အခန်း - ၂၀
အချစ်မီးပြတိုက်လေး💜🖤
သံဃာတော်ဘုန်းဘုန်းများက သီလပေးတော့မည်ဆိုမှ လွန်းငယ်ပါအတူရေစက်ချရမည်ဟု သူဌေးလူကြီးကပြောလေသည်။ ထို့ကြောင့် လွန်းငယ်မှာ ဘုမသိဘမသိနှင့် သူဌေးလူကြီးရယ်၊ဂျားကြီးရယ်၊မမပုလဲရယ်နှင့်အတူ ရေစက်ချ၍ အမျှပေးဝေလိုက်ရသည်။
"လောပန်း လွန်းငယ်ကိုဘာလို့အတူရေစက်ချခိုင်းတာလဲ ဒါကလောပန်းအလှူလေ"
ဘုန်းဘုန်းတို့ ဆွမ်းဘုဥ်းနေစဉ် ဘေးမှနေမေးလာသည့်ခလေးက မျက်လုံးလေးလဲ့၍ သိချင်နေလေသည်။
"ခလေးနဲ့နောင်ဘဝထိ ရေစက်ပါအောင်လို့ပေါ့ကွ"
"ဟမ်..."
"ကိုယ့်အလှူကိုခလေးကိုခွဲဝေပေးတယ် အဲ့တာကြောင့်နောင်ဘဝလဲထပ်တွေ့ကြမယ်နော်ခလေး"
"မတွေ့ပါဘူး လွန်းငယ်ကဖေကြီးနဲ့မေကြီးဗိုက်ထဲမှာပဲဆက်နေမှာ လောပန်းဆီမဝင်စားပါဘူး"
"ဟားဟား...ကိုယ့်ဆီကိုရောဘယ်သူက ဝင်စားခိုင်းလို့လဲခလေးရ"
"လွန်းငယ်ကိုသမီးတော်ချင်လို့မဟုတ်ဘူးလား"
"အမလေးဗျာ သွေးတွေတော့တတ်ပါပြီ"
"ဟမ် ...လောပန်းသွေးတိုးရှိတာလား ဘာတွေစားသေးလဲ ဆေးခန်းသွားမလား"
ကြားလိုက်ရသည့်စကားကြောင့် လူကခပ်နွမ်းနွမ်းဖြစ်သွားရသည့်ဥဿာမှာ ယခုအခြေနေကြောင့် ပြန်လည်အားအင်တို့ရလာရ၏။
"ကိုယ့်ကိုစိုးရိမ်လို့လားခလေး"
"မဟုတ်ပါဘူး ဟွန်း...လောပန်းတမင်ညစ်ပြောတာမလား..."
ဖေကြီးလဲသွေးတိုးရှိသူမို့ သွေးတိုးသမားတွေရဲ့ဝေဒနါတွေကို ကိုယ်တိုင်မကြုံဖူးသော်လည်း မြင်တွေ့ဖူးနေသည်ကြောင့် လွန်းငယ်မှာသူဌေးလူကြီးဘေးရောက်သွားရပြီး ပခုံးတို့ကိုတောင်သွားကိုင်ထားမိသည်အထိပင်။ ဒါကိုဘာမှမဖြစ်ပါပဲ နိုင်လူအပြုံးကြီးနှင့် လူကိုလာပြောနေသည့်သူဌေးလူကြီးက အရမ်းမူယာမာယာများလေသည်မှန်း သိရတော့ နောက်သို့ဆုတ်လိုက်ရ၏။
KAMU SEDANG MEMBACA
Lighthouse Of Love (Completed)
Romansaအချစ်တွေကင်းမဲ့ပြီးမှောင်မိုက်နေတဲ့ကိုယ့်ဘဝလေးကို အလင်းရောင်ပေးခဲ့တဲ့ခလေးက ကိုယ့်ရဲ့မီးပြတိုက်လေးပါကွာခလေးရယ်။ ဥဿာခမ်းထည်🖤💜 နိုးနိုးလွန်းငယ်
