حبايبي لاتنسون تابعون الحساب والتصويت على القصة والتعليق على الفقرات اريد همتكم، توصلون القصه الف
#طفولة مسروقة
#بقلم روح
غير مبري الذمه من ينشر القصه بدون ذكر اسم الكاتبة
وصلت للبيت فتحت الباب ودخلت للبيت هدوء
بس كان هذا الهدواء اشبه بالهدواء الذي يسبق العاصفه
وصلب لباب المطبخ اجيت ادخل وسمعت ماما تحجي وي خاله سعاد
سعاد:- خيه ام يوله ليمته تبقون هيج بوحدكم عايشين
ام يولاند:-شسوي ياخيه وين اروح
سعاد:-ليش متتواصلين وي اعمام البنات ترا من يعرفون زلمتج مات اكيد تاخذهم غيرتهم مستحيل يعوفون عرضهم بالشارع
ام يولاند:-ليش سعاد نسيتي مو حاجيتلج انه ابو مصعب اول ماوصلنه بيتهم كاله دور وجهك وارجع منين ماجيت انت وهاي الجايبه وياك حت ماسمع منه شي
سعاد:-خيه والوضع اختلف وانتي مو تكولين اخو زلمتج جان يواصلكم قبل
ام يولاند:-ايي خيه بس گطع عنه من ابو سمع وكاله اتبرا منك مثل ماتبريت من مصعب وبعد ما انتقلنه مناك بعد ماعرفنه ولا سمعنه عنهم شي والتهينه بالعيشه الصعبه
سعاد:-الوكت تغير واكيد النفوس هم تغيرت يمكن جد البنات يحن عليهن لو اعمامهن اكيد يطلع واحد بيهم عنده غيره
ام يولاند:-والله مادري شكلج خيه
سعاد:-فكري بالموضوع
ام يولاند:-واذا فكرت بالموضوع وين الكاهم بعد هالوقت يمكن راحو لغير محافظه (للكاتبة روح)
سعاد:-الله كريم خيه ربج يحلهه بس انتي حاولي تتذكرين عنوانهم مكان شغل واحد من حموينج
------------------.------------
يولاند:-اسمع الحديث واني مصدومه شنو عمام شنو جدي متبري منه وليش متبري منه واهلي ليش ماحجيلنه على هالموضوع ليش ضامين علينه شنو الصاير قبل احنه كبرنه مو جان لازم يحجولنه، ماما بعد وفاة بابا الله يرحمه ليش ماحجتلنه عنهم ليش ما دورت عليهم يعني عاجبهه هاي عيشتنه، احنه من جنه نسئل
بابا وماما على اهلهم جانو يكولولنه بابا ما عنده اخوان الوحيد الاهله وجدي وبيبي سوو حادث وتوفو من قبل منصير احنا، وماما ابوهه وامهه متوفين وعدنه خال واحد و مسافر لا يسئل علينه ولا نسئل عليه ولا نعرفه ولا شايفينه.
رجعت لباب البيت وفتحته وسديته حيل حته يحسن اكو شخص اجه سويت نفسي هسه دخلت وماسمعت شي
دخلت كلت السلام عليكم
جاوبن ثنينهن وعليكم السلام. وحده تباوع على الثانيه خايفات
خاف سمعت حديثهن، بس انه سويت الامر طبيعي
رحت خليت الاغراض بمكانهن وغسلت واجيت يمهن
يولاند:-شنو مياسه وذكوري وين
ام يولاند:-ذكر يلعب بالغرفه ومياسه بالدوام
شويه وتجي
يولاند:- ماما انه راح نام شويه لان تعبانه
ام يولاند:- اسم الله عليج بنيتي شبيج شتحسين سودة عليه يايمه
أنت تقرأ
طفولة مسروقة
Romantizmليس اي طفوله.... هي طفولتي التي لطالما حلمت بتغييرها، طفوله أتمنيى لو آنني عشتها كباقي الاطفال لاهين في اللعب وشراء الحلوى،، قصه ليست كما اعتدتوا عليه من القصص معي انا الكاتبه روح
