ثبت على يديه🌱مكتملة🌱

🌱الجزء 50🌱

🌓تبت على يديه🌓
💎بقلم : ايمان العماري💎
✨الجزء : 50✨
نور ساطت النفس بجهد وهي تنزل لتحت   تحط لعشا وجلسو كلهم كياكلو وبدر الدين عنيه فطبسيل مكيهزهم ف نور وهدرتو قليلة كيجاوب جداتو ومو على قد سؤال   كملو عشاهم وهوما يسمعو صوت تليفون تاع نجاة

نجاة : خير ان شاء الله شكون كيعيط لينا فهاد الوقت

بدر الدين  وقف هز تليفون تاعها ونطق : هادي خالتي ربيعة

نجاة : خير ان شاء الله ( جوبتها) الو ختي لباس اشخبارك  

ربيعة : لباس اختي الحمد لله انا غير عيط عليك نقول ليك بلي غدا ان شاء الله انجي نشوف مي وقلت نصوني عليك نعلمك

نجاة : مرحبا اختي مرحبا بيك وطريق سلامة

ربيعة : الله اسلمك

قطعات نجاة الخط وهي تشوف فيهم ....

نجاة : هدي ختي ربيعة

محجوبة : اش قالت ياك لباس عندها

نجاة غاتجي  غدا طل عليك

بدر الدين : مرحبا بيها

طلع لفوق وناضو لبنات كيجمعو الماعن  سالاو وتوجهو كل وحدة لبيتها نعسو باش افيقو صباح استعدو لإستقبال الضيوف

صباح جديد  .....

فاقت نور متأخرة  حتا العشرة كتسمع  صوت ضحك لتحت  ولهراج  مفهمماات والو ناضت دخلات لدوش  غسلات حالتها ولبسات بيجامة عبارة على كلون مزير وتشورت تاعو فشيبي وشعرها جمعاتو لفوق   نزلات  وهي جارة كلاكيطة تاع صبع  وصلات لتحت تما كانت امرأة فالاربعينات من عمرها وجنبها راجلها  وجوج بنات مراهقات  جالسين دايرين بمحجوبة وبدر جالس معهم هو ونجاة ونهيلة حطين اتاي وحلويات مغربية مشكلة واجواء الترحيب مزال مبغاش يسالي ملي وصلو

نور تقدمات عندهم : سلام عليكم

الكل ماعادا ربيعة : وعليكم سلام

ربيعة شافت فيها وشافت ف راجلها لي  فاتح فمو فيها وهي  تركلو  من تحت طبلة حتا كحب اتاي لي فمو

المختار : كح كح كح

محجوبة : بسم الله عليك شرب لما شرب

هزات ربيعة كاس دالما مداتو ليه

ربيعة بهمس : شرب وحدر عنيك ولا نجبدهم ليك
(خنزرات ف نور وهي كتنطق) ختي شكون هي هاد البنت لي معكم فدار

نجاة :هادي نور الممرضة  ديال  مي

ربيعة  كطلع فيها وتهبط : مالقيتو  شكون تخدمو  غير هي

نجاة بحدة : ربيعة ختي جيتي تشوفي مي ها مي قدامك دكشي لاخور مدخليش فيه لله اعطيك ستر

ربيعة : ماقصدت والو غير هو علاش بدر فرض على بناتي الحجاب وخا باقيين صغار وهو هدر معيا عليهم نحجبهم وفلخر مخدمين وحدة متبرجة فداركم !

بدر الدين : خالتي انا مافرضت على حد شي حاجة انا بصح هدرت معك ووعيتك باهمية تربية لبنت على اخلاق الاسلام وعلى دكشي لي وصانا بيه الله وقلت ليك تهدري  معهم على الحجاب بلي فرض على كل بنت مسلمة بلغات  ماشي جيت ودرتو فوق راسهم بزز منهم  اما بنسبة لنور  فهي خدامة هنا عندنا وحنا ماشي من حقنا نفرضو عليها شي حاجة الحجاب نتمنا ديرو وتستر راسها ولكن بقناعتها ومزال انهدرو معها عليه ونوريوها اش قال الله سبحانه وتعالى على الحجاب حنا نوصلو ليها دكشي لي مدكور فالقرآن وهي تشوف رسها اش دير  واش تطيع الله سبحانه وتعالى ولا تعصيه  ونتي ماشي من حقك دوي معها بهاد النبرة ولا تعايريها بدكشي لي هي مبتليا بيه طلبي ستر ونشر  الخير مهما كان لاعلكي تكوني سببا في هداية شخص ما

كمل بدر الدين هدرتو وحط لكاس ديال اتاي وقف ونطق

بدر الدين : سي  المختار مشينا

المختار  وقف تاهو : اه  يلاه باش نيت منتعطلش على الراجل

خرج بدر الدين مع  المختار   .... خلاو غير لعيلات فدار  .... نور لي كانت مصمرة بلاصتها كتسمع ل بدر الدين كيف كيهدر مع خالتو وسكتها  فرحها بزاف معرفاتش علاش حسات بلي من ليوم كاين شي حد فضهرها ابقا اوقف معها ويحميها 

نجاة شفتها مسمرة بلاصتها وهي تنطق : نور اجي تفطري

نور : شكرا اخالتي خليه من بعد نخليكم على راحتكم

نجاة بأمر : دوزي  تفطري انتي  راك وحدة منا وانا راه قلتها ليك قبل  اجي  حدايا

جات نور جلسات جنب نجاة  وكتشوف فربيعة بنص عين   فطرات نور وهي توقف كتجمع  الماعن هي ونهيلة تحركات نور لكوزينة حطات بلاطو ورجعات تهز طباسل وهي توقف قدام لباب فاش سمعات  كلام ربيعة