فصيلة ال شمر

بارت 1

جان الجو شتاء والشمس طالعه وكل الناس الصبح طالعه لدوام واني جنت دامشي لوحدي اريد اروح للمدرسه لان هي قريبه عالبيتنا جنت بوقته كلش مرتاحه نفسيتي لان بيومه عدنا امتحان English اني حافظه المادة ومسيطرة واصلا اني احب هاي المادة طبعا اني شاطرة بدروسي مشيت لحد ماوصلت للمدرسه مثل كل يوم درسنا وامتحنت وجانت الاسئله كولش سهله جاوبت وانطيت ورقه الامتحان للمدرسه دك جرص الفرصه ورحت اشتريت لفه وعصير اكلت وكملت ورجعت مرة ثانيه للدرس المهم لحد ماخلصت الدروس طلعت للبيت عالفكرة اني ماعندي صديقات ليش لان اغلب البنات مايحبوني معتبريني مغرورة ومنعزله وانطوائيه… .اغلبهم عدهم موبايلات وعدهم بوي فريند وسوالف ماحلوة ماتعجبني اني شكوا وياهم انجرف للطريق الموزين اني جايه ادرس وبس امنيتي اطلع معدل وادخل طب… .رجعت للبيت
جوري/ مساء الخير… ماما حبيبتي اساعدج بتجهيز السفرة
ام جوري/ لاحبيبتي انتي غيري ملابسج وارتاحي بين مايجي ابوج حتي نتغدى سويه
جوري/ رحت لغرفتي بدلت وحضرت دروسي وشوي اجه بابا واتغدينا سويه طبعا كالعادة اهلي يسالوني عالدروسي واني اجاوب
نسيت احجيلكم عن نفسي وعائلتنا
اني اسمي جوري هاني ..عمري ١٩سنه طالبه سادس اعدادي اني ملامحي ونعومتي اشبه مي عز الدين ماعندي سوالف بنات من يوم ماكبرت واني كل همي دراستي اني محجبه وملتزمه بصلاتي وصومي اني الوحيدة عند اهلي بابا اتعرض الحادث وعلي اثر هذا الحادث بعد مايكدر يخلف اني اهلي اهم شئ عدهم احقق امنيتهم ادخل طبيه واني همات احب اصير دكتورة اطفال وعندي طموح اعالج اطفال المصابين بمرض السرطان لهنا حلوة حياتي ومابيه شئ… 

حيدر/ لك امجد وخر عن طريقي احسلك اني افحط بسيارتي قبلك
امجد/ لاحباب احنا ال شمر دومنا بالمقدمه غصبا ماعليك اني افحط قبلك
حيدر/ طاح حظك لك الظاهر ماشايفني شلون من امد ايدي عليك
امجد/ اتخسى اي والله اكسرها لايدك جرب وشوف شلون
حيدر/ لك موتك عالايدي ياجبان اتكامشت ويا وطلعت مسدس 🔫 ابويه ورميت عليه ٦ طلقات ومات وهو غركان بدمه… ..الشباب الي ويايه هزموني للبيت واصدقاء امجد اخذوا للاهله وعلكت السالفه بينا عشيرتنا وعشيرة ال شمر
بيت ابو حيدر… الله لايوفقك حيدر لك ليش تقتل للولد كله منج امل ماعرفتي تربين لا الولد والبنيه ساعه السودة الشفتج بيه
امل/ شوف اكلك لاتظل كلشي تخليه براسي هذا موا بس ابني انت ابوة واكعد وياها وربيه واشكمه موا بس ذاب التربيتهم براسي وتروح تفرفر ويا الملطلقات والارامل وتزوج وياهن متعه
ابو حيدر/ اشرد منج هو لو اني لاكي مراة بيه خير جان مامشيت بهذا الدرب وبعدين اني مامسوي شئ بالحرام متزوج بالحلال… .
زمن / اهووو الواحد مايعرف يرتاح بهذا البيت اروح اطلع افرفر بالمول هواي احسن
ابو حيدر/ شفتي هاي تربيتج اكوا بنيه شابه ساعه 11بالليل تطلع للمول شفتي دلالج لوين وصلنا اروح الم خواني وعشيرتي بلكن يخلصوني من هاي المصيبه ..…
ابو جوري/ هذا كله من دلالك الهم الف مرة كتلك هاي امل موا من ثوبنا اصريت تزوجه وشوف شنوا تاليه وكعن ويا شمر….. اخذنا شيوخ وجهاء عشائر لعشيرة ال شمر وبعد ٥ ساعات من الحجي والعرك والجدال صفت السالفه ياخذون فصليه وزمن بت اخويه هي الفصليه
ام حيدر/ شنوا عيني تاخذون بنتي فصليه زلم كومه وشيوخ وخبصه ماعرفتوا تحلوها الا بالفصل
ابو جوري/ امل ظبي لسانج واحترمي نفسج احسن يكتلون ابنج ويصير ثار بين العشيرتين وابنج هو الغلطان احمدي ربج خلصت عالفصل هذوله شمر كلهم اسود وعشيرتهم قويه حيل الحمدلله وخلصت عالهيج جان ماخذين روسنا كلنا
زمن/ سمعت اني راح اروح فصليه سكتت ماحجيت بالليل اخذت ذهب ماما وفلوس من قاصه بابا واخذت جوازي وفلوس وانهزمت من بيت اهلي ويا صديقي غيث اني شكوا اضحي بحياتي علمود اخويه يطبه مرض هو يتحمل غلطه
ابو حيدر/ الله لايوفقج زمن على هاي العمله وين انطي وجهي لبسوني العار ولد امل
امل/ لج زمن ليش هيج سويتي خليتنا عالحديدة وانهزمتي لج اخذي فلوس ابوج ليش تبوكين ذهبي 😢اووف اريد الذهب مالتي
حيدر/ يوم هو هذا اليهمج الذهب وبس واني راح يكتلوني شلون منين نجيب فصليه
امل/ ليش عيني انطوهم جوري شكوا بيه انت ابن عمه ومثل اخوها ولازم تضحي علمودك
ابو حيدر/ لج ياظالمه البخت هي اخته ماحمته وانهزمت تردين تذبيه براس هالمسكينه جوري… .
ابو جوري بعد ٣ ايام ولازم نسلم الفصليه ياخويه واذا ماسلمناهم الفصل يطيرون روسنا ماكوا خل غير بنتك جوري…
ابو جوري/ ليش هالانتقام هذا ياربي الله ياخذك حيدر عالعملتك السودة ﮘﻟبي انعصر عالبنتي كل تعب السنين وحافظت عليه وكبرته وصلت بالدراسه بنتي اسلمه بيدي فصليه شلون ياربي اللهم لانسالك رد القضاء لكن نسالك اللطف فيه
ام جوري/ لاعيني اقتله لبنتي ولاتروح فصليه ليش هي شنوا ذنبه تتحمل غلط غيرها
جوري/ بابا احنا وين عايشين شنوا هاي التقاليد ليش ماكوا قانون بابا بعدني زغيرة علي هذا الشئ اني اريد اكمل دراستي. يعني كل تعب السنين كله يروح بالحظه مستحيل بابا مستحيل حرام حرام الي ديصير 😢😢
ابو حيدر/ جوري عموا اعرف بيج كدة وماراح تفشليني والله مايهون عليه اشوفج فصليه بس لخاطر هالشيبه لاتذلينا ونلبس العار من ورى زمن والي سوته وانتي تعرفين ماكوا بنيه غيرج من بعد مانهزمت زمن
ابو جوري/ الموت اهون عليه يابنتي بس شسوي فاس وكع براس
جوري/ عفتهم ورحت لغرفتي ظليت ابجي والطم واعيط اباوع لكتبي لملابس المدرسه يارب ليش ديصير ويايه هالشكل ماباقي غير شهر وامتحن واجيب معدل وادخل طبيه ليش ليش اني بالذات ليش الله ينتقم منج زمن خليتتي بهذا الموقف الصعب… .
بعد مرور ٣ ايام
جوري/ اخذني عموا ابو حيدر بالسيارة وصلنا لبيت ابو كيان اهل الولد القتله حيدر ابن عمي استقبلنا ابو كيان دخلني للبيت وعمي رجع للبيته… ..
ابو كيان/ تعاي جاي هنا ادخلي للهول…  ..ام كيان ياام كيان تعاي هاي الفصليه جابوة
ام كيان/ انتي الفصليه
جوري/😢بلي اني
ام. كيان/ شسمج
جوي اسمي جوري
ام كيان/ اي جوري خوش بس لهسه حركه ﮘلبي علي ابني مابرد نار كل