وعكة حب

الحلقة الحادي عشر

وعكة حب

برايسيسا

الفصل الثالث : فتيل طيف

كرزات على يديها خاشية ظفرانها فراحة يدها.. عندها أمل كبير أنها تكون مكاتحلمش.. و هاد الكلام لي خرج من فم باها غير من مخيلتها العيانة.. ضورات عينيها لجيهة ماماها.. و الأخيرة قالت : اا تت.. تو.. توفيق.. ووووو زعما سيمانة ماشي قليلة..؟؟؟ و وو راك عارف الدار خاصها تخميلة بعقلها و..

توفيق : (أشار لهبة) هااااا البنت قدامك مكادير والو زيديها تشقى معاك.. ويلا ماقديتوش بزوج جيبي مرا تعاونك..

هبة : بب.. با.. بابا.. (بخوف من ردة فعلو.. زيرات على يدها و نظراتها على يديه خايفة يضربها و متوقعة فأي لحظة تهزهم طاكي على راسها) اا أنا ما باغاش نتزوج..

توفيق : (هز حاجبو و طلعها و نزلها ببرود) ديك المرة علمتك ماقلتي والو..

هبة : اا د ديك الساعات.. عقلي ماكانش معايا..

توفيق : فين عمر داك العقل كان محطوط فبلاصتو أ هبة..؟ راااااك مفضية..

عينيها غرغرو من ديك كلمة "مفضية".. غير مكاتنخر ليها فعقلها بالحر.. ولات بصح كاتحس براسها ماساوية تا بصلة.. بيدها ولات قدامو بنت منحطة و عقلها زيرووو.. ماتايقش فيها و هي ماتايقاش فراسها أصلااا.. حتى من القرارات المهمة لي كان ممكن بكل أريحية تختارهم على خاطرها.. تسلب منها داك الحق تا هو.. و واخا هكاك صوت من الداخل كايشجعها تقاوم و تحاول على قبل راسها..

هبة : (بصوت ضعيف) عافاك.. عافاك أ بابا.. أنا ماباغاش نتزوج..

توفيق : (ببرود مصطنع) هيبااااا دوينااااا مرة وحدة مغانعاودوش الهضرة زوج مرات..

غيثة : توفيق تهدن الله يرضي عليك.. الجيران غايسمعو.. (بملامح غاضبة شافت لعند هبة باش تسكت) هبة سكتي.. احتارمي باباك..

هبة : لارد

توفيق أشار لهبة بغضب كايحاول يتمالك أعصابو.. : واش سمعتي بنتك شكاتخرج معا فمهااا.. مزااال عندها العييين تتقاااابح معايا..؟؟؟؟

هبة هزات عينيها فعينيه بدوك الدموع : ددد.. داك النه.. ااار نتا.. نتا قلتي ليااا غانبداو صفحة جديييدة.. ياك نتا بابا لي مغايبزز عليا والووو ..؟؟

توفيق : قلت ليك غانبداو صفحة جديدة.. و حياة جدييدة مع الشخص لي غانشوفو ليك منااااسب.. اينا حياة مزال ناوية تبنيهاااا.. راك غير كاتلوحي الما فالرملة.. نتي بنت عنيييدة.. و الشخص لي عنيييد مكايشوفش مصلااحتو فين كاينة.. خاصو غير يتعاااند.. عليها هاد باك مغايديرش بريك.. و غايفكر غير لمصلااااااحتك لي قادر بوحدووو يشوفها..

هبة : لارد..

توفيق : (جمع يديه ورا ظهرو و قرب لعندها بشك) علاش لي ترفضي هاد الزواج هم؟؟