وعكة حب

الحلقة التاسعة

وعكة حب

برايسيسا

الفصل الثاني : وعكة حب

قبل لحظات.

تبادل مع النادل لي كان كايفرق عليهم الخبز برحابة صدر ابتسامة هادئة.. و غير مشا تنهد من داك الطبق لي كان مشهي ياكلو فمناسبة زوينة بحال هاديك... لكن غصة هبة مزال واحلة ليه فالحلق.. هو مزال جالس معا باها لي حاضيه بنظرات.. عارفك كاتبغيها ولكن مغاتكونش ليك.. و التوقيع ابتسامة خفيفة من شفايف توفيق.. و الرد الخضوووع من جسد يزيد و الانتفاضة و الث.ووورة من قلب يزيد..

قاد الكمام على يديه و مد يدو لي لاحظ ارتعاشتها الخفيفة.. غمس فالطبسيل.. ضغمة فيها القليل من اللحم و المرق و حبات سمسم صغيرة مدردرة.. مدها لفمو.. ندغ مرة و زوج و تلاتة.. الخبز كان طري.. اللحم كان فتي.. يمكن سنانو لي ماحادينش كفاية باش يطحنوه ولا الريق نشف من حلقو باش يقدر اللعاب يساعد على البلع..

مد يدو و هز كاس دالزاج.. كان فيه مشروب غازي ضارب بالحمية ديالو عرض الحائط.. و جغم منو متلذذ بمذاقو..

عبد الرحمان : يزيد مافراسكش توفيق غايزوج بنتو هبة!!؟

توفيق دار فيه نظرات ديال من نيتك غاتهضر فهاد الموضوع فبلاصة بحال هادي!!

عبد الرحمان كمل و هو كايلحس إبهامو لي بقا عالق فيه القليل من المرق و البصل الذااابل : ههه توفيييق لي مايسخاااش بالأميرة هبة جا دابا و قالك عطيتها هههه..

توفيق : حنا كاناكلو أخويااا.. ماشي وقت هاد الهضرة..

عبد الرحمان : مالك أخويا خلينا نفرحو على خاطرنا.. من هاد العرس لعرس هبة إن شاء الله..

توفيق تنهد و يزيد حط الكاس و سعل سعلة وحدة و حط عليها يدو.. انتابه ليه توفيق و مد ليه كاس ديال الما..

توفيق : شرب لك الما..

يزيد ابتاسم ابتسامة خفيفة.. و خدا من عندو الكاس.. تأمل النقاء ديال الما لي فيه و بزربة دلقو ففمو فجرعة وحدة..

عبد الرحمان باستغراب من طريقة شربو للماء : يزيد ولدي ؟ شحفان!! ياك بخير!!

يزيد ميل ليه راسو و قال : ب.. بخ.. بخير..

حط يدو على عنقو المخنوووق.. العافية مزال ماتطفات و كلما هضر كلما حس برغبة كبيييرة فالسعااال.. مكانش باغي يثير فضول الناس لي ضايرة بيه ولا انتباههم ولا ااهتمامهم.. باغي غير ينساحب من بداية الوليمة بلا مايثير شكوك..

توفيق : ياكما سرطتي شي حاجة..

يزيد شاف لعندو بنظرات باردة و رجع شاف فيهم كاملين.. و قال : تفكرت.. عندي واحد الخدمة ماكملتهاش و غاتس.. احم.. غاتسمحو ليا خاصني نمشي نكملها (حط يدو على فمو و بزربة نزلها..