Unicode
"ကျွန်တော်သဘောမတူဘူးနော်ဒယ်ဒီ”
ကြားလိုက်ရသောစကားကြောင့်ကိုယ့်နားကိုယ်တောင်မယုံနိုင်ပေ။ဒယ်ဒီကကျွန်တော့်ကိုလက်ထပ်ပေးမလို့တဲ့။ဒီထက်ဆိုးတာကလက်ထပ်ရမှာကလဲကိုယ်နဲ့မျိုးတူယောကျာ်းတစ်ယောက်။ဘယ်လိုလို့ဖြစ်နိုင်မှာလဲ။
"ဘာကိုသဘောမတူတာလဲကွ”
ဦးမာန်ဘုန်းတစ်ယောက်သားဖြစ်သူကိုပြန်မေးမိသည်။
"ဒယ်ဒီကိုယ့်သားကို လင်ပေးစားနေတာကိုသဘောမတူဘူးပြောနေတာလေ၊ဘယ့်နှယ့်ဒီသားလေးတစ်ယောက်ထဲရှိတာကိုလင်ပေးစားဖို့တွေးရတယ်လို့”
"ဟ မင်းတစ်ယောက်ထဲမွေးထားလို့မင်းနဲ့ပေးစားတာပေါ့အများကြီးမွေးထားမှတော့မင်းလိုကောင်ကိုပါးစပ်ညောင်းခံပြီးပြောမနေဘူး”
"မသိဘူးဗျာ ဒယ်ဒီတို့လူကြီးတွေခေတ်မီပုံကိုတော့လိုက်မမှီတော့ဘူး ဟိုဘက်ကအဖိုးသီဟသွေးသစ် ဆိုရင်ပိုဆိုးသေး”
"မင်းအပိုတွေပြောမနေနဲ့ ဧက္က ဟိုဘက်ကလေးကတောင်ဘာမှမပြောတာ မင်းကဘာဖြစ်နေတာလဲ”
"အဟက် ဘယ်ပြောမလဲသူကသားကိုကြိုက်နေတာလေ၊ဒီလိုဖြစ်တာလဲသူသူ့အဖိုးကိုလုပ်ခိုင်းတာပဲဖြစ်ရမယ်”
"ဒီမယ် ဧက္က ဟိုကလေးကမင်းကိုတွေ့ရင်တောင်မမြင်ချင်ယောင်ဆောင်သွားတာကိုမင်းကဘယ်သူနဲ့တူလို့ကိုယ့်ကိုယ်ကိုအထင်တွေဇွတ်ကြီးနေတာလဲကွ”
"ဒယ်ဒီမသိပါဘူး ကျောင်းတုန်းကကျွန်တော်သူ့ဒိုင်ယာရီစာအုပ်ကိုမတော်တဆကောက်ရတုန်းကဖတ်လိုက်ရတာသူကျွန်တော့်ကိုကြိုက်နေတယ်ဆိုတာသေချာတယ်”
ဟုတ်သည် ဧက္က လိမ်နေခြင်းမဟုတ် ထိုလူနဲ့ဧက္ကကျောင်းတုန်းကတစ်ခန်းထဲဖြစ်သည်၊ထိုနေ့ကကျောင်းဆင်းချိန်အကုန်လုံးပြန်သွားကြပြီး ဧက္က တစ်ယောက်ထဲသာအခန်းထဲကျန်တော့သောအချိန်ဖြစ်သည်၊ ဧက္ကလဲလွယ်အိတ်လွယ်ပြီးပြန်ဖို့လျှောက်လာရင်းနောက်ဆုံးတန်းကထောင့်ဆုံးခုံကိုတိုက်မိကာထိုခုံအတွင်းထဲရှိအညိုရောင်စာအုပ်လေးတစ်အုပ်ပြုတ်ကျလာခဲ့သည်၊စာအုပ်လေးမှာပွင့်ကာကျသွားသောကြောင့်ဧက္ကကောက်လိုက်ရာအမှတ်မထင်စာအုပ်အတွင်းထဲမှရေးထားသောစာများကိုဖတ်လိုက်မိသည်။ထိုအချိန်လူတစ်ယောက်ပြေးလာသောအသံကိုကြားရပြီး ဧက္က ဖတ်နေသောစာအုပ်သည်လူတစ်ယောက်၏ဆွဲလုသွားခြင်းကိုခံလိုက်ရသည်။ဧက္ကလဲထိုလူသားကိုကြည့်လိုက်ရာထိုလူသား၏အညိုရောင်မျက်လုံးဝိုင်းဝိုင်းလေးများကလဲ ဧက္ကကိုကြည့်နေသောကြောင့်မျက်လုံးချင်းဆုံသွားကြသည်။သို့သော်ရုတ်တရက်ထိုလူသားမှာချက်ချင်းမျက်လွှာပြန်ချကာဘာစကားမှမပြောပဲအညိုရောင်စာအုပ်လေးအားသူ့လွယ်အိတ်ထဲထည့်ကာလှည့်ထွက်သွားသောကြောင့် ဧက္ကလဲထိုလူ၏လက်အားလှမ်းဆွဲကာ ပါးစပ်မှယောင်ယမ်းပြီးစကားတစ်ခွန်းထွက်သွားခဲ့သည်။
YOU ARE READING
l love you but I will beat you(ငါ မင်းကို ချစ်တယ် ဒါပေမယ့် မင်းကိုချေမှာပဲ)
RomanceUnicode main character=မာန်ဘုန်းဧက္ကရာဇ်+ဇာမဏီသွေးသစ် support character=ရှိုင်းလွန်းစက်သာ+တိမ်စိုင်မြင့်မိုရ် support character=မင်းမြတ်ဂုဏ်ဝါ+တိမ်ယံမြင့်မိုရ် Zawgyi main character=မာန္ဘုန္းဧကၠရာဇ္+ဇာမဏီေသြးသစ္ support character=ရွိုင္းလြန္းစက္သာ+တ...
