متاهة مريم

البارت السادس عشر

#متاهة_مريم

البارت _16_

للكاتبة: زينب طالب

انستا  z_z1999.z

‏"إن الله يَعتني بقلبك نبضةً نبضة، فأطمئِن".

....................

عذراء

من سمعت كلمه عمتي ردت اموت گمت منهم قبل لا افضح نفسي دخلت شمرت نفسي عالچربايه واشهگ من كل گلبي شنوو يعني راح يعوفني ويزووج يعني بعد مالي حق حته اباوع عليه يصير ملك غيري ويجوز يطلع من البيت لا لا مااگدر اتحمل ليش هيچ يصير بيه من شوكت حبيته شلوون سمحت لنفسي بهذا الشي اخخخ ساعدني يارب مالي غيرك.. دخلت وسن تصيح

وسن:ولچ عذراء وينچ موصار شگدد اصيح عليچ يا عذراء شمالچ خية شو باوعيلي ياگاعد تبچين صخام بوجهي منو وياچ عليش البچي

_ماگدرت اضم عليهه وچنت محتاجه لحضن دافي ومريم موهنا شمرت نفسي بحضنهه وبقيت ابچي من كل خاطري هيه ماحچت بس تمسح عله راسي لحدما ارتاحيت ورفعت راسي. باوعتلي وحچت

وسن:احچيلي ليش تبچين ولاتجذين عليه لان سالفتچ مو خاليه يله گولي

_حچيت بدون تردد احب جهاد

وسن:يا يمه صدگ ولچ من شوكت هالحچي

_مااعرف بس اكتشفت احبه هواية

وسن:ولچ وينچ ويين الحب بعدچ زغيره وراچ عمرى طويل ويتغير تفكيرچ

_شوف منو تنصح هسه انتي تغير تفكيرچ

وسن:لاوالله بس راح تعبيين كلش هواي واحتمال اشوفي يعرس گدام عينچ

_گليلي شسوي شلوون خاف عمتي تخطبله

وسن:اي والله تخطبله گالت الولد ماعنده
مانع  بس بعدد تحاچي جدي ويتفقوون

_يجوز اهل لبنيه يرفضوون

وسن:وليش يرفضوون يمه يلگون احسن من جهاد اشو يخبل مال وجمال واخلاق وشهاده ماناقصه شي واهم شي يعرف ربه ويخافه بعد عليش يرفضوون بالعكسس يكيفوون

_لا والله ماسمح بهذا الشي اني مو مثلچ وهسه اشوفيين شسوي ...

مريم

بالليل حضرت الجنط وكلشي نحتاجه وسافرنه ثاني يوم بعدد ماودعت اخواني وصيتهم عله نفسهم وصلانه احمد للمطار. وراح  اول مره اصعدد طياره لزمت ايدد هيثم من الخوف ونطلقنه ماطولنه بسرعه وصلنه نزلنه اجرنه فندق بس بدلنه ملابسنه نمنه للضهر يله گعدنه دخلت سبحت وطلعت لگيته گاعد حچه

هيثم:نعيما

_شكرا..يله گوم اسبح  علمود نصلي سوه

هيثم:يله هسه مااتأخر علمود نطلع نتغده لان جعت كلش

_ماشي راح احضر ملابسي هز راسه ودخل للحمام واني حضرت هدومي وفرشت مصلايتي جايبتهه وياي طلع من الحمام صلينه سوه واخذت هدومي ودخلت ابدل بالحمام استحي گدامه ابدل كملت وطلعت لكيته واگف يمشط لابس بنطروون اسود وقميص سمائي وحذاء سوده واني چنت لابسه فستان لون ابيض وبي ورد احمر كلش حلوو لفيت الشال ولبست الحذاء واخذ ايدي وطلعنه سوه.رحنه تغدينه بمطعم بعدين اخذني للمول فترينه. شتريت هواي شغلات الي ولخواني وگعدنه بمكان طلب عصير لان مو وكت غده چانت الدنيا عصر گاعدين نشرب بدون كلام واباوع عالعالم شلون متونسن والاجواء حلوه قطع الصمت وهوه يگول