لـــــبــۅهـ أنــمــار
الكاتبة/نورالهدى الوائلي
Nour Alhuda Al -Awaeli
بتاريخ 2013/2/13 يوم حنة أنمار وهيلين
ويوم 2013/2/14 يوم عرس أنمار وهيلين
هيلين/كعدت الصبح من وكت سبحت بدلت عدلت شيء بسيط اخذت زهراء وراحت وياي بت عم انمار بمثابة اخته الي هيه فاطمة اخذنه حسين ابن عمه انمار للصالون رحت دخلت نظفت نفسي للتاكيد خاف ناسية شيء سبحت سبحة تامة معطرات جسم سبلاشات رطبت جسمي ب المرطب بدلت لبست سيت عرايس مال حنة لونه احمر وكعدت بدت الكوافيرة تشتغل شعري هلمرة لان حنة حتسوي مفتوح بس تركب تاج على شعري وتبرمه الي ب الحنه ميشت شعري ميش بلون الشيب وهوة اسود طلع يجنن اشتغلته برم كلة وثبتت عليه تاج بعدين اجت كوافيرة الميكب بدت تشتغل مكياجي هلمرة كان طوخ بس بشكل جميل مو نشاز و اوفر لا مكياج برز ملامحي خاصة وجهي سمن على العرس صرت تفاحة ماخليت عدسات لان عيوني حلوات والبنات هم اشتغلوهم مكياج وتسريحات كملت لبست البدلة جانت لون بنفسجي فاتح ساعدوني البنات بلبسهه وحيل جانت دلع لان منا جسمي سمنان ف صدري جان بارز وظهري بوكتهه من رحنه نحجز تعاركنه اني وانمار لان هوة اختار اللون بنفسجي فاتح يحب هذا اللون واني ركضت على هاي البدلة بوكتهه تعاركنه ب المحل وصار عصبي وكام يكفر من ورة البدلة لان دلع كلش ههه عاندت وزعلت ورجعنه ثاني يوم اجرهه الي حتى ارضى وبدلة العرس ما احجيلكم فضيحة هم اعترض وهم عصب بس تحلف بيه ب الفندق يطلع البدلة من خشمي أني ما حجيت حتى ما يعترض على البدلات المهم من لبستهه برزت جسمي والكوافيرة وشمت اسم انمار على صدري المهم صارت ب3:00اني كملت لمن البنات الهوسة والجنط والملابس وحضرن روحهن حضرن البرنص مال البدلة جان بنفسجي ومطرز عليه ب الذهبي عروسة أنمار وقل اعوذ برب الفلق وعيون حسد يجنن البرنص جان لبسوني ياه البنات واجه ابن عمه انمار سجاد اخذنه لبيت اهلي وصلت واشتغلت الهلاهل والهوسات والردح والجكليت زهراء ذبت فلك البنات سوولي حنة تجنن ركص لحد الليل صارت ب8:00ورة صلاة المغرب والعشاء انمار بعد ماصلو وعشو الناس اجو 6سيارات يحنوني انمار بسيارة عمه علي وابوة وجدتة مزورقة ومزينه هيه سودة عالية والزينة بلون بنفسجي وعليهه نفاخ و ورد
و ولد عمه انمار كل واحد سيارته وسيارتين كبار ل اهل واقارب انمار بحيث الحنة صارت قوية طبن طبة كلهه جكليت وهلاهل وهوسات طب انمار سلم عليه قدملي بوكية ورد تبادلنه بلبس الحلقات وكيك قطعنه وعصاير ولبسني الذهب وصور وحناني وحنيته وهم صورنه صور فردية وعائلية و وزعت توزيعات الحنة للبنات لحد 9:30ياله راحو اخذو وياهم النيشان مالي الغراض والجنط عافو بس اثنين جنط اني عازلتهم وحدة صغيرة بيهه مكياج وعطور ومعجون اسنان وعلاجات وكذا والثانية بيهه ملابس احتاجهم بيوم العرس ومن ابدل ومن ارجع من الفندق لعيالي ف راحو لان وراهم حفلة ل انمار ب القاعة من طلعو البنات ما كفن دك ركص لحد ال2 ياله كفينه كمت بدلت غسلت لبست سيت عروس ابيض والبنات لبسن سيت عروس احمر وسوينه حفلة توديع عزوبية الحفلة زينتهه احمر الكيكة حمرة العصاير حمر الورد النفاخ خيط قطع العزوبية وحلويات وركصنه وصورنه ياله رحت سبحت وبدلت ونمت لان وراي كعدة للصالون تعبانه الليل كلة انمار يدك واني اغلس لان ميتة نعاس اسمع الحهاز واغلس خليته يدك ويمل ويسكت وحدة
أنت تقرأ
لـــــبــۅهـ أنــمــار
Romanceتروي القصة عن الحب من طرف واحد يشبه ان تكون غارق في منتصف البحر وتلوح لشخص لا ينظر اليك الحب من طرف واحد كانك تصب كل امآلك في أناء مثقوب ولقد قدر الحب على قلب فتاة تعرضت لــ أشـد أنواع الظلم تنكسر المرآه تتعلم كثيراً وتتغير نظرتها تجاه كل شيء ويصبح...
