In Love With An Old Mafia(Complete)

Part-8

သက်ပိုင် Cafe၏ ပြတင်းပေါက်အနားထိုင်ရင်း ငြိမ်သက်စွာ စာအုပ်ထိုင်ဖတ်နေသော လေးလေးငယ်အား မျက်နှာချင်းဆိုင်မှ
နေ၍ ငြိမ်ငြိမ်လေးထိုင်ကြည့်နေမိသည်။

ခပ်တိုတိုနှင့်စိပ်စိပ်ကလေးဖြစ်နေသောမျက်တောင်လေးများမှာ မည်းနက်နေကာစူးရှနေသော မျက်ဝန်းတို့အားကာရံထားကြသည်။
ပုံမှန်ဆိုရင် ယင်းမျက်ဝန်းတို့ဟာ ပိုမိုအရောင်တောက်၍ ၎င်းတို့နှင့်စိုက်ကြည့်ချင်ကိုခံလိုက်ရရင်ဖြင့် အရှိန်အဝါတစ်ခုကိုခံစားလိုက်ရသလိုမျိုးပင်။

သို့သော်ဒီနေ့မှာတော့ မျက်ဝန်းတို့ကအနည်းငယ်အရောင်ဖျော့၍ အေးချမ်းသည့်ပုံစံမျိုးပင်။
ထို့အပြင် ကိုင်းမျက်မှန်ကိုပါ ဝတ်ဆင်ထားသဖြင့် တည်ငြိမ်ရင့်ကျက်သောအသွင်ကိုဆောင်လေသည်။

မည်းနက်နေသော မျက်ဆံက
စာအုပ်ထဲရှိစာများအားဖတ်နေသည့်အတွက် ဖြည်းဖြည်းချင်းလှုပ်ရှားသွားတာအား ကြည့်ရသည်ကို သက်ပိုင်
သဘောကျနေမိသည်။

တည်ငြိမ်တဲ့ ကန်ရေပြင်တစ်ခုလို၊ဆိတ်ငြိမ်တဲ့ တောအုပ်လိုမျိုး။

"လေးလေးငယ်သိလား၊လေးလေးငယ်ရဲ့မျက်လုံးတွေက တိတ်ဆိတ်ပြီးနက်နဲတယ်။ပြီးတော့တည်ငြိမ်တယ်...ကျွန်တော်သိပ်သဘောကျတာပဲသိလား"

သူ၏ စကားသံကိုကြားတော့
လေးလေးငယ်က စာအုပ်ဆီမှအကြည့်လွဲကာ သူ့အားဘာမှမပြောပဲ ကြည့်လာသည်။

ပြီးတော့ ပြောတဲ့စကားလုံးတစ်လုံးက
"အင်း"တဲ့လေ။

လေးလေးငယ်က "အင်း"ဆိုသည့်စကားလုံးအား စကားပြောရာတွင်အတော်လေးကိုသုံးသည်ကိုလည်းသက်ပိုင်သိလိုက်ရသေးသည်။

သက်ပိုင် စားပွဲ၌တင်ထားသော
လေးလေးငယ်၏ လက်တဖက်အား
မသိမသာလေးထိကြည့်တော့
လေးလေးငယ်ကဘာမှမပြော။

ထို့ကြောင့် နောက်ထပ်အရဲစွန့်ကာ လေးလေးငယ်၏လက်အား သူ၏လက်ချောင်းများဖြင့်ယှက်ကာဆုပ်ကိုင်လိုက်၍ ပြန်လည်လေးလေးငယ်၏အရိပ်အခြေအား ကြည့်ရပြန်သည်။

လေးလေးငယ်ကတော့ သူ့အား ဂရုမစိုက်ပဲစာအုပ်ကိုသာဆက်လက်ဖတ်နေသဖြင့် သက်ပိုင်
လေးလေးငယ်၏လက်ချောင်းလေးများကိုအသေးစိတ်ကြည့်နေမိသည်။