فتحت التليفون وخدت نفس عميق ودموعي بتنزل بس كان لازم اقولها
_كنت فترة صعبة بس عدتها، بُهدك كان درس وهفضل مذاكراه العمر كله
لقيتوا بعت رسالة وقال:
_هتقدري على بُعدي ياسما؟
_بُعدك أكبر مكسب ليا سلام
قفلت التليفون وفضلت اعيط على حب 4 سنين اللي راح فـ ثانية، مشاعر جوايا ماتت، وكان قلبي الضحية فـ العلاقة دي، جه الوقت إني أستعمل عقلي وأبطل أتحرك بعواطفي، روحت خدت دش وغيرت هدومي وحطيت البرفان بتاعي وحطيت مكياج ونزلت أفك عن نفسي شوية، مش شرط أكون مستنية حد يواسيني أو يقولي يلا نخرج تعالي هعمل ليكي كذا وكذا، نفسي تستحق الدعم وعلي رأى الفنانة نيكول سابا:
_قررت أفرح وأضحك حتي لو بدون أسباب وبطلت أهزر وأتنفس وأعيش بحساب
روحت الكافيه اللي بحبه، طلبت آيس كوفي بالشكولاتة وفتحت رواية أرض جلامد للكتابة جنى السيد أصلي بحبها، شوفت الغروب حسيت أن الشمس شبهي لازم تنور عشان الكل يحبها ولما تغرب تسحر الكل بجمالها الطبيعي، فضلت قاعدة لبليل لحد ما واحدة صحبتي كلمتني وقالت إن السيفي الي كنت عاملاه إتقبل وهستلم الشُغل من بكرا حسيت الدنيا أخيرًا بتضحك ليا، ساعات البُعد عن ناس في حياتنا بيبقي مكسب لينا طول العمر، روحت وانا مرتاحة وكتبت بوست علي الفيس وقولت:
_ذهبتُ لطريق آخر، ف قلبي عزيز ولا يهمني الماضي، فلقد أصبح مثل الرماد لا أكترث له.
بعدها قفلت التليفون ونمت، صحيت على آذان الفجر، صحيت ودعيت من كل قلبي حسيت براحة إني شكيت همي لربنا، روحت عشان أجهز ورقي ولبسي وفطرت وشربت كوباية الشاى ونزلت كانت الساعة ٧:٣٠ الصبح، نزلت وكانت العربيات جاية سريعةوفجأة عربية خبطتني والناس إتلمت حواليا، شفت حد أعرفه بسمقدرتش أفتح عيني أكتر من كده وفقدت وعيي وآخر حاجة سمعتها كانت:
_ياساتر يارب حد يطلب الإسعاف
=شيلوها لعربيتي بسرعة
صحيت من إغماىي لقيتني فـ المستشفى ورأسي واجعني وإفتكرت اللي حصلي، قبل ما عيني تقفل شفت حد اعرفه مش قادرة افتكره، حاولت اقوم من مكاني لكني مكنتش قادرة، الباب اتفتح ودخل الدكتور وطلع يجري عليا وقال:
_إنتِ لسة مش كويسة مينفعش تتحركي
_أنا بخير
_طب إقعدي لحد ما المحلول يخلص وهقيس ضغطك الحمد لله إن الخبطة مكنتش صعبة
_الحمد لله
_ضغطك واطي شوية، هبلغ الاستاذ اللي جابك إنك فقتي كان خايف عليكِ اوي
_مين اللي جابني
_اللي خبطك
خرج الدكتور ودخل بعدها الشخص دا بلهفة وهو بيقول:
_سما إنتِ كويسة؟
_هشام!
_عاملة إيه
_إنتَ إختفيت فين بقالك 4 سنين
_سافرت برا، البنت اللي حكيتلك عنها طلعت بتحب غيري مكنتش قادر اتحمل فـ سافرت
_يجدع هيا الخسرانة وربنا هيعوضك بغيرها
_يارب، إنتِ و فريد عاملين إيه
_أنا سبت فريد
_بجد، بتهزري صح!
_لا مش بهزر، حاسة إني إتسرعت وإختارت غلط فريد كان مقصر فـ حقي أوي وبيخرج مع بنات ومتجاهلني وانا مقدرتش أتحمل كتير
_متزعليش دا خير ليكِ والحمد لله جات على قد كده
_الحمد لله
_وإنتِ بقا كنتِ بتجري كده ليه الصبح؟
_كان عندي إنترفيو وكنت متأخرة
_يغور الإنتر فيو إفردي كان حصلك حاجة
_انا كويسة قدامك اهو، وكويس انك خبطتني ع الأقل شوفنا بعض بعد كل السنين دي
_كنتِ فـ بالي دايمًا
_وإنتَ كمان وحاولت أوصلك بس مقدرتش
_حصلخير، الإنترفيو بتاعك فـ شركة إيه
_******للتصاميم والعقارات
_فـ شركتي!
_صدفة جميلة، بس خلاص الإنتر فيو راح عليا
_ولا يهمك إعتبري نفسك إشتغلتي
_هشام إنتَ عارف إني مش بحب الوسطات وكده
_عارف والله، وعارف كمان إنك شاطرة جدا فـ شغلك وكده كده هتتقبلي
_عاوزة اما أتقبل أتقبل لوحدي من غير مساعدة فاهم؟
_فاهم، لو تعرفي تعالي الشركة بكرا وإعملي الإنترفيو ومش هسمحلك ترفضي انا السبب فـ إنك مش تروحي إنهاردة
_امم أنا موافقة بس بشرط
_وبتتامري كمان إتفضلي
_عاوزة اخرج من هنا وتجبلي بان كيك زي اللي كنت بتجبهولي
_بس كده عيوني تخلصي المحلول ونروح وهغديكِ كمان عشان متدوخيش
_ايوة بقى
