SINO SIYA?
Ako'y naglalakad ng nakilala ko siya
Tulala, wala sa sarili, ako'y parang sira
Hindi ko din alam kung bakit na lang bigla
Ako ay natauhan at naging masaya.
Kay daming pinagdaanan bago ko siya nakita
Siya na hindi ko lubos na inakala
Sa aking buhay magbibigay ng wagas na ligaya
Kahit nakaranas ng masasamang alaala.
Ngunit hindi inaasahan ako ay nagbago
Nawala sa wisyo, nakalimot ng todo
Lumakad mga-isa sa daang di totoo
Mga katotohanang itinuro bigla na lang naglaho.
Ngunit di kayang mabuhay na siya ay malayo
Ako'y bumalik at tinanggap niya ko ng buo
Ibibigay ang aking buhay, ito'y isang pangako
At ito'y kailanman di na mapapako.
Bago matapos ang tulang ginawa ko,
Nais ko siyang ipakilala sa inyo
Siya nga pala si Hesukristo
Ang dakilang Panginoon ko.
