طفولة مسروقة

البارت العاشر 10

حبايبي لاتنسون تابعون الحساب والتصويت على القصة والتعليق على الفقرات

#طفولة مسروقة

#بقلم روح

غير مبري الذمه من ينشر القصه بدون ذكر اسم الكاتبة

يولاند:-التفت شافني وره كال
برهان:- هاي شطلعج
يولاند:- ااغير اسد الباب وراك
برهان:- كولي بعد لاتجي تسد الباب وراي
شبيه ايدي مكسوره ماعرف اسد الباب وراي
يولاند:- لا مو قصدي بس بس
برهان:- بلا بس بابا اتشاقا وياج، اسمعيني امج تعبانه كلش وكل ضغط نفسي مو زين عليهه حاولو تبعدوهه عن التوتر والقهر هم علاجهه بانتظام تنطوهيا هس شويه وارجع اعلمج عليه ماشي
يولاند:-اي تمام
برهان:-ويلا ارجعي يم امج انه اسد الباب وراي
يولاند:-رجعت يم ماما مكابلتهه والخوف تارس گلبي افكر شلون بيه انضافلي هم جديد ماما تعبت وتحتاج واحد يداريهه انه من الصبح للظهر بالشارع ابيع شلون آأمن عليه بوحدهه وعلاجهه منين اجيب فلوس علاج الهه خلي عگبه اروح لابن ام وليد واشوف بلكت يقبل يشغلني
شويه واندك الباب،مياسه حجت هذا اكيد برهان راحت مياسه تفتح الباب
هسه اله انتبهت لأسمه برهان شويه ودخل للصاله وهو يحجي وي مياسه،
برهان:- شلونه دراستج
مياسين:- الحمدلله عمو زينه
برهان:- ياصف انتي
مياسين:- انه صف ثالث متوسط (للكاتبة روح)
التفتلهه بصدمه اجت تنضرب بي لان جانت تمشي ورا
حجه
برهان:- صدك تحجين ولج وانه عبالي صف سادس ابتدائي
مياسين:- لا عموو شسالف سويتني كلش، انه صح قزومه بس مو لهالدرجه
برهان:- لا والله عمو لهالدرجه واكثر، دهاج اخذي من ايدي وانه عبالي صغيره كلش، كلت خطيه انطيهه العلاليك تشيلهن
اخذت منه مياسه العلاليگ وراحت للمطبخ رحت انه وراهه شفته جايب عشه ومسواك بيت كامل
حضرت الاكل بمواعين واخذتهه للصاله لكيته كاعد يم ماما ويسولف ماعرفت شنو يسولفون، خليت الاكل ومياسه جانت مخليه السفره قبلي، حجه هوه
برهان:- يلا بابا تعالو اكلو وياي دار وجهه لماما ورجع كال
يمه انه مثل ابنج والبنات مثل اخواتي كوليلهن يجن ياكلن
ماما سكتت وهو ضل يباوعلهه، بعدهه خل وكام صاحت ورا ماما
ام يولاند:- ولك يمه اكعد شبيك جاي اباوع على السفره بعد شناقصه حت اذا ماكو نقص يكعدن ياكلن
ضحك هو ورجع كعد صاح على ذكر الله كال، يابطل تعال اكعد يمي انت راح ذكر الله كعد يمه
رحت انه اجيب مي وارجع لكيت مياسه كاعده يم ما ما ماكو مكان اكعد بي اله مقابيله كعدت وماما كالت تفضل ابني مد ايدك، بدينه ناكل، وانه كوا اللكمه تدخل بلعومي كل شويه اريد اختنك بيهه، كل مارفع راسي الكا يباوعلي دنكت وبعد مارفعت راسي، شويه وكمت انه كلت الحمدلله اروح اسويلكم جاي رحت كعدت بالمطبخ وضليت انتظر يخلصون، شويه وجابت مياسه المواعين وكالت
مياسين:- ماما اشرتلي تكول لاتجن بعد، قصدهه انحمسن بالمطبخ، سويت جاي وحاجيت مياسه منو يوديلهم الجاي هس، شويه واجا ذكر الله كال ماما تول حلي مياثه ديب التاي (ماما تكول خلي مياسه تجيب الجاي)
اخذت مياسه الجاي وانه ضليت اكل باظافري بس لا ماما حست يربي شلون بيه، بعدين كلت شتحس ماما هو شنو صاير حته تحس بي انه والله عندي سوالف