حبايبي لاتنسون تابعون الحساب والتصويت على القصة والتعليق على الفقرات
#طفولة مسروقة
#بقلم روح
غير مبري الذمه من ينشر القصه بدون ذكر اسم الكاتبة
مدري دمعة حزن
لو دمعة فرح
دمعه نزلت حاره وخدي نجرح
لـ الكاطع
يولاند:- فرحتي بهذا الخبر مانطيهه الاحد وأخيرآ ربي راح يفتحهه بوجهي وارتاح واريح اهلي ملينه من الفقر
دخلت خاله سعاد للصاله وانه رحت أكعد ماما حت افرحهه بهالخبر بعدهه كلت خطيه اكعدهه خليهه تكمل نومتهه من تكعد بوحدهه اكللهه عفتهه ورحت للمطبخ جبت ضيافه عدنه عصير ومعجنات ورجعت للصاله يم خاله سعاد قدمتلهه الضيافه وكعدنه شويه نسولف وبعدهه راحت خاله كعدنه شويه اني ومياسه نسولف وفرحانين بالخبر شويه طلع ذكر الله من الغرفه وحجه
ذكر الله:-يلاند ماما اكعدهه ماتكعد جوعان اريد اكل طفرت انه انتبهت للساعه ماما مو من عادتهه تنام لهالوقت
ركضنه للغرفه انه ومياسه كعدت يم راس ماما
يولاند:- ماما، ماما حبيبتي اكعدي عندي الج خبر راح يفرحج انتبهت ماما متحركت حركتهه من كتفهه وانه مرعوبه ماما ماما شبيج اكعدي فدوه اروحلج ولج ماما، خليت ايدي على خشمهه تتنفس، خليت راسي على صدرهه دكات گلبهه بطيئه صحت بصوت عالي عايشه والله عايشه مياسين اركضي جيبي سياره ركضت مياسين وانه خليت راس امي بحضني وانه اشهك فدوه اروحلج ماما لاتعوفينه مثل بابا ماما والله موحمل مسؤليه والله ماكدر وحدي بعدني صغيره مو حمل هالضيم كله دخلت مياسين تركض يولاند جبت سياره يلا ناخذهه بسرعه، لبست ماما عباتهه وتگابلنه عليهه انه ومياسين شلناهه وصعدناهه للسياره صعدت من الجهه الثانيه وخليت راسهه بحضني وصحت على مياسين تجيب ذكرالله لان ماكدر أآمن عليه صغير، صعدنه كلنه بالسياره وطلعنه للمستشفى وصلنه ونزلت اركض اصيح ماما ماما تخربطت فدوه اروحلكم ساعدونه اجانه ممرض الله يرضه عليه شاف حالتهه وصاح على واحد
الممرض:- حسن بسرعه سديه لهنا المريضه تعبانه اركض اخوي
اجا وجاب سديه ويا ونقلو ماما ودخلوهه للطوارئ يركضون احنه نركض وراهم وكفنه باب الطوارئ نبجي، مياسه حاضنتني وذكوري مجلب برجلي ويبجي كلهم خاتلين بسدي من الخوف على ماما وعلى فقدانهه زين انه بمنو اختل؟!!، خاتلين بحضني وانه اكثر وحده احتاج اختل بسد احد والله بعدني صغيره واخاف اخاف حته من ضلي بس الوكت جبرني جبرني امثل، اي نعم مثلت القوة بتحمل كل هالمسؤوليه، شويه طلع الدكتور
منو وي المريضه خيال ناصر (للكاتبة روح)
انه دكتور انه، تفضلي بابا اخذي هالراجيته وجيبي هذا العلاج وعندج هذا وهذا العلاج الي اشرت عليهن ماموجودات بالمستشفى جيبوهن من برا
الدكتور يحجي وانه صفنت اخذت الراجيته وكملت صفنتي بيهه اتذكرت ناسيه ماجبت فلوس، يربي منين اجيب علاج وانه ربع ماكو بجيبي حت التكسي نسيت احاسبهه نزلنا نركض بماما ومانتبهت ضلت دموعي تنزل على خدي جمر ، والله الفقر ماينحمل والعوز يكتل، ضليت محتاره حياة امي تعلكت بالفلوس وانه عاجزه ادبر الفلوس، شويه وانجرت الراجيته من ايدي
رفعت راسي وعيوني مغوشه من الدموع شفته ايي والله هوه المنقذ الي دائماً رب العالمين يدزه الي حته يطلعني من حلگ الضيق
رفعت راسي اله كال
برهان:- ها بويه شبيهه والدتج
حجيت وانه ابجي ععـ، عموو ما ما ماا ما تخربطت ماعرف شبيهه وجبناهه وهس الدكتور ماكال شي بس طلع كال جيبو هالعلاج من برهه حجيت اخر كلمه وانه منزله راسي
برهان: -افاااا بابا تنزلين راسج وانه موجود ، جانت حجايته بقمه الحنيه، جانت جبر خاطر الي
أنت تقرأ
طفولة مسروقة
Romantizmليس اي طفوله.... هي طفولتي التي لطالما حلمت بتغييرها، طفوله أتمنيى لو آنني عشتها كباقي الاطفال لاهين في اللعب وشراء الحلوى،، قصه ليست كما اعتدتوا عليه من القصص معي انا الكاتبه روح
