كل الامان في حُبك وكل الاماني قربك

B 16

و العصريه فـ بيت ابو سلطان
-
ام سلطان : يمرحبا بـ خيتييي
ام صقر : تبقين ي ام سلطاان
ام خلف : حياتس ي خالتي تفضلي
دخلوا كلهم الصاله :
ام صقر : عاد عيدكم
ام سلطان : علينا و عليكم ب الصحه والعافيه
دخلوا بنات عمّار وراء بعض يسلمون
ام فراس : بسم الله ماشاء الله كبرتوا يزينكم
ابتسمت ود وقالت : كل عام وانتم بخير
ام فهد : وانتي بخير ي حبيبتي
ام عبدالرحمن : عانو هناك الصاله البنات موجودين
ود : تمام
تقدمت نيلان و شافت بابين م تدري وش تفتح : اي واحد ؟
حكت ريفان شعرها وقالت : مدري
ود : يليل اخلصوا افتحوا اي واحد
فتحت نيلان الباب الي على اليمين و دخلت راسها تشوف الا و تنصدم : ووييي
ود : وش فيس
نيلان : ي حيوانه ذا حق العيال
لفت ريفان على الباب الثاني و فتحته و شافت البنات
دخلوا الصاله عندهم : هااااييي
سُميه : اما عاد ريفان هنا!
ضحكت ريفان و تقدمت تحضن البنات : سمسومييي اشتقت لتسسس
دخلت نيلان و فزت بفرح من شافت البنات متجمعين
اميره : ننيييلووو عيوونييي والله الي ارححبببيييي
فزت نيلان و نطت تحضن اميره : اميرتييي اخخ الشوق
بيان ضحكت وقالت : ودادي وينهي
ود : سمعت اسميي
بيان : أرحبي تراحيب المطررر
ود : البقى يعيونها
الجوهره : الحمدالله على السلامه ياحلوين
نيلان : ربي يسلمس بس هل انا اعرفتس
ضحكت الجوهره وقالت : لا معاتس الجوهره
قربت نيلان تضمها : تعالي نصير اعز الاخوياء ههههههه
ود : يلبى من ذي الحلوه
ضحكت انفال وقالت : هذي ريهام الفهدد
ود : اح ذي ريهام
مدت ريهام يدها تصالح : ايه انا ريهام يروحي
ريفان : بالله عليكم من داخل الصاله الي جمبنا
انفال : العيال ليه ؟
نيلان : دخلت عليهم بلغلط اخخ ي الفشيله
شهقت اميره وقالت : يويلي شافوتس؟
نيلان : مدري بس فيه ٣ ٤ ناظروا مدري لو شافوا بس يارب م شافوا
اميره : مسويه م تعرفيهم انطقي من هم؟
ود : مع نفسها ذي انا بقولتس خليف و وليد و الفهد و فيه واحد مدري وش اسمه بس شكله غريب
بيان بصدمه : شافوتس؟
ود : شافوا نيلان الحمدالله انا كنت وراء
ريهام فتحت عيونها بصدمه : ي ساتر على ذا اللبس؟؟
الجوهره ضحكت وقالت : ي ساتر لايكون ذياب بعد
لفت ود وقالت : من ذا؟
ابتسمت الجوهره وقالت : رجّلي
ود : اي بس شكله هو
اميره : اللحين مسويات يعنني الغيورات وكذا
رفعت بيان حواجبها وقالت صدق والله ماشاء الله عليتس ي نيلاان على طول درعمتي بدون م تدقين ولا شي
نيلان : اعذروني
ود : يليل ام الحاله يمكن م شافوها وش دراكم
ديم : حصل خير توكم جايين استريحوا
ريفان : ودلبسس بسم الله ماشاء الله طالع على امه
بيان ابتسمت بيان وقالت : و ابوه لا ننساه
نيلان : تراني مضيعه انتي زوجة فهد ؟
ضربتها ريهام على كتفها بقوه وقالت : وجع أن شاء الله انا زوجة الفهد مب هي
انفال : توني قلت لس ريهام الفهد شكلس م فهمتي
بيان : لا لا زوجة خليف القلب
ضحكت نيلان وقالت : عاشت والله ام سيف
بيان : تعيشين
ود : تعالوا نطلع الحوش ابي اصور
ريهام : جوجو تقدرين ؟
الجوهره : ايه ان شاء الله اقدر مشينا
نيلان : ماشاء الله شهر كم ؟
الجوهره ابتسمت وقالت : السابع
نيلان : تولدين ب السلامه
ردوا البنات كلهم بصوت واحد : امين يارب
طلعوا البنات على الحوش و جلسوا ب الكراسي
ود : فيه احد جاي ولا ؟
سُميه : ايه البنات جايين بس مدري ليه طولوا
ود : اي بنات ؟
انفال : ديم و اريام و هدى
ود : اها زين
وجلسوا كل وحده تصور الثانيه مع سوالف و ضحك
فجأه دق الباب عليهم و قامت ريفان بحماس : اكيد البنات هم الي جوو بروح افتح
ريهام : اصبري استري نفستسسس
ريفان ركضت و ما اهتمت لكلام ريهام فتحت الباب بكل حماس و قالت : والله الي مرح...بـ..
انصدمت من شافت سالم على الباب واقف بكل كشخه و رزانه و تناثرت ريحة عطره العود عند خشمها
وخر سالم انظاره و قال بصوته الثقيل : ادخلي ادخلي
دخلت وقالت بصوت خفيف : استروا سالم بيدخل
دخل سالم و ركض مسرع للصاله
سُميه : ي الوسخه قلنا لتس تلبسين الشال
ريفان : وش دراني انه هو
دخلوا البنات للصاله ...
-
وعند الرياجيل بـ المجلس
صقر : ارحبوا ي الشيووخ
خلف : والله الي مرحبا لين م يبقى من ال مرحبا ولا مرحبا
ضمه صقر وابتسم وقال : البقى ي الخلف
ضحك وليد وقال : والله زين بعدك تذكر اسمائنا
اسامه : وين فهد ؟
خلف : شويات و يجي
تكتف زيد وقال : مو ناويين تسلمون على عماتي؟
سالم : حياك حياك الطريق مناك مشينا
خلف : مشيناا
-
وعند الحريم ب الصاله
خلف بصوته الثقيل : احمم
ام سلطان : قوموا ي بناتي روحوا مناك الرياجيل ب يدخلون
ريهام : ان شاء الله
ام فهد : ادخلوا ادخلوا
دخلوا العيال وراء بعض يسلمون
ام صقر : يمرحبا فيكم يعيالي
ردوا بصوت واحد وقالوا : والله انتم الي ترحبون
خلف : كل عام وانتم بخير
ام صقر : وانت بخير يوليدي
اسامه تقدم يبوس جدته وقال : شخبارتس ي جده
ام سلطان : نحمد الله ونشكره انت شخبارك ي ولدي
ابتسم اسامه وقال : الحمدالله تمام
ام سلطان : ماشاء الله تبارك الله كبرتوا كبرتوا
ضحك إياد وقرب يضمها : خلاص بتشوفينا كليوم
ضحكت ام صقر وقالت : ايه ههههههههههههههههههههههههههههههههههههههههههههههههههه
ام سلطان : والله انكم تنورونا يعيالي
نزلت بيان على فستانها القصير و شعرها المتناثر وهي تركض من الدرج و ماتدري ان العيال موجودين لمحتها ام فهد و أشرت لها بـ يدها تروح وهي مافهمت قالت بيان بصوت عالي : ي خاله تعالي شوي
فز خلف على صوتها الي شلع قلبه
و فز الكل على صوتها و لفوا كلهم يشوفون مصدر الصوت
ام فهد ضحكت وقالت : متحمسين بس تشوفون انتم
صقر ضحك وقال : حشى وش ذا الكلام
قام خلف و تقدم لعندها و النيران تشتعل بداخله سحبها على جمب وقال : وش تسوين انتي مو شايفه ان العيال هنا
بيان بصدمه : وشووو
خلف : الله يقطع ابليستس قصري صوتس
بيان : والله م كنت ادري قسم بالله
خلف : اذلفي عند البنات بسرعه
نزلت رأسها بهدوء وقالت : ان شاء الله
مشت خطوه و م حست الا بيد خلف الي سحبها لعنده : ي بيان انتبهي ثاني عاني إذا فيه احد ولا لا انا احسبتس عند البنات و فجأه تجين تسذا انا اقول ان شاء الله م شافوتس بس
بيان قالت بهدوء : كنت فوق مع سيوف
ابتسم خلف وقال لها : وينه الحين اشوفتس نزلتي بدونه
بيان : جيت اخذ رضاعته و اطلع
خلف : وينها؟
بيان : ب الصاله فوق الطاوله
خلف : طيب
مسكت بيان يده وقالت : اسمع جوالي بعد نسيته
ناظر خلف يدها الي على كتفه و ابتسم : ابشري
تقدم خلف الصاله و بدأ يلفلف بعيونه و م حس الا وهو يلمح جوال بيان مع زيد تقدم و ابتسم بغضب وقال : وش يسوي الجوال معك
ضحك زيد وقال : جوالك ؟
ضرب وليد كتفه وقال : ترا جوال حَرمه يويلك ويلاه
زيد : سم طال عمرك
اسامه وهو يحاول يسلي الوضع : ايوا كيف العيد معكم
و بدأوا ب السوالف و غيره تقدم خلف لعند بيان
بيان : اخيرا م بغينا
زفر خلف بعصبيه وقال : امسكي
بيان : طيب وش بك معصب
مشى خلف و تجاهل سؤالها و راح يعدل شماغه
بيان بقهر من اسلوبه : اخخ ي صبر بس
-
وعند البنات
نيلان : بيان وش فيتس تأخرتي
بيان : مشوار طويل وربي
ضحكت ود وقالت : استريحي استريحي
جلست على الأرض وهي ترضع لـ السيف
اميره : ايوا بتقعدون هنا ولا راجعين مكانكم
ضحكت ود وقالت : ههاههااي ي حبيبتي نقلنا هنا
الجوهره : امااا عااد
ود : للأسف يعني
سُميه : اجل الله يعينكم من الحين
ريفان : تكفون وربي م كأنه عيد ليه كذا
انفال : والله انتس صادزه كإنه يوم عادي
نيلان : أسألكم بالله
بيان : اسألي اسألي
ضحكت ود وقالت : انتي خليتس على ولدتس
بيان : اص انتي اص
نيلان : الحين انتم العيال و البنات م تقعدون مع بعض ابدا ابدا
اميره : الا اذا جدتي و حريم خواني موجودين نتجمع عادي
ريفان : طيب ليه تخافون إذا واحد منهم درعم عليكم
ضحكت انفال وقالت : سبحان الله كل وحده زوجها يغار عليها
ريهام : وين احس الفهد عادي مو غيور لذيك الدرجه
اميره ناظرت بيان وغمزت لها : يمكن ابو سيف غيور لذيك الدرجه
بيان ضحكت وقالت : استغفرالله لا اله الا الله
ود : م نلومه عنده ذا الزين كله و م يغار
الجوهره : اي والله الله يلوم اللي يلومه
بيان : ولا ننسى الذيب بعد عنده الزين كله
الجوهره : امانه لا تقولون الذيب ذياااااب
ضحكت اميره وقالت : وش دراتس انتي لقبه ذا
الجوهره : الله يلقب حستس ادري
اميره : اه بس متى يجي فارس الأحلام
ضحكوا كلهم عليها وقالت ريفان : شرايتس ب خواني؟
اميره : تخيلي بس
نيلان : هيه وش قصدتس يحليلهم كل واحد يقول الزين عندي
اميره : طيب طيب بسم الله كليتيني م قلت شي
بيان زفرت براحه وقالت : وااه اخيرا نام م بغينا
سُميه بحنيه : يقلبي عليه وين بتحطينه الحين هنا ازعاج
رفعت بيان جوالها و اتصلت على خلف : خلف
خلف : نعم
بيان : نعامه ترفسك
خلف : اخلصي
بيان : تدري شي والله انا الي غلطانه يوم اتصلت عليك
خلف : وش فيتس ؟
بيان : تعال خذ ولدك نام وده الغرفه
خلف : طيب
بيان : خل ... قفل الخط و انقهرت بيان من تصرفه الي ازعجها و طلعت عند الباب منتظره و تركت سيف على جمب و جاء خلف مد يده ياخذ سيف و نطقت بيان وهي مقهوره بشده منه : تعال شوي
خلف : وشو ؟
بيان : وش فيك انت اليوم مب طبيعي اسلوبك حركاتك و تصرفاتك ؟؟؟
خلف : ليه شايفه فيني شي ؟
بيان بنبره قهر : خلفف وش فيك ؟؟؟؟
خلف : بتعطيني سيف ولا كيف الحين
بيان : جاوبني و بعطيك
صد رد على سؤالها و لف يروح الصاله و لف بذهول من سمعها و وقف متجمد وحس انه قلبه يدق بسرعه مسك يدها بهدوء و لف عليها و شاف شعرها الي تناثر على وجهها الي غرق عليه الدموع انصدم من شافها وحس بذنب كبير على الي سواه : بيااانن !!!
صدت بيان و دخلت لبست الطرحه عشان تستر نفسها و اخذت سيف و طلعت الغرفه و دموعها مو راضيه توقف
من القهر حطت سيف ب السرير و قفلت الباب ب المفتاح و ركض خلف وراءها على الأساس يطلع يشوفها و فتح الباب انصدم من شافه مقفل وقال : بيانن افتحي
وكان واقف لمده ولا فتحت له الباب وحس انها تبي تقعد لحالها راح و كل تفكيره معاها
-
ف الغرفه عند بيان الي غارقه ب دموعها منسدحه على السرير و سيف الي نايم على صدرها قامت و راحت تغسل وجهها و رجعت عند المرايه تعدل مكياجها تنهدت بتعب و إرهاق و م حست الا ب جوالها الي يرن قامت تشوف رفعت الجوال و اهتز قلبها من شافت الاسم ( حبيبي ♥️. ) قفلت عليه الخط و شافت الرسايل الي تجيها وراء بعض
-
عند العيال ب الصاله :
سعود : خليفان وش بك ؟
خلف : ي سعود والله اني زعلتها
سعود : منن منن
خلف : من بعد بيان
سعود : وش سويت الله يصلحك
خلف : مدري بس والله زعلتها
سعود : شفتها زعلانه؟
خلف : ي سعود شفت دموعها نازله وانا السبب اهخ ي سعود
سعود : الله يعين بس
غمز سالم ل سعود بمعنى وش فيه
سعود نزل يده بهدوء بمعنى م فيه شي انسوا
صقر : وش العلم يخواني
وليد : ابد والله تعالوا نلعب او نسوي شي
-
فـ المحادثات عند بيان تشوف رسايل الخلف :
بيانيي وش فيتس
بيان تكفين لا تسوين تسذا
افتحي الباب
ردت بيان وقالت : خير ان شاء الله
خلف : افتحي الباب
بيان تنهدت وقالت : فتحته
خلف : طيب جايك
قفلت بيان جوالها و قربت تمسح دموعها و بدأت تعدل مكياجها و رجعت عدلت شعرها من جديد و دخل عليها خلف قرب منها و ضمها بقوه وقال الذنب : بيان والله م اقصد شي
ضمته بيان وهي تحاول تكتم دموعها و حرقان قلبها وقالت بصوت متذبذب : طيب وش فيك فجأه صرت كذا و الظهر كنا نضحك و نسولف وش صارر الحين
قرب خلف و حط كفوف يده على وجهها وهو يبعد شعرها من عيونها : نذر اني مو ناوي على شر والله اني قاعد اقول كلام بدون م احس بعمري وانا اقوله ي بيان قسم بالله اني اسف و انتي تدرين اني احبتس و مستحيل ازعلتس
تنهدت بيان وقالت : خلاص انسى الموضوع و رح اقعد مع للعيال
خلف : العيال مو اهم منتس والله
قربت ضمته بقوه وحست انها مرتاحه وهي في احضانه ولا عاد ودها تفك منه ولاكنها فكت و ابتسمت وقالت : يعيوني والله
خلف شدها عليه وقال : ياروح روحي
بيان وخرت منه و جلست على الكرسي قدام المرايه
خلف جلس على الكرسي متكتف يتأملها ابتسم وقال : يعني رضيتي خلاص ؟
لفت عليه بيان وهي تحط الحمره : يمكن ايه يمكن لا م ندري
خلف ضحك وقال بخبث : اجل اصبري اراضيتس الليل
بيان : ههاههاي اجل م بجي
خلف : بتجين غصب عنتس
بيان وقفت و قربت منه : طيب اسمع بعيدا عن كلشي
قرب خلف وهو يشدها من خصرها له : امريني
بيان : بروح عند اهلي كم يوم بقعد عندهم
خلف : الحين زعلانه مني و بتروحين ل اهلتس؟
بيان : يمكن ايه
خلف : لا تقولين زي قبل بتقعدين اسبوع اسبوعين عندهم
بيان : ايه بروح اسبوع
خلف : قولي امزح
بيان : م امزح منجد ترا
خلف : اه ي البيان بتروحين و تخليني لحالي
بيان : لا تخليني اكنسللل
ضحك خلف وهو يبيها عنده بس م يقدر يمنعها من أهلها : امزح امزح خلاص
بيان : ترا مو اكيد يمكن
خلف بـمزح : يارب م تروحين ههههههههههههههههههههههههههههههههههههههههههههههههههه
بيان ضربته على صدره وقالت : حيواننن
خلف وهو يمثل : اخخ بتطلعين قلبي ولا وشو
بيان : اوجعتك ؟
خلف : اييه مره
بيان : معليش اسفه
ضحك خلف وقرب باسها على خدها : يحلوتس
بيان : تعال تعال شوي
خلف : لذي الدرجه م تقدرين دوني؟
بيان : الثقه يربييي
خلف : طيب وش ههههههههههههههههههههههههههههههههههههههههههههههههههه
بيان : تعرف اخت اسامه الي جت عندكم بلغلط ؟
خلف : ايه ليه ؟
بيان : شفتها ؟
خلف : ايه شفتها دخلت علينا لخبطت بيننا و بينكم
بيان زفرت وهي تحس ب الغيره : الله ياخذ العدو
ضحك خلف وهو شايفها غيرانه : ليه ؟
بيان : شفتها حتى على ستايلها ؟
خلف وهو يبيها تغار : ايه شفتها يحليلها
بيان وهي تحاول تخفي الغيره قالت : ايه وانا شفت اسامه ماشاء الله تبارك الله يجنن يحظ الي بتاخذه
خلف رفع حاجبه وقال : متى شفتيه ؟؟
بيان : شدخلك
خلف : يعني تشوفينه افضل مني
بيان لفت تكمل ميكب : ايه هذا الصح
خلف و النيران تشتعل داخله : يعقبب وانا ابو سيف !
ضحكت بيان وهي تشوفه طالع بغضب : خليف القلب محد احسن منه
فز خلف و ابتسم : افداتس وانتي تقولين خليف القلب ي كل قلبه انتي
بيان : يلا حبيبي رضيت الحين
خلف : الكلمه الثانيه كثري منها
بيان وقفت وهي تعدل فستانها و شعرها ضحكت وقالت : طيب يااحبيبيي بتقعد مع سيف ولا ؟
ابتسم خلف وقال : لا والله نازل مع العيال
بيان : يوه مشكله الحين
خلف : م عليه شي روحي نايم الولد
بيان بخوف : لا مستحيل اخليه لحاله
ضحك خلف وقال : وهه وهه يلبى الخواافهه
بيان : كلل ز**ق
خلف : طيب ياحبيي روحي حطيه عند امي ولا جدتي
بيان : بشوف كيف رح انت لا تضيع وقتك الحين
خلف : يفداس الوقت و خلف
ضحكت بيان وقالت : يلاا خلاص
جلس خلف على الكرسي : ابي اقعد معتس
صدت بيان وقالت : ترا بعدني زعلانه
خلف : ي بيان والله اذا قلتي تسذا ازعل معاتس انا شايل همتس طول الوقت مع اهلي مع اخوياي ف شغلي طول الوقت وانتي ف بالي واذا زعلتي ازعل معاتس وربي احس اني شايل ذنب اني زعلتس وانا مو نيتي ازعلتس بس مدري ليه كلذا صار اليوم
بيان : خلف تحبني ؟
خلف : واذا م حبيتس بحب من ي بيان والله اني اموت عليتس
بعد دقايق قليله قال خلف : وانتي تحبيني ؟
صدت بيان و طلعت من الغرفه مسرعه لـ تحت
فتح عيونه بصدمه وقال : اوف ي بيان م توقعتها منتس
تقدم يعدل شماغه و لمح جوالها على التسريحه و كان يدري انها راجعه عشان تاخذه
طنش الوضع بعدم اهميه و قرب من السرير يشوف سيف الي قام ويهمس بصوت خفيف قرب خلف وانسدح جمبه وهو يبتسم : ودلبووسي حبيب بابااا
وكانت بيان واقفه عند الباب تبي تاخذ جوالها بس م قدرت تدخل و وقفت وهي تتأمل خلف وهو يلعب مع سيف
خلف رفع سيف وبدأ يلعب معه : سييفيي حبيبي
سيف وهو يقول ( مم..ا..ماا )
خلف وهو يضحك : قول بااباا
سيف مو فاهم شي و باقي ينادي بـ ماما
خلف : والله ي سيفي ماما راحت و خلتنا شنسوي فيها
بيان وهي عند الباب : اه ي الخلف لو تدري جوابي اني احبك و اعشقك
خلف : يلا يلا مشينا عند ماما
وقف و بدأ يعدل شماغه و دخلت بيان الي سوت نفسها م شافت شي
ناظرها خلف وهو مطنشها تماماََ
بيان : سيوفي قمتت
قربت من السرير و رفعت سيف ل عندها و قربت تاخذ جوالها وكان خلف جمبها قالت : بتنزل؟
صد رد على سؤالها و نزل تحت مسرع عند العيال
ابتسمت بيان وهي تشوفه يرد عليها بنفس حركاتها : شفت ابوك ي سيوف شفته الله يعين بس
-
عند العيال بـ المجلس وكل واحد على همه سرى
( عامر و صقر الي منسدحين وهمهم متى النوم )
( و عبدالله الي تفكيره رايح بعيد )
( و خلف الي يفكر في بيان وش ردها على سؤاله )
( و وليد و عبدالرحمن و سعود الي جالسين يسولفون )
( و سالم و إياد و محمد و ذياب الي داخلين ف الطرب و م وقفوا لعب )
( حسين الي مستغرب من حال كل واحد فيهم )
( اسامه و فهد الي مشغولين ف الشاهي )
( فيصل و زيد الي يضحكون على سوالف بعض )
وقفوا سالم و إياد و محمد و ذياب وهم يحاولون يسلون الوضع : يرجااالل صفوا قوموااا نلعب و تجمع الكل و صفوا صفوف على اليمين تسعه و على اليسار تسعه
و بدأوا بـ الغناء و اللعب و دخلوا ف الجوو الي غير مزاجهم
حسين : ياااعاذلين الهووااء م يفيد الكلام مسكين مسكين من قد بلي ب الغرام
ردوا كلهم وراءه : ي عاذلين الهواء م يفيد الكلام مسكين مسكين من قد بلي ب الغرام
حسين : ف الحب جنه و ف البعد نار و هيام مسكين مسكين من قد بلي ب الغرام
ردوا بصوت واحد وحماس و تصفيق : ف الحب جنه و ف البعد نار و هيام مسكين مسكين من قد بلي ب الغرام
بعد لعب و تعب طويل جلسوا كلهم يلعبون بلوت و لاحظوا خلف الي مو معهم و تفكيره طاير مع البيان
ذياب : اسلم ي الخلف نبي نسمع شي
خلف :
والله ان حبك مع الوقت م ينقص .. يزيد
في غيابك لك محبه ، و شوق ، و ونيين
وفي حضورك .. شف عيوني كلامي م يفيد
اقهر الضيقه بذكراك من حين لحين
و انثر دموعي على الوصل من عيد لعيد
و سلامتكم
ذياب : صح لسانك
خلف : صح بدنك
عامر : ي رجال وش بك
راكان : منتظرين اختك ترد على سؤاله
زيد : م عليك م عليك بترد بترد
فز عبدالله على جواله الي يرن ولف على الاسم ضحك وقال عانو ( بيان اختي )
حسين : رد ررردد بسرعه
رد عبدالله وقال : أرحبي مليون
بيان : البقى عبوودد
عبدالله : عسى ما شر
بيان : لا بس ابيك تعلم امي اني معاد بجي خلاص
عبدالله : ليه بسم الله صار شي ؟
همس فيصل وقال : عسى ما شر وش صار
ضرب ذياب فيصل على كتفه وقال : وخر يولد
بيان : لا ابد مو شر انت علم امي و م عليك ب الباقي
عبدالله : ابشري طال عمرس
قفل الخط و بدأ الكل يسأله
ضحك عبدالله وقال : بسم الله من زوجها خلف ولا انتم
ضحكوا كلهم وقالو : وش صار بسرعه
عبدالله : ي خخلييف ابشركممم
اسامه : بشرر بشررر
عبدالله : تقول اختي معاد بتجي عندنا اسبوع ب تهجد عندكم ف البيت غيرت رأيها
فز خلف الي كان سرحان يفكر وقال : في ذمتك
عبدالله : اي والله
قام خلف بحماس و بدأ الطرب يلعب فيه : وادداان واددااننن دااننه وادداان وادداان داانههه على الحباايب سرى الليل و محلىى مساري المحبهه
كمل اسامه معاه بحماس : واداان وداان داانهه واداان و واداان داانهه يابو الرموش المظاليل قلبي غرامك لعبّه
وقفوا كلهم يلعبون معاه بحمااس و هم يشوفوه مستانس و ذياب شبك ف المسجل ب أعلى صوت
-
وعند البنات الي طلعوا لل الحوش وكانوا قريبين من مجلس العيال :
ضحكت الجوهره وقالت : ذولي الي صدز عندهم عيد
اميره : يقلبي خليف شكله مستانس
بيان رفعت حاجبها وقالت : مستانس على شنو أن شاء الله
الجوهره : م تسمعين صوته انتي
نيلان : اوسي الله
اميره : وشو اوسي انتي بعد
ضحكت نيلان وقالت : اقصد اسامه
الجوهره : شرايتس نروح نشوف تحمستتتت
بيان : جاني فضول مشينا
مشوا البنات بهدوء وجلسوا يعانون من الدريشه الصغيره عليهم وهم داخلين ف الطرب و يلعبون و اسامه و خلف الي ينشدون ب حماس
الجوهره بِحُب وهي تشوف ذياب الي يلعب معهم و يضحك ابتسمت وقالت : ياجعلني م افقد ضحكتك
اميره : وع عليتس يازين خوانيي بس
نيلان : بيان شوفي شوفي خلفف يغني هو و اوسي و الحماس يبي ياكلهم ههههههههههههههههههههههههههههههههههههههههههههههههههه
جت ريهام وقالت : استغفرالله تتسمعون على الناس
ضحكت اميره وقالت : يحلوتس تعالي شوفي فهيد
تقدمت ريهام و صفت معهم : ماشاء الله تبارك الله ليه حنا مو فله زيهم
الجوهره : والله انتس صادزه
اميره : مشينا نشبك معهم
نيلان : تخيلي بس هههههههههههههههههههههههههههههههههههههههههههههههههههههههههههههههههههه
قفل حسين المسجل بعد تعب و لعب
همست اميره وقال : اششش لا تسوون صوت
عبدالله : هاه يخيلف عسى تعدل مزاجك
لفت اميره بِتعجب : تعالي تعالي متزاعلين انتم ؟
بيان : ايه خليه حيوان وربي
انفجرت ريهام ضحك : لا اله الا الله عيب عليتس تقولين ل زوجس تسذا
اميره ضحكت وقالت : اقول حدتس ي بنت الا ولد اخويي
الجوهره : اجل ليه مستانس وانتم متزاعلين
اميره : ثواني بتصل عليه اسأل
ريهام : يلا
بيان : يليل
رفعت اميره جوالها و ضغطت على خلف و اتصلت عليه و فتحت السبيكر : الوو
رد عليها خلف : يمرحبا ب اميرتي
بيان : وع وع اميرتي بعد
ضربت الجوهره كتفها و ضحكت : قلبيي الغيوره
اميره : البقى
خلف : وش فيتس
اميره : بسألك بس شفتك تلعب و تغني وش الحماس ذا
ضحك خلف وقال : ابك انتي تراقبين ولا ويش
اميره ضحكت وقالت : جاووبب ليه مستانس هااه
خلف : امم م بقول
اميره : تكفى
خلف ضحك وقال : افكر ف حبيبة القلب
شهقت اميره و ضحكت قالت : حبيبة قلبك اجل وهي توها تقول عنك حيوانن
همست بيان بعصبيه : لااا الله يقطع ابليستس ي اميره
خلف بصدمه : منهو اناا
اميره : ايه انت منهو بعد
خلف : افا ي ذا العلم
اميره : معليش يولد اخوي
خلف ضحك وهو مكسور خاطره منها : يلا اميرتي بطفي و سلمي على حبيبة القلب
بيان بِزعل قالت بصوت خفيف : يحياتي هوو
اميره : خلففف لحظه لحظه وقف
خلف : لبيه أمري
اميره : وين رايحين ؟
خلف : طالعين الاستراحه مع العيال و يمكن ارجع بكره او بسهر معهم و برجع
اميره : اها تمام انتبهلك
خلف : ابشري و علمي الناس ينتبهون لنفسهم وان بغوا شي يعلموني
ضحكت اميره وهي تدري انه يقصد بيان وقالت : يعيوني ي خليف بقول لها ابشر
خلف ابتسم وقال : يلا فمان الله
قفل الخط "
بيان بنبره حزن : اهه وش سويت انا
نيلان : وانتي لا تشدينها معاه
بيان اخذت نفس وقالت : تصدقين والله اني شديت الموضوع بزياده معاه
اميره : يلا عادي مستحيل خلف يزعل منس
ابتسمت وقالت : ان شاء الله
-
و بعد سوالف و لعب و تعب
تجمعوا سعود و وليد و خلف و عبدالله و ذياب و اسامه و فيصل و فهد ف الجلسه يسولفون و يشربون الشاهي
*
و صقر و حسين و راكان و عبدالرحمن و سالم و إياد محمد و زيد و عامر ف المطبخ يهبدون طبخات
-
عند البنات ف الليل الساعه 1:11
دخلت سُميه عند البنات ف الصاله و جلست بعصبيه : افف
بيان : وش فيس معصبه
سُميه : الابله تبيني اخترع لها رسمه وانا حتى شمس م اعرف ارسمه
ضحكوا البنات و قالت الجوهره : عندكم رسامه شتبوون اكثر من كذا
سُميه : اي رسامه انتي بعد
ابتسمت ريهام وقالت : تعالي معاي لغرفتي
سُميه : ليه ؟
بيان : اقولتس فاتس رسمات ريهاموو وربي انها فنانه
ضحكت ريهام وقالت : حبيبي انتي
سُميه : يحياتييي ريهااموو ويني عنتس انا
ريهام : مشينا يلاا
سُميه : اخاف الفهد يكون موجود ؟
ريهام : عادي حبيبتي م بيقول شي
سُميه : تمام مشينا
طلعوا ركض لـ الطابق العلوي و دخلوا للغرفه
زفرت سُميه ب راحه : اشوا مو هناا
ضحكت ريهام وقالت : موجود تراه ياخذ شور
سُميه : انا شكلي نسيت انه اخوي
ريهام : الظاهر كذا م علينا يلا نبدأ
فتحت ريهام الدرج و طلعت اللوح و المثبت الخاص فيه و الألوان من جميع الأنواع ( خشبيه ، مائيه ، ماركر ، الاكريليك )
اندهشت سُميه وهي تشوف أغراضها : لا عاد صدز ويني عنتس انا
ريهام : معقوله م تدرين محد علمتس ؟ لأن البنات يدرون
سُميه : لا وربي محد علمني
جلست ريهام على الطاوله الكبيره و قالت : اجلسي جمبي و جلسوا يرسمون مع بعض و ريهام الي تعلم سُميه و تعطيها افكار تسويها و تساعدها ف الرسم
وهم جالسين يضحكون و يسولفون م حسوا الا ب فهد الي طلع من الحمام ( يُكرم القارىء ) وهو رابط المنشفه عليه و ينثر شعره من الماء و تفاجئ يوم شاف سُميه ضحك وقال : اووه في ضيوف عندناا
سُميه نزلت رأسها بـ احراج : معليش ادري الوقت متأخر بس مجبوره اسمحوا لي
ضربتها ريهام على كتفها وقالت : حبيبي انتي اي وقت تبين تجين تعالي لا تستحين عادي
فهد ضحك وقال : سُميوه ملخبطه الدنيا انتي تراني اخوتس
ريهام زفرت براحه : اووه اخيرا خلصنا والله تعبت
سُميه : مشكوره والله م تقصرين و اعذروني على الازعاج
ريهام : ابد والله م فيه ازعاج
طلعت سُميه من الغرفه
و وقفت ريهام تضم الأغراض و ترجعهم مكانهم و م حست الا و فهد الي جاء من وراءها وشدها من خصرها لعنده وقال بهدوء : من اليوم ادور لتس وينس عني
ابتسمت ريهام ب خجل : وانا من اليوم ادور عليك
فهد : يابعد هالدنياا
ريهام : ي حبيبي والله
لفت عليه بكل حُب و حطت يدينها على رقبته و قرب فهد حاوطها من خصرها و شدها عليه
قرب فهد منها و انحنى يبوس منطوقها بِكُل حُب و سحبها على السرير الي وراءها
ومالكم شغل ب الباقي 🙈.
-
العيال ب المجلس :
حسين : ابك يلا امشوا نروح الاستراحه
ردوا كلهم بصوت واحد : قدام
سحب عامر خلف لعنده وقال بهدوء : بعدكم متزاعلين ؟
تنهد خلف وقال : ايه بالله
عامر : وليه ذا كله
خلف ضحك وهو يحاول يخفي ضيقته : ي رجال تقول عني حيوان عند البنات ابو سيف صدز
عامر فتح عيونه و ضحك : يولد خلكم من الزعل وكلنا ندري انكم تحبون بعض محد ينكر ذا الشيء
خلف : الله المستعان بس
عامر : اصبر وانا اخوك إذا بعد شوي بتسأل عنك اختي و اعرفها
خلف : امشي امشي
ركبوا العيال كل واحد بـ سيارته
وعند ذياب ف سيارته :
رفع جواله يتصل على الجوهره و دق عليها ، بعد م ردت
ذياب : أرحبي ي جوهرة قلبي
الجوهره : والله الي مرحبااا ي بعد هالدنيا
ذياب : البقى البقى
الجوهره : صار شي؟
ذياب : لا بالله م صار شي بس جيت اقولتس اني رايح الاستراحه مع العيال و يمكن ارجع الفجر أو بكره مدري
الجوهره : لا عاد وشو بكره تجي الفجر
ضحك ذياب وقال : اشتقتي اعترفي
الجوهره : يووه مستحيل اقعد لحالي ف البيت وربي اموت من الخوف
ذياب : طيب عيوني انتبهي لتس وان صار شي علطول دقي هاه ان شاء الله م أطول
الجوهره ابتسمت وقال : استودعتك ربي يحبيبي
قفل الخط "
وعند سيارة الخلف ومعاه سعود و سالم و وليد
سعود : خليف شصار دقت ولا
خلف : لا والله م دقت
وليد حط يده على كتفه وقال : يخوك م يستاهل ذا الزعل عشان شي تافه اقطعوا الشر و تعوذوا من الشيطان و ارجعوا لبعض
خلف زفر براحه وقال : بإذن الله
سالم : يعيال تصدقون والله اني اشتقت ل فلاح
ضحك وليد وقال : قال اشتقت قال وهو ف اليوم يشوفه خمس مرات
-
و ف الاستراحه تحديداََ بعد م تجمعوا العيال
حسين : اررحححبوووووا
فيصل ضربه على ظهره و ضحك : بسم الله عليك بشويش ي اخوي بشويش
حسين : سم
خلف : تبقى تبقى ي حسين
ذياب : اقول خلفان تجي تساعدني ب الطباخ
خلف ضحك وقال : خلفان !
ذياب : يالله عاد
خلف : تم لعبتي عاد
اسامه : والله ان فهد الوسخ سحب عليي منهو يساعدني ف الشاهي
ضحك صقر وقال : خذ لك راكان م منه فايده
ذياب : سعود و الخلف و عامر و حمود معاي
صقر زفر براحه وقال : اشوا م قال اسمي
ضحك ذياب وقال : صقير يلا قدامي بسرعه
صقر ضحك وقال : الله يقلع ذا الوجه
إياد : اسامه عانه
اسامه : ويش
إياد : ترا فيصل بعد لعيب ب الشاهي
اسامه : فيصل تجي تساعد
فيصل : ابشر بي
حسين انسدح يطقطق ب الجوال منتظر العيال يخلصون
-
و ف المطبخ عند العيال الي بدأوا ب الطباخ و فنهم
ذياب : خلفان خذ الطماط قصه إذا م عليك امر
خلف : ابشر
اخذ خلف الصحن و السكين و بدأ يقص و جمبه صقر يسولف و يضحك و م حس بعمره الا يشخط نفسه ب السكين و كانت يده تنزف دم نط نطه من آلالم
صقر : بسمم الله عليكك بشويش يولد
خلف : صقرر يصقرر
صقر : ابشر بيي اصبر بس
ركض صقر يجيب لاصق جروح و معقم
و تقدم مسك بده بهدوء وقال : اسمع تراه يحرق من لحين اقولك
ضحك خلف وقال : م عليك ازهلها
مسك صقر يده و بدأ يعقم الجرح و خلف الي يحاول يخفي الألم الي يحس فيه و حط له لاصق جروح
صقر : سلامات سلامات
خلف : الله يسلمك
ذياب بصوته الثقيل : يهووو م قلت سولفوا اخلصوا
خلف : اقول اهجد ي الذيب
ضحك ذياب وقال : طيب اخلص عاد
-
وعند البنات ف الصاله لحالهم
الجوهره : بنات الظاهر انهم مطولين وانا تعبت وربي بروح للغرفه عند سُميه
ود : اخ وانا جاني النوم نيلو تكفين شوفي صقر متى جاي
نيلان : تمام
رفعت نيلان جوالها و دقت عليه ورد عليها اسامه بدال صقر !
نيلان : ألوو صقرر
اسامه : نيلاني انا اسامه أمري؟
نيلان : اها طيب اسمع وين صقر
ضحك اسامه وقال : الدكتور صقر مو فاضي
نيلان فتحت عيونها بخوف : بسم الله فيكم شي؟
همست اميره : وش صار يمه
اسامه : لا ابد بس الخلف تعور ب السكين و يده نزفت و صقر قاعد يعقم له
نيلان : طيب فيه شي ؟ يعني جرح عميق ولا عادي
صقر : عاد هو صراحه عميق بس الرجال م فيه شي نحمد الله
نيلان : اها تمام سلامته ، تكفى لا تطولون نبي نرجع
اسامه : طيب عيوني يلا تصبحين على خير
نيلان : وانت من اهله
نطت اميره بحماس و خوف : وش صااار سلامة منو
بيان : عسى ما شر
نيلان : احم بسم الله لا تنصدمون تمام إذا فيها صراخ امسكوا صراخكم
انفال : يمه اخلصي فيهم شي
ود : خواني فيهم شي؟؟؟؟؟؟؟؟
نيلان : اااء الخلف تعور ب السكين و يقولون يده تنزف مدري وشو
شهقت بيان و مسكت على قلبها : بسم الله عليه فيه شي !!!!
اميره : يويلي فيه شي طيب
نيلان : والله اوسي يقول ان جرحه عميق بس هو يقول انه عادي م فيه شي
ود : واكبدي يلي قلنا بدون صراخ
بيان وهي تحاول تحبس دموعها : تخيلي انه م دق للحين ولا قال شي ولا علمني انه راح من الأساس
انفال : انتي منتظره منه يرسل لتس وهو منتظر منس ترسلين له الظاهر كذا
اميره : طيب دقي عليه
بيان : تشوفين أدق؟
ريفان : دقي دقي
رفعت بيان جوالها و دقت عليه وهي كلها ترجف خوفاََ عليه من اي شي يصيبه
زفرت بِخوف : اههه جواله مقفل وربي بنجلط اناا
اميره : ثواني بشوف سعيدان
بيان : ايه تكفين
دقت اميره عليه و رد عليه بكل سرعه !
اميره : سععيدوون
سعود : قل أعوذ برب الفلق وش فيتس
اميره : خلف وينه فيه شي
سعود : لا لا م به شي
اميره : ي التسذوب ادري ترا تكفى قل فيه شي
سعود : والله م به شي خلصنا من الجرح و صقر يعطيه العافيه حط له لاصق على الجرح
اميره بتردد : طيب عادي تعطيني ياه شوي
سعود : ابشري
قرب سعود من عند خلف الي كمل يقص السلطه
و حط له سعود الجوال على اذنه همس وقال : اميره تبيك
خلف : اموره عسى م شر
اميره : خليف فيك شي؟
خلف ضحك وقال : الاخبار وصلت لس ولا؟
اميره : ايه وصلت بس تكفى قل فيك شي
خلف : انفداس والله م فيني شي
اميره : طيب يعورك ولا
ضحك خلف وهو يبي يخوفها : اييه مررهه
شهقت بيان بِرعب
ضربتها ود على كتفها : يقطع ابليستس مو تسذاا
خلف : وش صار
اميره : ابد البنات يلعبون يلعبون
خلف : طيب اسمعي لا تعلمين احد على ذا الجرح و بيان بعد لا تخلينها تشيل همه
اميره ضحكت وقالت : تراه سبيكر و هي تدري
خلف : الله ياخذ عدوتس بعدين تعالي من علمكم انتم
اميره ضحكت وقالت : اوسيي
خلف : ويش ذا بعد
اميره : اسامه اسامه
خلف : نعنبوا دارتس اوسي بعد اصبري علي اذا رجعت
نيلان : يويلتسسس
بيان : يوه قفلي قفلي بيجيني هبوط وربي
اميره : تعال كلم حرمتك
خلف : عندس هي؟
اميره : ايه هناا هنااا
بيان : الله يلعنتس ي اميره م قلت ابي اكلمهههه
خلف : عطيني عطيني والله اني اشتقت لصوتها
ضحكت اميره وهمست لبيان : تسمعين ي الي م تقدرين النعمه الولد مشتاق لس وانتي تشتمينه
قفلت اميره السبيكر و عطت بيان الجوال ..
طلعت بيان من الصاله و اخذت الجوال قالت وهي تحاول تخفي شوقها له : هاه
خلف : أرحبي يادهر قلبي و رجعانه
بيان ابتسمت و دموعها بدأت تنزل : البقى
خلف : ضايقه بعدس
بيان : والله اني من اشوفك انسى ضيقتي وكلشي
خلف : ي بعد حيي ومناي
بيان : طيب ي حبيبي الجرح يعورك ولا ؟
ابتسم خلف وقال : انفداس والله م فيني شي لا تحاتين انتي
بيان : كيف م احاتي وانا من اليوم م كلمتك وفوقها جوالك مقفل و متزاعلين واجد اشياء منجد
خلف ضحك وقال : طيب ياحبي هذاني كلمتس عسى ارتاح بالتس
بيان : الحمدالله ارتاح بس شسمه بعدك زعلان مني؟
خلف : شرايتس نسكر السالفه ذي عشان لا تكبر
بيان : ان شاء الله
خلف : والله اني اشتقت لتس و لصوتس ولا ودي اقفل بس العيال منتظريني
بيان ابتسمت وقالت : تبيني اراضيك الحين و اخليك تروح مستانس
خلف ضحك وقال : يلا وش عندتس
بيان : تبيها بدون مقدمات والله ي الخلف اني احبك و اعشقك و اموت عليكك
خلف : كثيره على قلبي والله
ابتسمت بيان وقالت : بسم الله على قلبك
خلف : لا تلعبين فيني ي ام سيف واناا عند العيالل
ضحكت بيان وقالت : يلاا يبو سيف راضيناك الحين بروح سلام
خلف : تفداس الدنيا و ابو سيف ي عينه انتي
ابتسمت بيان وقالت : يحبيبي والله استودعك ربي
قفلت الخط *
دخلت الصاله و الفرحه لاعبه فيها لعب
ود : هاه بشريي
بيان : اخخييرااا انقطع الششررر
اميره : احم الشكر والتقدير لي طبعا
ضمتها بيان وهي تضحك : لبى عينس قسم
-
و خلف الي ف المطبخ نط على العيال وهو مو قادر يمسك فرحته
ذياب : وش بك انت انخبلت قبل شوي زعلان على حرمتك وش صار الحين
اسامه : امم انا بحزر الحين
محمد : يلا وش فبالك
اسامه : شكلها اعترفت
خلف : اي باللههه
ضحك اسامه والله : شفت ي حمود قلت لك
محمد : ذكي ذكي ههههههههههههههههههههههههههههههههههههههههههههههههههه
خلف : وااههه اخيرا م بغينا
صقر : وع وع بس خلاص
ذياب : تشوف والله مع نفسكم
خلف بحماس : يلا الحين يجيكم العشاء البطل
محمد : متأخر ف المنهج يخوك
ضحك ذياب وقال : اخ ي حمود عز الله انك ضحكتني
اسامه بصوت عالي : خلاص بس اسكتوا كملوا طباخكم وانتم ساكتين
صقر : صادز والله سكتهم يرجال ازعجوني
سعود : وين جووالليي
خلف قرب من سعود و ضمه بفرح : والله لولاك م كان صار شي
سعود : هههااهههاااي عفوا عفوا مقدما
طلعوا العيال من المطبخ بعد م خلصوا العشاء و تقدموا
يتعشون
-
يُتبع
-
( ارحبوا ي شيوخ قلبي شحالكم عساكم بخير ، معليش طولت بس والله اختبارات و دراسه تدرون الأشغال وكذا ان شاء الله جايتكم بـ بارتات قويه جداََ و معليش صايره اسوي البارتات قصيره حاليا تعدينا حاجز ال 5K كلمه ما عندي وقت اخليهم طوال و شكرا لكم ، قراءه ممتعه
🤩❤️. )