روح الرعد "(الجزء الاول)"

البارت الثلاثون

روح الرعد
البارت الثلاثون
قبل ما ابدا البارت ده نزل دلوقتي عشان روحقلبي قالتلي انزله فنزل عشانها بس يلا نبدأ ومتنسوش التفاعل ياحلوين😉😘
علفكره انا شيفاكي لسه معملتيش كومنت ولا شير اعملي بقا🤔😂اندمجت شويا يلا نبدأ
روح بخوف:في ايه يارعد بتزعق كدا ليه
رعد شدها من شعرها: وانتي ياهانم متعرفيش ليه
روح: اه شعري يارعد سيبه وانا هعرف منين
رعد: بقا انتي بتاخدي حبوب منع الحمل عشان متحمليش مني
روح: انت بتقول ايه يارعد مباخدش حاجه من دي
رعد: اومال ده ايه لقيته في نص هدومك
روح بخوف وعياط: صدقني يارعد مختش منه ولا حتي جبته
رعد: وهو جي لوحده في دولابك وسط هدومك انتي مفكراني عبيط لو انتي مش عاوزه تخلفي مني كنتي قولتيلي وانا مكنتش قربت من واحده زيك متستهلش اصلا ان رعد الجارحي يبصلها
روح: رعد صدقني انا معرفش عنه حاجه ولا باخده
رعد: بقالنا كتير متجوزين مفيش حمل ليه بقا لو مش بتخديه
روح: احنا داخلين في الشهرين يارعد ومعرفش مفيش حمل ليه بس مختش منه
رعد: اسكتي بقا مش عاوز اسمع نفسك وانا هطلقك ياروح ميشرفنيش واحده زيك تشيل اسمي
روح: هتندم يارعد صدقني
رعد:رعد الجارحي مبيندمش انتي سامعه وسابها ومشي ورزع الباب وراه
صفاء: في ايه يارعد ياولدي بتزعق لي روح كدا ليه
رعد: اسأليها وسابلهم البيت كله ومشي
عند روح
حنان: في ايه يابنتي ورعد بيزعقلك كدا ليه
روح بعياط: الحقيني ياماما رعد عاوز يطلقني
صفاء بصدمه: يطلقكك ليه يا بتي ايه حصل بينكم
روح: معرفش معرفش
حنان: اهدي ياروح واحكيلي انا وصفاء في ايه
روح: فاجاه لقيت رعد بيزعق ويقولي انتي بتاخدي حبوب منع الحمل وحكتلهم الي حصل
حنان: وانتي بتاخديها ياروح
روح: حتي انتي كمان يا ماما مش مصدقاني انا مختش خالص ولا اعرف جيه دولابي ازاي
صفاء: حاجه غريبه يابنتي ازاي مش بتخديه وفي دولابك
روح: صدقيني ياماما مختش حاجه منه
حنان وصفاء : مصدقينك يابنتي
صفاء: طب قومي ياروح اغسلي وشك وكلي يابنتي
روح: مش عاوزه حاجه
حنان: ازاي بس ياروح انتي مكلتيش حاجه من الصبح يابنتي
صفاء: ادخلي بس اغسلي وشك وانا هخلي ام بدر تجبلك اكل
نزلت صفاء جبتلها اكل
روح: هو رعد راح فين
حنان: نزل متعصب يابنتي منعرفش راح فين
روح: مختش حاجه ومرداش يصدقني يا ماما وقالي هطلقكك
صفاء: هيهدي يابنتي وهتلقيه جاي يصالحك دلوقتي رعد بيحبك اووي
حنان: كلي يلا ياروح وان شاء الله رعد هيجي ويصالحك يابنتي كمان
روح: مش عاوزه
صفاء : يلا بقا روح كلي
روح لسه هتاكل قرفت من الاكل وقامت تجري علي الحمام
حنان وصفاء: مالك ياروح انتي بقالك فتره بتقرفي من الاكل انتي واخده برد ولا ايه
روح: لا ابدا يماما ببقي كويسه ولما يجي الاكل قدامي بقرف من ريحته
صفاء : لحسن تكوني حامل
حنان: معقول انتي متأكده انك مختيش من الشريط ده خالص ياروح ولا مره
روح: ياماما انا مختش منه حاجه ياجماعه صدقوني انا معرفش جي هنا ازاي
صفاء : طب ازاي حامل وازاي الشريط دي هنا
روح: انا مش حامل يا جماعه
حنان: عندك اعراض حمل ياروح
روح بفرحه: بجد
صفاء: عشان نتأكد هنزل اجبلك حاجه وجايه
وبعد شويا صفاء جت
صفاء: خدي ياروح جربي دا
روح: حاضر بعد شويا روح خرجت
صفاء: مبروك ياقلبي انتي حامل
روح: بجد يا ماما ولا بتهزري
حنان: هنهزر في ايه يا هبله بنتكلم جد
روح: يعني انا هبقي ماما
حنان: واحلا ماما
صفاء: بس ازاي الشريط ده جي في دولابك وانتي مش بتاخدي منه
روح: مش عارفه
حنان: لازم نقول لي رعد ونعرفه انك حامل
روح : لا ياماما رعد مش هيعرف اني حامل
صفاء: بتقولي كده ليه ياروح
روح: عشان هو مصدقنيش يا ماما وسابني ومشي مسمعنيش حتي
صفاء: معلشي يابنتي اعزريه اي حد مكانه كان هيبقي زي رعد كده يابنتي
روح: اوعدوني ان رعد مش هيعرف حاجه الا لما انا اقوله يماما
حنان وصفاء: بنوعدك يابنتي
صلوا ع من يشفع لنا يوم القيامه
عند عمر وآيه
أيه: عمر عندي ليك مفاجأه حلوه اوي
عمر: ايه ياقلبي
آيه: انت بتحب البنات ولا الولاد
عمر: بحب البنات
آيه: بعد تسع شهور هنبقي انا وانت وابننا او بنتنا
عمر بفرحه: انتي بتتكلمي بجد يا آيه ولا بتهزري
آيه: لا ياحبيبي مش بهزر انا حامل
عمر: يعني انا هبقي بابا وانتي ماما
آيه: ايوا ياحبيبي
عمر اشتال آيه وفضل يلف بيها
آيه: نزلني ياعمر دوخت
عمر: حقق عليا ياقلب عمر
تعالي ننزل نقول للكل تحت
عمر: ماما بركيلي آيه حامل
صفاء : الف مبروك ياحبيبي الف مبروك يا آيه
آيه وعمر: الله يبارك فيكي يا ماما
حنان: الف مبروك يابنتي
آيه: الله يبارك فيكي يا ماما
سماح: اخيرا يا آيه سمعتي كلامي اهو دي بقي الي هيشيل اسم العيله
آيه: الله يبارك فيكي يا ماما
الجد: الف مبروك ياولدي عقبال ما تشوفه وتشيله
عمر: الله يبارك فيك ياجدي
محمود: واخيرا هبقي خال
روح: وانا هبقي خالتو
نوران: ومش ناويه بقي تبقي ماما ولا ايه
صفاء: بلاش الكلام ده يانوران
سماح: وبلاش ليه ياصفاء عمر الصغير ومرته حامل ورعد الكبير ومرته لسه ولا بت حنان مش بتخلف
صفاء: مفيش في الكلام ده كبير ولا صغير ياسماح دي نصيب بدل متقولي لبنتك الف مبروك
حنان: بطلي بقا حقدك علي بنتي هيا عملتلك ايه
سماح: ياختي هو انا عملتلها حاجه بدل متاخدي بتك تكشفي عليها تشوفي فيها عيب ولا لاء عاوزين لرعد ولدي واحده تجيب عيال
رعد: وانا مطلبتش منك يامرت عمي تقولي كده علي مراتي نخلف ولا منخلفش دي حاجه تخصني انا وهيا متخصكيش
سماح بخبث: اومال كنت بتزعقلها ليه عشان بتاخد حبوب منع الحمل ولا هيا مش عاوزه تخلف منك
الجد: الكلام ده صح ياولدي
رعد: لا ياجدي الكلام ده غلط مش صح
نوران: اومال صوتك كان عالي ليه قبل ما تنزل وتقولها انا هطلقك عشان مش عاوزه تخلف منيك هطلقها يارعد
رعد: خليكي في حالك يابت عمي
الجد: الكلام ده صوح ياروح انتي بتاخدي حبوب منع الحمل عشان متحمليش من رعد
روح: لا ياجدي مش باخد
نوران: وايه الي يظبط انك مش بتاخدي آيه خيتي متجوزة معاكي واهيه حامل لو انتي مش بتاخدي كان زمانك حامل دلوقتي
رعد: كلمه كمان علي مراتي يانوران مش هتفضلي ثانيه واحده في البيت ده
سماح: عشان بتقول الحقيقه ياولدي ولا ايه اتشطر علي مرتك وروح اكشف عليها عشان نتأكد
رعد: انا ومراتي حرين وانا مش محتاج اتأكد من مراتي
نوران: بدافع عنها ليه دي مش عاوزه تخلف منك احنا عاوزين نتأكد هيا بتاخد حبوب ولا لاء
روح: تتأكدي من ايه يانوران انا مش محتاجه أخلي حد يتأكد
سماح: واحنا عاوزين نتاكد
روح : عاوزه تعرفي انا حامل ولا لاء فنا حامل يانوران
نوران: بتقولي كده عشان نسكت وخلاص
صفاء:روح حامل يانوران
سماح: وانتي واقفه معاها ليه بداري علي غلطيتها ليه
صفاء: روح معملتش حاجه عشان اداري علي غلطيتها وانتي اكيد عارفه مين حطلها الشريط وسط هدومها
سماح: وايه الي يخليني اتأكد انها حامل
صفاء: روح تعبت وخليتها عملت اختبار وطلعت حامل
الجد: بس بقا ياسماح بطلي عندك ده علي الكل
وفاجاه روح اغمي عليها
رعد: روح روح فوقي روح
صفاء: اشتلها ياولدي طلعها فوق وانا هتصل بدكتور
فوق في اوضه روح ورعد
الدكتور هيا كويسه بس محتاجه راحه وتتغذا شويا عشان الحمل وهيا ضعيفه
رعد: شكرا يادكتور
صفاء: الف سلامه عليكي يابنتي انزل اجبلك اكل ياروح
روح: لا ياماما مش عاوزه
صفاء: لازم تاكلي يابنتي انتي ضعيفه اووي ورعد اهوه جيه كلي انتي وهوا
روح: مليش نفس يا ماما
رعد: جيبي اكل وانا هاكلها يا ماما
روح: وانا مش محتاجه منك حاجه
رعد: وطي صوتك ياروح وهتاكلي يعني هتاكلي
روح: انا حره اكل او لاء ميخصكش ولا عشان عرفت اني حامل عاوزني اكل
رعد: لا مش عشان عرفت انك حامل عارف اني غلطان لما اتعصبت عليكي بس مقدرتش امسك نفسي لما شوفت الشريط في الدولاب
روح: وانت ليه مصدقتنيش لما انا قولتلك مختش منه ولا دلوقتي صدقت
رعد: سامحيني ياروح كان غصب عني لما شوفته اتجننت ولما فكرت كنت جاي اعرف منك ايه الحقيقه مش عشان عرفت انك حامل انا الي يهمني انتي وبس ياروح حقق عليا
روح: ومش كل مره تقولي الكلام ده يارعد مش انت عاوز تطلقني طلقني يارعد
رعد: مفيش طلاق ياروح انتي سامعه
صفاء: الاكل يابني
رعد: ماشي ياما تسلم ايدك
صفاء: لازم تاكلي ياروح عشان نفسك وعشان الي في بطنك يابنتي
روح: حاضر ياماما
حنان: روحي انتي ورعد عند دكتوره تابعي معاها حملك يابنتي واطمني علي صحتك اكتر يابنتي
روح: حاضر يا ماما كنت هروح وهرجع مصر هرجع بكره عشان امتحاناتي بعد اسبوعين
حنان: ارجعي مع رعد يابنتي وخلي بالكم من الطريق
روح: لا ياماما انا هرجع لوحدي
رعد: انا نازل مصر ياروح هنرجع مع بعض
روح: وانا بقولك هنزل لوحدي عاوز تنزل انت بقا انزل لوحدك
رعد: روح بطلي بقا انتي هتنزلي معايا بكره
صفاء: اهدي يارعد مش كل حاجه بالعصبيه ياولدي اجعد مع مرتك وصالحها يابني وخليها تاكل
رعد: حاضر ياما
صفاء :يلا ياحنان ننزل ونسبهم لوحدهم ربنا يهديهم
حنان:يارب ياصفاء يلا
رعج: حقق عليا ياروح اخر مره هزعلك  مش بقدر اتحكم في عصبيتي وباس راسها حقق عليا ياست البنات وبدأ يطعم روح
روح:انا مش عاوزاك تاكلني ابعد كده انا هقدر اكل لوحدي
رعد:كلي وانتي ساكته ياروح
عند ليل واحمد
احمد:حبيبتي عامله ايه في الجامعه
ليل:الحمدالله
احمد: مالك يا ليل حاسك متغيره شويا انتي تعبانه ولا حاجه
ليل:عندي شويه برد بس يا احمد ويروحوا لوحدهم
احمد:برد ايه بس تعالي ننزل نكشف
ليل:مش مستاهله نروح نكشف يا احمد شويا وهبقي كويسه
احمد: قومي يا ليل هو انا لسه هستني لما تبقي كويسه تعالي نطمن اكتر ونشوف دكتوره يلا بقا
ليل:حاضر هغير هدومي
سبحان الله وبحمده سبحان الله العظيم
الحمدالله
الله اكبر
لا اله الا الله
عند روان وادم
روان:هو انت يابني هتفضل واقفلي كده كل يوم قدام الجامعه
ادم: خطيبتي بقا وهتبقى مراتي مينفعش اسيبك لوحدك
روان:لا متشكره ياخفيف
ادم:طب تعالي اروحك يلا
روان:انا عارفه طريق بيتنا هروح لوحدي
شدها ادم وركبها العربيه
ادم: اسكتي خالص ياروان مسمعش صوتك لما نوصل
بعد شويا
روان : بس ده مش طريق بيتنا
ادم: عارف
روان:ولما انت عارف مشتني منه ليه ممكن تروحني او نزلني هنا
ادم: هخطفك
روان بصدمه :هتخطفني
عند شهد والمجهول ف الفون
شهد: هتنفذ الخطه الجايا امتا انا زهقت عاوزه اخلص من روح بقا
المجهول: دي حاجه متخصكيش وروح تخصني متخصكيش دورك انتها لهنا اما اعوزك هطلبك
شهد: طب ايه موحشتكش ولا عشان دوري خلص خلاص
المجهول: لا موحشتنيش ودورك خلص لهنا اعملي اللي بقولك عليه وبس وقفل من غير ما يسمع منها رد
المجهول: لسالك تكه معايا واخلص منك ياشهد الكلب
شهد: بعد كل ده مقدرش انتقم منك ياروح انا بعد الي جرالي لازم انتقم منك بأي طريقه وقاعديت تفكر هتعمل ايه ف روح
----------------------♕-------------------
وكدا نكون ف نهايه البارت التفاعل ياجماعه عشان بيقل خاالص مالص يعني بتعب ف الكتابه قدروا ده وفرحوني بالتفاعل اشوفكم ف البارت الجاي ومتنصوش تصلوا ع النبي
"اللهم صلي وسلم وبارك ع سيدنا محمد"
بقلمي 🖊️دعاء محمد نصر