بقلمي رباب الجبوري
بنات لا تنسن التصويت والتعليقات بين الفقرات 🔥
تابعوني على انستا يوزري rery__1999
تقول نوارس:يا ليتني مثل الطيور أحلق في السماء واجوب البلا، وأركب البحار، وأقطع الصحاري، وألقى الأحباب، ولا أرى الأحزان.
__________________________
جنت أركض ب أنفاس لاهثه أركض بكل سرعتي اريد أتخلص من هل المكان خوف ضلام اصوات نباح الكلاب فقط ينسمع ماكو بشر طالع بعدت عن المكان الجنت بي حيل بعدت و كعدت على طابوكة جانت موجودة بصعوبه التقط أنفاسي من الخوف التعب التوتر اجتاحت المواجيع ويبقى السؤال منو اني شسوي هنا شابه عمرها عشرين سنه شسوي بهل اليل وحدها ماكو وياها غير جنطه صغيره مليانه فلوس والطامه الكبرى ايديها بيها اثاردم قتيلها نزلت دموعي واني اذكر الي صار قبل ساعات قليلة
نوارس:مستعدة اكون مجرمه ولا اسلم روحي لعديم شرف مثلك.
رجاس: هههههههههههه وأخيرا سمعت الي ردت اسمعه.
باوعت بعيونه لمحت ابتسامه خفيفه على شفايفه ضمني حيل لصدره جان كلبه يدكك بصورة مو طبيعية ودكات كلبي ازيد وازيد بدون تردد غرست السجينه بخاصرته سمعت ونته بس كانوا كلبي مات والقوة الي اجتني بهل الوقت ماتوقعت بيوم تجيني
سحبت السجين بكل قوتي وغرستها للمرة الثانية ثواني أو لحظات ولكن حسبالك الزمن توقف هناك وتغيرت نوارس ل نوارس ثانيه مختلفة نوارس جانت ما تأذي نمله بس هسه جاي تقتل رجل دوله بدم بارد
عمري ما تخيلت اني أسوي هيج أو اوصل لهل المواصيل باوعت لايديه المليانات دم شخص كبالي ينازع بروحه باوعت لعيونه جان يباوعلي بصدمه بالم بخيبه بحزن بس هل النظرات مااثرن بيه ابد وهنا تاكدت
موتت كل الرحمه الي بداخلي أو ب اصح همه موتوها تحركت برجلين يطكطكن تاركته خلفي غير متوازن بوكفته طلعت أركض واذكرت حتى أخذ ابني لازم اسلمه الفلوس رجعت للغرفة أخذ الجنطه المليانه فلوس والي تركها على جنب حتى من يخلص قذارته ينطنيها جان طايح على الجربايه والفرشه غركانه دم صوت ونينه تارس الغرفه باولي بنظرات صعبت افسرها بوقتها للحظه ردت ارجع وانقذه بس كأنوا الرحمه اختفت كليا مني
طلعت من الشقه وإني اسمع صوته المبحوح وهو يصيح
رجاس:نواااااااارس لا طلعييين دنياااا ليل وخطرررررررررة.
فزيت على صوت الهورن الخبص الشارع باوعت الشمس استوها طلعت.
الرجال:ادررري شبيج خبله كاعدددددة هناااا لوووو تريدين ادعمج وتبليني.
نوارس:عمو ع عمو ح حباب عليك الله أخذني أخذني ل أهلي.
الرجال:اللهم سكنهم مساكنهم خير بويه أنتي جني مرة.
أنت تقرأ
نوارس الرجاس
Romanceفتاة تتخبط في دهاليز القدر مع طفل مريض وام مفقودة هل تحلق في السماء ك النوارس ام تغرق في قاع الرجاس
