قصص عراقيه قصيرة

ليت النوايا ترئ 3

كان يجب أن يُكتب على أبواب هذا العالم ،أحذر أن تكون طيبا"🥀

𓇻𓇻𓇻𓇻𓇻𓇻𓇻𓇻𓇻

قراءة ممتعه للجميع

.......

عصر ايديه ضاغط عليهن بين ايديه
جبرني اباوع لعيونه الخضر

شكلتي ..

باوعتله بفهاوه .. هــ...
كطع كلمتي .. والقران ابوسج بس تكملينها  ولاتكولين عيب وحرام .. تدرين مااعترف لابعيب ولابحرام

اريد جواب ...

نزلت عيوني بخجل .. وحجيت بضوجة
اني ماريد ازوج .. واذا ضايجين مني اروح لبيت خالتي ..

فزيت من صاح ..
يااااا بيت خره .. اخليج ترجعين يم رجل خالتج .. الساقط .. جنتي بنيه ومخلصانه منه مو هسه ....

تغير صوته فجئة
حجه بصوت دافي ..  ليش متردين تزوجين
ترة مو كل الزلم نفس احمد الله يرحمه

لا اني  ممعترضه علئ الزواج بس..

بس شنو اعتراضج عليَ ..?

سكتت مجاوبت .. احتراماً لمشاعرة 
شلون أكله اخاف منه شلون اصارحة اني مااتحمل قساوته گلبي يريد دفو يريد احد يحتويني بحنانه
مو يخوفني بلضرب واعيش مهددة
اخاف اسوي شي ميرضه عليه  وانضرب
اني انسانه محطمة حياتي انتهت بموت بنتي
وابو بنتي ..  اريد من يعوضني مكانهم وينسيني
كل حزني وهمي ..
ومااعتقد انو هو الشخص الصح

...
عصر ايديه قوي .. متحجين ليش سكتي
حاولت اسحبهن  عصرهن أكثر  صارن حمر
من الضغط .. ..

سكوتج  يموتني تدرين .. اني انسان صريح
مااحب اخفي شي عن المقابل
والي احبه اكله احبك والي اكره هم اكله
واني هذا اكلج اريدج .. يلكائنات
اريدج تصيرين حلالي

عضيت شفتي بألم .. ...
وغمضت عيوني ..  احس جفوف ايديه خدرن
من الوجع ..

ءءااايـ ..يـ ..دي

استوعب علئ نفسه ..
وعافهن كبل .. افتهم اني مو زوجتي
ومااستحمل هيج قوة ..
عيونه جان بيهن خوف

ضليت افركهن وحدة بلثانيه
طبع احمر بيهن ...

اسف مقصدي .. بس نرفزتيني ..

يعني اذا انرفزك بيوم راح تضربني ..

اكطعهااااا.. ...