ميهاب : اتصل تلفوني..... الوو
باسم : الو السلام عليكم
ميهاب : وعليكم السلام تفضل
باسم : انته اخو جعفر؟
ميهاب : نعم تفضل
باسم : شو جعفر مختفي وينه
ميهاب : لا حبيبي موجود
باسم : والله اني اجيت اكلك اني اطلبه فلوس وخل يرجعهن الي
ميهاب : يمكن غلطان بالرقم
باسم : لا انته ميهاب اخو جعفر كله يرجعهن تره يصير شي ما يعجبك الله وياك
ميهاب : سد الاتصال بوجهي شو يهدد اني أعلمك جعفر
رجعت للبيت السلام عليكم ..... الكل وعليكم السلام
سجاد : هلا مهيوبي
ميهاب : هلا بيك حبيبي جعفر وين؟
سجاد : طالع ليش
ميهاب : اذا اجه خل يصعدلي بالغرفه
سجاد : تدلل حبيبي مهيوبي
ميهاب : ابوي وين
سجاد : اكلك شو تسئلني شعرفني وين تحجي صدك
ميهاب : نعم شنو كلت؟؟
سجاد : شبيك ما تتحمل شقه ابوي طالع عنده عزيمه يمكن باليل يرجع
ميهاب : تمام اني راح انام لا تكعدوني
سجاد : واذا اجه جعفر؟
ميهاب : اي كعدني عندي حجي وياه يلا اترخص
سجاد : تمام مرخوص حبيبي
ميهاب : منو هاذا وليش جعفر اخذ منه فلوس الحمدلله الله رازقنه لعد ليش اخذ فلوس وهاذا منو حتى يهدد بسيطه جعفر...... دخلت اسبح وطلعت اندك الباب
ميهاب : منو
جعفر : اني جعفر ادخل؟
ميهاب : تفضل
جعفر : سمعت تريدني تفضل خويه؟
ميهاب : زاد فضلك تفضل اكعد عندي حجي وياك
جعفر : احجي شعندك
ميهاب : راح احجي وياك لا تلف ودر احجي بدون جذب تعرف هواي اكره الي يجذبون
جعفر : احجي. ما اجذب عليك
ميهاب : منو باسم؟؟
جعفر : يا باسم
ميهاب : الي يطلبك فلوس؟
جعفر : هاا........ لا يا باسم اصلا ما عندي صديق اسمه باسم ولا احد يطلبني فلوس
ميهاب : حلوو يلا تفضل
جعفر : الله وياك
ميهاب : جعفر ليش تلف ودر اني اعلمك لنشوف وين توصل وياك رحت بدلت وطلعت اتصلت على باسم ......
____________________
زهراء : دا نمشي اني وروائ بس بالي يم تبارك شلون راح تعيش وياه واحد وحش شلون راح تترك الجامعه الله يساعدج تبارك
روائ : هاا عيناي وين شارده
زهراء : دا افكر بتبارك
روائ : راح ترجع للجامعه
زهراء : عود صدك لج هاذا يوسف فد واحد نذل
روائ : اكلج هاي الفتره باسم مو على بعضه تخیلي يمد ايده علي
زهراء : عزااا لج باسم حباب
روائ : فعلا باسم حباب بس مدري شبي تغير لازم عنده شغله
زهراء : بدت المحاضره امشي لا يطردنه الدكتور
روائ : بعدج تذكرين من طردج هههههههههههه
زهراء : طحن خواطر
روائ : كملنه المحاضره وطلعنه رجعت للبيت تعبانه كبل نمت......
جنت نايمه سمعت الباب اندك
زينب : روري بنتي كعدي صار العصر
روائ : هياني امي اجيت،،،،،،، طلعت اغسل شفت باسم يضم شي بالكنتور
روائ : باسم شداتسوي
باسم : طلعي برررره شلون ادخلین بدون ما تستئذنين
روائ : التفت علي مصدوم وضل يغلط طلعت بره هاذا شبي باسم ليش هيج يحجي اني لازم اكول لبوي حتى دراسته عافها فززتني امي
زينب : وين صافن الحلو
روائ : امي جوعانه اريد اكل
زينب : عيوني تدللين
روائ : رحت اساعد امي بالاكل،،،،،، اكلج ماما شبي باسم ليش تصرفاته غريبه
زينب : عزااا ولج شبي اخوج
روائ : امي ما بي شي بس دا تلاحضين تصرفاته لا مبالا بيها
زينب : اي يمه هم لاحضت بس شسويله هوه يرد راسه يابس
روائ : اكلج شفته لازم جنطه ما اعرف شنو بيها
زينب : دكت على صدرها صخامم شنو من جنطه
روائ : شبيج حبيبتي اهدي شعرفني شبيها اصلا كلي لا دكولين لبوي تعرفين حتى ضربني
زينب : ولج شبي اخوج كله بسبب اصدقاء كتله عوفهم يجروك لغير طريق
روائ : تعرفين شيي؟؟
زينب : لا بنتي بس مره اجوي هنا اصدقاء فلا ارتاحيتلهم
روائ : لازم نكول لبابا لان باسم حيل متغير
احمد : الله بالخير يابه شنو دكلولي
روائ : لتفتنه وشفنه ابوي...
زينب : هلا بيك روح اكعد وهسه نجي نحجيلك
روائ : طلع ابوي لزمتني امي من ايدي
زينب : لا تحجين اي شي لبوج افتهمتي وباسم اني اعلمه
روائ : بس امي لازم ابوي يعرف
باسم شيعرف؟؟..
هلو عيناي اعتذر عن التأخیر بس حاليا فتره امتحانات وانشالله اعوضكم بالبارتات الجايه
أنت تقرأ
في ضلام الميهاب
Romanceبنت صغيره جميله عاشت طفوله تعيسئ بسبب العادات والتقاليد هل يمكن ان تتخلص من ضلام الميهاب هلوو اني كاتبه جديده اسمي رقيه علي انشالله تحبون الروايه لان كلش حلوه وهاا تره الروايه حقيقية
