فرحانة ! عن جد في أشياء بتفرح.. وانا رح أقول لكم ليش عشان تفرحوا زيي.. سنة ال٢٠٠٦ .. زبونة عندي صحبة انا معاها.. قالت لي بدها تتكفل بتعليم شاب بالجامعة .. بتعرفي حدا شاطر وبيستاهل؟؟؟ ووضعه المادي تعبان! .. الموضوع كان جد .. وانا اللي أعرفهم حتى لو شاطرين بس مقتدرين.. او ميسوري الحال.. سبحان الله .. خطر على بالي مندوب واحد . ما حكيت غير له.. اذا بيعرف حدا هيك ظروفه.. كنت وما زلت صحبة معه وأثق برأيه.. مع انه ما كان مندوب منطقتي وقتها بس كان يمر يسلم لما يكون بالمنطقة.. المهم هو اللي بعث أوراق وشهادة شاب عندهم بالحارة.. بيعرف ابوه وضعه المادي مش بزيادة وإخوانه مش شاطرين بس هالولد جايب بالتوجيهي ٩٣. ونفسه يصير مهندس.. !! اختصر القصة عليكم ، قبل شوي بعث لي المندوب صورة الشاب وبيقول لي تخرج ماجستير هندسة !! مزبوط انا ما عملت اشي .. بس انا والمندوب فرحانين فيه .. لانه بيض وجهنا .. سبحان الله كيف الله بيسخر ناس لناس.. الست تكفلت بتعليمه.. نفس السنة اللي تخرج حكم توجيهي . دخلوا سوا الجامعة.. كان يبعث علاماته للست عالصيدلية وتاخدهم وهي فرحانة لانه كان مثابر ومن الأوائل.. مش معقول قديش انا فرحانة.. هلاك كل النهار دوام لأنه ما عندي حدا المساء وسكرت متأخر .. لما روحت ولقيت هيك مسج ، اختفى كل تعبي .. الله يبارك لها هالست .. طولت بالها كتير عليه.. الموضوع ما كان سهل .. الله يجزيها كل خير .. #الدنيا_لسة_بخير
#يوميات_صيدلانية..
