شراسهٓ اللبوهٓ

الحلقه_1

السـلام علـيكم.

-شـَراسـهٓ اللـبوهٓ-

قصه حقيقه 100..
الكاتبـه: هيـلين احمـد.

غائبة شمسي
مظلمة جهاتي
مرتبكة خطواتي
لا أنـا أنـا
ولا ظل لي .
---------------------
فتاه بسيطه تعيش مع اسرتها تبني احلامها في خيالها بسيطه جداً ضحكتها تملئ وجهها وجنتيها الجميلتين يشعان نور عيونها الواسعه تشبه النجوم انها جميله في نضر نفسها..

زينب:
چان عمري 5_6 سنوات چان عيد كعـدت افتر واكول شبيكم يمعودين امشواا نعيدد مو نسطرت من المـلل رحت عايدت عمي الچبير وانطاني الف ورحت اركضض اشتري جبس وعصير ابو الخمسميه ورجعت للبيت وضحكتي مليانه وجهي طايره من الفرح.

ام زينب:
امشي يمه نروح نعايد بيت عمـج ونسوانهم فشله نضل لهسه وما نعايدهـم.

زينب:
اي يمه أمشي يلا شمنتضرين.
رحت واني ضايجه فرحتي مدرس شبيها اختفت..

احنه وكاعدين اجه ابن عمي الي انا اكبر منه بخمس أشهر كالي تعاي امشينه نروح نعيد بيت خوالي طبعاً هما معروفين خواله يلعبون النفس ووصخين واخلاقهم سزز انا رحت وياه بس بداخلي خوفه وتوتر وجان جسمي جامدد بس الي يلمسـني أطيح من الخوف رحت انا وياه وجان المكـان ضلمـه بالرغم الشمس تسمط سمط انا ضليت متوتـره بس مشيـت وياه ووصلنـا رحنا لـجده وباس ايده وانطاه الف وانا هماتين سلمت من بعيد وانطاني الف بعدين لكينا خاله وهذا اكبر ملطلط جان سكران مبين مـن حركـاتـه وهما معروفين يسكرون ويشربون كتلكم اخلاقهم سزز
ففـ اجه يجر بيه ويبوسنـي
وانا ادفع بيه واحاجي ابن
عمـي يبعـده وجان خايف
اكثر مني وما تقرب منه

انا ضليت اصرخخ بعلو صوتـي لان بأختصار يبوسني بـركبتي كـلش ضجـت وضليت ادفـع بيه ولحد ما ابن عمي دفـعه حيل وانا ركضـت وجنت ابجـي دموعي تصب عشره عشره واناشغغ من الخوف والصدمه
لازم ما انصدم لان ادري بيهم هيـج بس رحت برجليه
ابن عمي سطره بالبطل مال العرك وخلاه
يصرخ من البجي وانا هنا خفـت ورحـت اركض دفعـت حاله ومشيت وي ابن عمي
لان خفـت يتأذه وانوب يحطونها برأسي
فـ من بعدتـه ضل يبجـي بـجي يخرع
انـا عفتـه ورحـت ركـض لبيتنه كعدت اغـسل وابجـي ولعـبانه نفـسي من الي صار ومن وجهه المقرف ومن كلشي بيـه .

رحت اسبح ورجعنا لغيغوبه العيـد
المهم بعـد فتـره انا سجلت كـ طالبه صـف اول وجنت كلش نضيفه وغير عن كل الطالبات الي جانت ملابسها وصخه والي تلطخ نفـسها بالجبـس كـعدوني بالرحله الاولـئ

اجت مدرسه جبيره بالعمر ضربتني راجدي طيـرت خدي وكالتلي وهيه تزمخخ عليه
- امشي لج كعدي بالرحله الاخيره.
انا بوكتها كعدت بالاخيره ومنزله رأسي وابجي بهدوء والي يمي جانت بنيه كلش سمينه وصارلها فوك الثالث سنوات بالاول شافتني ابجي وضلت تتـبعد من الرحله عبالها اني خايفه منـها
البنت اسمها روان.

روان:
حبيبتي شبيج كوليلي شصاير يروحي انتي ترا انتي خايفه من شكلي وحجمي وانا ما اخوف.

زينب:
انا ما اخاف منج.

روان:
اذن شبيج ترجفين ؟؟

باختصار ما منتبها ابجي بس من شافتني ارجف اجتي وسألتني.

زينب:
ما بيه شيء لا تخافين.

روان:
يمه شلون ما بيج شيء وخشمج طلع منه دم.

طلعت كلينس وضليت امسح بيه وهيه خطيه خايفه
اجت اختي وياها بنت عمي وتطمنوا ع مكاني ومن ورا خشمهم راحوا
المهم وكتها بدت ايجابيتي وكعدت افرح البنـات واسولف وياهم واضحكهم وشكو وحده تبجي ع امها لو تريد ترجع للبيت اكعد افهمها واسولف وياها واكعد يم بنات اخليهم يسولفون اي بيهم واسكتهم وواسيهم باختصار من واني صغيره ايجابيه كلش.
المهم بهاي الفتره جنت كلش لطيفه واسولف وي الكل لحد ما اجتي طالبه اسمها حوراء اخذت شعبيتي كلها والكل صار يحبها ويهملوني ومن هنا بدأت اصير حقوده وعدوانيه هايه من داخلي بـس مـن خـارجـي لا وبـديت اصيـر متـملكه واغـار علـى ابـسط اشـيائي ووو.....

يتبع ....