حبك في قلبي قصيده

البارت(١٢)

صوت الاجهزه تحاوطها نايمه بسلام على السرير ، نور الشمس تسلل لعيونها فتحت عيونها بشويش وشافت امها جمبها نايمه وجلست على السرير وبصوت خافت
غيد: يمه
فتحت عيونها وشافت بنتها قايمه
ام تركي: امي غيد تعبانه تبين شي سستر دكتوره
دخلت الدكتوره تشيك عليها
الدكتوره: بنعطيها مغذي الحين اذا خلص بنكتب لها خروج
ام تركي: تمام

"نرجع بالوقت شوي"
ام تركي تتصل على ولدها
تركي: لبيه
ام تركي: اسمع ياتركي تجيني الحين الحين مابي اي كلمه بروح لختك والله ماخلي بنتي وانتظرها اهنا
تركي: بس يايمه
ام تركي: بلا بس بلا بطيخ اقول تعال الحين شفني عند الباب
تركي: ابشري وقفل الخط ، يبه بروح اجيب امي
ابو تركي: زين توقع
تركي: ابشر

ناصر بعد ماطلع من المستشفى ضاقت عليه الدنيا حس انه مخنوق شكلها وضعفها اثر فيه وزاد توتره على جميع العائله من فهد وفي داخله يالله انك تحفظهم

راكان وهو يمسح شعرها : غيد قومي تكفين ياغيد
لكن مافي اي صوت منها
جلس على السرير ومسك يدها وباسها وطلع من الغرفه
وعلى الكراسي ابوه منزل راسه اتجه له راكان وربت على كتفه
راكان: مافيها الا كل خير شف الدكتور طمنا
ابو تركي: اللهم لك الحمد

-بيت الجد-
المكان هادي الجميع ملتزم الصمت وكلهم مجتمعين في الصاله
الجد يردد الادعيه ويستغفر
والجده تهدي البنات وتقويهم
دخل خالد وهو عينه عليها وواضح انها تعبانه
غيدا وهي كل تفكيرها عند اختها رفعت عيونها له ونزلت دمعتها
حس خالد برجفه في قلبه وعلى طول طلع من البيت مايحب جو الحزن

ورد: ياغيدا مافيها شي اتصلو على جدي يقولون انها بخير
غيدا : يارب الا سلطان وينه
الجده: راقد
غيدا : الله يعين

الجد: الكل لغرفته ورقدو وتعوذو من بليس واحمدو ربكم على النعمه
ودخل ينام هو والجده

العمه لولوه: بنتي غيدا والله مافيها الا كل خير متصل علي
فيصل يقول انها بخير
الهنوف: اي خلاص غدو تعالي ننام اكيد بتطلع الصباح
دخلت غيدا هي والبنات ينامون

ياسمين وهي تتقلب بس ماجاها نوم طلعت للحوش المكان هادي مافيه اي احد جلست عند عتبه الباب
كان عساف داخل البيت وشافها
ياسمين شهقت وجات ورا الباب
عساف: ياسمين
ياسمين: هلا بغيت شي
عساف وحس الوقت غلط : ابد سلامتك واتجه لبيتهم

الساعه ٢:٠٠ اليل
ممرات المستشفى مافيها احد والنور خاافت مره وماحد موجود الا الممرضات عند الاستقبال كانو ثنتين بس
الجو شوي موحش راكان يمشي من عند الممرات واصوات خطواته تنسمع دخل الغرفه شاف امه نايمه على السجاده وابوه نايم على الكنبه انوجع من اشكالهم
هز راسه وطلع مافي يده شي يسويه

"عند فهد"
سطام: ياطويل العمر بنت عادل في المستشفى
فهد : ياذا عبدالله ربي حابه كان معه جني يعلمه
سطام: وخطتنا ؟
فهد: ياسطام قد سويت شي وفشلت فيه ؟ لا بس مره والحين صاحب فشلي بيتضرر قدامي
سطام : انتظر ولا اروح المستشفى اشيك على الوضع
فهد: شيك
سطام: ابشر