🍃 مشاعر_صامتة 🍃| ( مكتملة )

🌛بارت 5 🌜

🌺مشاعر صامتة🌺
           بقلمي✏️: خولة غزالي🌹
    

ألاء ديك ساعة خدات طبليتها و بدات كتلبس فيها بزربة خدات صنطات ديال لقلب شدات فأناس جراتو و بداو كيجريو راه هو درع حامي و مؤنس ديالها مايمكنش تمشي و تخليه كتبقا معتابرة راسها بحال تلميذة و هو الأستاد
دخلات متوترة و كتنهج كيبان ليها كيتهز تال لفوق و كيتحط و ممرضات و ممرضين مجموعين عليه معرفوش مالو مشات هي و أناس ضربو ليه مهدء و كيحاولو يشوفو سبب لكريز ،و هي كتقاد ليه فليديه و كتقلب فلبرى ديال سيروم واش مقادة ليه فليديه حسات بصبعو تحرك ليها فليديها خرجات عينيها بفرحة هم و نزاح عليها نطقات موجهة هضرتها لأناس
ألاء: انااس تحرك صبعو تحرك
أناس بتاسم تاهو بدورو و نطق : اذن فاق من غيبوبة
شاف فالمؤشرات ديالو  لقاهم رجعو لطبيعتو و كمل كلامو: ياله نخرجو دبا رجع كولشي طبيعي
كولشي خرج بقاو غير هما بجوج شاف فيها مطلع حاجب نطقات و هي كتشوف فيه برجاء
ألاء: 5 دقايق منفوتهاش
أناس ضحك و نطق: الى ما وحلنا مع شي عائلة مريض كنوحلو معاك نتي
بتاسمات رجعات شعرها مورا ودنيها و نطقات بإحراج: نت عارف ناس لي ماكيجي تاحد يزورهم كنفضل نزورهم انايا باش ميحسوش بالوحدة
أناس عنكش ليها شعرها و نطق بإبتسامة: واخا اختي مهم انا مشيت شوية و رجعي لخدمتك
ألاء اومأت ليه بإيجاب تسناتو تا خرج و جلسات فوق كرسي معروفة فلكنينيك ان لمريض لي معندوش عائلة او على اقل مجهول كتوقف معاه بحال الى هي من عائلتو وقت استراحة ديالها كتخصصها لمرضى كل واحد و وقتو
بتاسمات وهي كتشوف فلملامح ديالو لباهتة نطقات بهدوء لي معروفة بيه : صباح نور واخا تعطلت شوية مي مهم جيت اممم اش بان ليك نغني ليك كيف ديما
شدات ليه فليديه غمضات عينيها و بدات كتغني بصوتها لحنين و خفيف هادي هي حالتها من نهار جا تجي تصبح عليه تغني ليا و فليل تمسي عليه و تشكي عليه وماشي غير ليه لأي واحد داخل فغيبوبة ضروري متغني ليه خصوصا اغنية لي كتحسها كاينة فقلبها واخا مامجرباش شعور أمومة

           ✨     أنتي الأمان أنتي الحنان   ✨
           ✨  من تحت قدميك لنا الجنان  ✨
           ✨عندما تضحكين تضحك الحياة✨
           ✨      تزهر الأمال في طريقنا    ✨
           ✨           نحس بالأمان           ✨
           ✨     🌹أمي🌹 أمي 🌹أمي   ✨
           ✨      نبض قلبي نبع الحنان      ✨

          💞                    💞                💞

           ✨     أنتي الأمان أنتي الحنان   ✨
           ✨  من تحت قدميك لنا الجنان  ✨
           ✨       من عطائك تخجلين       ✨
           ✨          أبدا لم تتململي          ✨
           ✨يا شمعة دربي يا بلسم الزمان ✨
           ✨     🌹أمي🌹 أمي 🌹أمي   ✨
           ✨      نبض قلبي نبع الحنان      ✨

بدات كتشهق و دموعها مابغاوش إتحبسو هدا حالها ملي كتغنيها تكات براسها على ليدو و كتبكي بحرقة تا وحدة ماتبغي حالتها ما عارفة راسها واش بنت لحلال و لا بنت لحرام و فكلتا لحالتين تخلاو عليها واليديها راه كتحاول تنسى ولكن مستحيل تنسى شعور ديال أنك بلا واليدين و أنك منبودة فهاد لحياة بحال لا عشتي و بحال لا متي كان أكفس شعور تحس بيه لوحدة خصوصا و أنها ديما كتنعس بلا تا رغبة لي تخليها تفيق لغد ليه أي وحدة كتنعس باش لغد ليه تفيق تعيش حاجة أجمل و لكن هادشي ما كينطابقش عليها حياتها عايشاها فواحد روتين ممل لا صحابات لا عائلة ،شخص واحد لي كتملك فحياتها هو أناس
عقدات غوباشتها بتساؤل ملي حسات بليديه كتحرك هزات راسها بشوية بشوية و عويناتها لخضرين مغرغرين بدموع كتبان ليها غير ضبابة مسحات عينيها ببراءة و عودات حلاتهم و شفارها فازگين بدموع و هوب عينيها توسع بؤبؤ ديالهم شي حاجة اسراتها فعينيه سوداء و لحادين مقدراتش تبعد عينيها فالمقابل هو كيحس غير بصداع بحال الى كاين فحمام كيحل عينيه لي مركزين فعينيها و يعاود يسدهم بتعب بشوية تا نزاح بعينيه عليها و خلاها هي مضاربة مع كمية مشاعر لي جاتها دبا و معرفاتش سبب ديالهم

          نظرة......ثم تورط قلبي🔥💘

بدا كيضور عينيه كيحس براسو كيزدح و عظامو واكلين لعصة حنحن بصوتو لي هز قلبها هزة خرى حاول ينطق ولكن كيحس بحلقو ناشف و مجروح
ميلات راسها و صغرات عويناتها ببراءة كتشوف فيه اش ناوي يصنع و كأن زمن توقف عندها نسات فين راها و لا راها طبيبة و هو مريض ياله فاق، ما فاقت من سهوتها تا شافت عينيه لي أسروها تحولو فيساع تا ولاو حمرييين و شرارة ديال غضب خارج منهم ،عقدات حواجبها بتساؤل تا بان ليها بغا ينتر سيروم ديك ساعة شدات فليديه و هي مانعاه وعات على راسها و نطقات بصوت باين فيه خوف
ألاء: واش تصطيتي اش كتحاول دير
سكتات ملي شافتو شاف فيها بواحد نظرة لي كانت عارفة كون صحيح كون قتلها نظرة كفيلة تخليها تخاف مي هي فموقف مكيسمحش ليها بالخوف ابدا راه كيبقا مريض و هي طبيبة ديالو خاصو هو لي يخاف خرجات عينيها تا هيا و نطقات بصوت عالي
ألاء: مالك كتخنزر مكتشوفش فراسك راه نضتي من موت رجع لبلاصتك و نت شاعلة فيك لعافية
سرطات ريقها من نظرة لي دار حولات عينيها لقبضة ليديه لي كان عاسر عليها حولات عوتاني عينيها لألة لي حداه لي كيبينو ان مؤشرات ديالو بدات كترتافع هدا دليل على عصبية ديالو صافي ركبها رعب كيبان ليها هاز حاجب و منزل لاخور كيشوف فيها بحال الى كيقول ليها من نيتك ،عودات سرطات ريقها ملي سمعاتو نطق بصوت باااح و شوية خافت و متقطع إثر لعيا ولكن باين فيه نبرة الغضب
...: شكيت عليك

يتبع...✏️

قمعها الخوت🙂