حبٌ بعد طلاق💏

الفصل السادس

"موسيو إدريس "
كان هادا هو لاسم لقريت فشاشة دقااات دقلبي كتزاادو مع توتر دياالي وعلاش مغنتوترش أو لي كيتاصل بيا هو بابات داك الخائن مراد،،
بديت كنطرح بزااف ديال الاسئلة فدماغي ك
شنو بغى من عندي؟علاش كيعيط؟....
ولاكن ملقييتش ليهم جوااب مناسب أو باش نلقى لجواب خاصني ضارروري نجاوب ..
واحد!
جوج!
تلاتة!
دبااا..
رودينة:الو ..
ادريس:الو بنتي رودينة لاباس..
رودينة:الحمد لله أو نتا بيخير..
ادريس:حتا حنا مزياانين..اا
رودينة:تفضل أ عمي راه واخا يوقع لي يوقع كتبقى عزيز...
إدريس:امم (بتردد) انا بغييت نطلبك واحد طلاب.
رودينة:اهاه تفضل اعمي..
إدريس:بنتي اجي عندي لشركة غنهضرو مزيان حييت هاد لهضرة مااشي ديال تيليفون..
لا ميمكنش نمشي لديك لبلاصة!!!
رودينة:عمي غيير سمحيليا أو صافي ولاكن ميمكنش ليا نمشي لتما..
اه هادا هو لقرار صحيح..
ادريس:لا عافاك ابنتي مترضييهااش فوجهي واخا غير 5دقايق متخاافيش..
رودينة:ولاكن..
قاطعني!!
إدريس:عافاك ابنتي ضااروري!
معندي مندير غير نوافق!!
رودينة:واخا من نهنا 2ساعات نكون عندك..صاافي؟
ادريس:صاافي واخا بنتي..بسلامة!
قطعت أو انا عقلي كيضور ف فزيرو معارفااش شنو ندير بضبط!
صاافي قررت انا غنمشي نشوفو شنو بغاا أو نجي دغياا!!
لبست دغيا عليا أو هزييت طوموبيلتي وصلت قداام شركة أو انا عاقلة جييت لها جوج مراات بلحسااب واخا كنت مزوجة بيه وقفااتني سكريتيرا
حان الوقت الانتقام!
سكريتيرا:اختي فين غادا مدرمة راه شركة مااشي سوق باش دخلي وقتما بغييتي..
انا متأكدة عقلات عليا أو يصحااب ليها انا هي هاديك ليكانت قديمة اوكي!
رودينة:نعاام! وااش معايا.
سكريتيرا:لا مع جيران "جراتني من يدييا ااو بغات تخرجني"
رودينة:"نترت منها يدي " شنو كيصحااب لك راسك باش تهضري معايا بهاد طريقة..
سكريتيرا:شوفي غتخرجي حييت مكينش لمودير مراد فشركة أو هو مغيبغيش وحدة بحالك تكون هنايا ...
رودينة :يااك اختي! غتحيدي يدك ولا انقطعها لك من بلاصتها أو عرفي راسك معمن كتهضريي..
سكريتيرا:مع شكون!
رودينة:مع لالاك أو حييت معيط ليا لمودير أو ممحتاجاش ناخد الاذن من وحدة بحالك ..دبا غتمشي أو غتجيبي القهوة مسوسة ليا انا و لعمي ولا غنحيدك من هاد لبوصط لمكتستاهليهش اصلا..
سكرتيرا:(بغضب) موستااحييل يعيط لك موسيو إدريس اش بغا بك..
رودينة:شووفي يااأما غتمشي تجيبي ليا قهوة ولا غنوريك ..(جيت حتال ودنيها أو قلت)انا مااشي خدامة ولا دمدومة ولا لحااست لكابة بحالك انا رودينة لولا عندها مطعم او بفلوسي أو طوموبيلتي او داري كيتك نتيا لي باقا شادة هاد لبوصط أو حيااتك كاملة اتبقاي فيه(أو غمزتها)..
شفتها معجبهاش لحاال حتى انا قلبت عينيا أو زدت أو خليتيها طرطق بوحدها..
سولت سكريتيرا ديال مسيو إدريس قالت ليا عندو اجتماع..بقيت..أو بقييت..أو بقييت
طفح الكيل!
مشييت دقييت سمعت دخلي ..
او اه دخلت شت كان واحد راجل عاطيني بضهر ولاكن عمي دغيا جا عنقني..
رودينة:كيداير..اعمي..لاباس..
ادريس:الحمد لله ابنتي أو نتي كيدايرة الاحوال لاباس المطعم ..
رودينة:كولشي بخير الحمد الله..احم
إدريس:اه ابنتي بلا منعطلك..تفضلي كَلسي ..
رودينة:واخا ..كَلست....
لالا يأما انا منحوسة يأما شي حاجة اخرى عاوتاني هادا(اه الخووت هاداك لي فبالكم لي كان غيعطيني طوموبيلتو!! )
رودينة:احم (خفييت علامات صدمة )اهاه اعمي انا كنسمع..
مكتاب ليا نتشوه انا وجه شوهة!!
ادريس:بنتي انا بغيت نقول ليك بلي لاكان شي شخص تعلم من الخطأ دياالو واش كيستاهل فرصة أخرى؟
رودينة:بطبعت الحال هو راه كيستاهل فرصة أخرى حييت هو تعلم من خطأ دياالو..
إدريس:حتى انا هااتشي ليبان ليا(بتردد)بنتي انا بغيتك تسمحي لواحد شخص حييت تهو تعلم من الخطأ دياالو أو بغاك تعطيه فرصة أخرى..
شكون!
رودينة:مفهمتش!!
إدريس:بغ ..بغيتك..تسمحي..ل.ل.ل.مرا.د
رودينة:شنوو!!!
ادريس:هانتي ابنتي سمعيني مزيان هو راه محتاج فرصة راه ندم بزاااف على داكشي كامل ليدار..
رودينة:لا لا اعمي نتى بنتيليا بحلا نسيتي داكشي لي دار..
ادريس:منسيتش ولاكن خااصك غير تعطيه فرصة غير يشرح لك.
رودينة:عمي انا كيصحااب ليا بااغيني على شي حاجة لي موهيمة ولااكن نتى دبا كطلب مني شي حاجة مووستااحيل ..
ادريس:ولاكن راه حتى هو انسان و اي انسان كغلط ..
رودينة:لا اعمي هو مااشي انسان هو حيوااان أو غير سمحليا ولاكن انا ميمكنش ليا نعاود نعييش نفس لحاجة.
ادريس:ولاكن.انا فاهم شنو دار ولا...
قااطعتو!
رودينة:لا اعمي نتى مافاهم واالو كون كينتي فاهم كون عرفتي بلي انا ولدك سااليينا من شحاال هادا..
كنت خارجة من لبيرو عمي كيعيط ليا ولاكن انا مبقيتش باغا نهضر فهاد الموضوع!حييت صافي سديتو ___
حبطت فلاسانسور
اوففف!
ههو عاوتاني