقف ولا اتمشاي فهدا ليل بهدا لحالة فشاريع

نور : كتعرفو الله المنافقين كتعرفو فدين غير لي بغيتو وتخدمو بيه ومدام كتعرف اش قال لله قوليا شنو قال اسي المفتي

بدر الدين : استغفر الله العظيم واتوب اليه طلعي نوصلك لدارك لابغتي

نور : ممحتاجاش ليك توكل وخليني انا قادة براسي

بدر الدين عصباتو زير بيديه على  الڤولون  وكان ناوي اكسيري ويخليها ولاكن خاطرو مسمحاتش ليه اخليها فهاد الحالة وهي محتاجة لي  يعاونها توصل لدرها حيت لبقات فزنقة أتعرض لماكفس   حاول ابرد اعصابو  ونطق كمحاولة ثانية

بدر الدين : انا عارفك قادة براسك ولكن هذا ماشي مكان مناسب تبقاي فيه ولا وقت مناسب باش تكوني هنا طلعي نوصلك فين بغتي متخافيش راه مغنأذيكش

نور شافت فيه  مطولة  وهي دور حلات لباب وركبات جنبو وتكمشات على راسها  بدر الدين غير شفها ركبات وهو يكسيري مكيشوفش جيهتها

بدر الدين : دارك فين

نور: فحي الراشدية  

كسيرا وموقف حتا لقدام دارها لي نعتاتها ليه وقف وهي نزلات من  طوموبيل وبلا مدور تشوف فيه نطقات

نور :  شكرا

بدرالدين : هانية

كسيرا غادي لدارو  وهو كيشوف فيها من لمريا متبع معها حتا دخلات من لباب   وعاد زاد فسرعة  وهو كيخمم فيها و فاش وقع ليها مزعمش اسولها اش واقع ولا كيفاش رجعات فديك لحالة  راسو  ضرو وباغي افهم اش  وقع بقا غادي ودماغو خدام حتا سمع صوني تاع تليفون ماشي تاعو  هو يفراني جنب طريق

تلفت هو يبان ليه تليفون نور كان طاح ليها من صاك  هزو شاف سميت فؤاد هو لي كيصوني عليها تنهد وهو ادور  بطوموبيل راجع لعندها باش ارد ليها تليفون  مع وصل لدار هي تبان  جالسة على ركبيها فالارض كتجمع فحويجها لي مشتتين فالارض  وكتبكي