في هذه الاثناء المدير كلم ابو صقر يقوله اهل الكويت يبون يسكنون عندك رد ابو صقر حياهم الله البيت بيتهم اذا ما شالت لهم الارض تشيلهم عيوني
ابو صقر كلم ام صقر قالها جهزي البيت الي فوق جايين ضيوف عزيزين علي .. ام صقر عبالها انه تزوج عليها .. سويتها وتزوجت علي وطبعا هزاع يطالع فيه امه وميت ضحك ودخل صقر( 17 سنه ) بسرعه لما سمع امه تصارخ وهزاع يضحك وابو صقر يهدي ام صقر .. صقر اشفيكم ابو صقر مافينا شي بس امك دراما كوين ... ابو صقر يا بنت الحلال لا تصارخي انا لو ابي اتزوج عليج ما رد عليج بس انا ماخذج عن حب .. رد ام صقر ماخذني عن حب طل حب كله بس تصارخ وانا انسانه احب الهدوء .. رد ابو صقر انتي هاديه ؟ امعصي انج هاديه كل يوم اسمع صراخج لما تقومين ولدج هزاع وياليت يقوم ما يقوم لين انا اجي يفز ردت ام صقر ايي يقوم لانه خايف ينطق بالعقال
... ابو صقر المهم جهزي البيت الي فوق اهل الكويت جايين يبون يسكنون عندنا لين الله يفك عوقهم ويعينهم الله وترد ديرتهم سالمه
ام صقر ابشر .. بس متى يوصلون ؟
ابو صقر اهم حاليا في الخفجي وبيطلعون ان شاءالله والمسافه بين الخفجي وحائل 1049 كيلو .
ام صقر يوصلون بسلامه
وصلوا ابو ثريا و اهله الى حائل
استقبلهم ابو صقر و صقر و هزاع قدام البيت
نزل ابو ثريا من السياره وابو صقر يا هلا باهل الكويت يامرحبا يا مرحبا .. سلم عليهم
ابو صقر حياك حياك ابو ثريا الله يحيك ويبقيك
ابو ثريا لف على السياره بنظره ونزلوا
طبعا ام صقر في الباب الثاني من وراء الباب تطل عليهم ..
هزاع واهو يشوف منو داخل السياره لانه فضولي
صقر يقول حق هزاع بسك خز عيب هذيل مثل خ..
نزلت ثريا من السياره و صقر ما قدر يتكلم
شاف ثريا وانعجب فيها و ثريا مصدومه ( بقلبها : شفيه هذه مجنون ولا شنو لا صج اوفر )
صقر اول ما شافها مانزل عينه من ثريا
وهزاع يقول صقر صقر صقرررررررر
صقر اشفيك خرعتني
هزاع شنو طالع
صقر مالك شغل سوالف كبار
هزاع ترا انا عمري 14 يعني افهم
صقر خز ب هزاع خزه خله هزاع يسكت
صقر دخل البيت عقب ما دخلت ثريا البيت
ابو ثريا و الاهل صعدو فوق
صقر راح يكلم ابوه يبا ابو ثريا من وين ؟
ابو صقر تستعبط انت انا شنو قلت حق امك امس مو قلت انهم اهل الكويت ..!
صقر ايي ايي صح نسيت والله السموحه يا الوالد
أنت تقرأ
وسط حائل
Diversosعائلتين بينهم عداوه قبل 10 سنوات .. يعشق الشاب ( صقر ) بفتاة اسمها ( ثريا ) ولكن لا احد يعرف كليهما من هو عائلتهما ؟! ((القصه لا تربط للواقع بصله انما هي من وحي الخيال ))
