"وسَأبقىٰ أرفُضَ الجميعَ إلا أَن يأتَي هو".
-تـاني
_وتـالت ورابع وعشرين، يابنتي حرام عليڪي مستڪتره عليا الفرحه دايمًا
-يــاربي!!! هو مـوال ڪل عريس أنـا عارفه، ماما لوسمحتي أتفضلي دلوقتي علشان هلبس..
_هتفضل حاضر، أما نشوف أخرتهَا معاڪي يا"وعد"!!
روحت نايحة الدولاب:وربنا هو الفستان الأسود بتاع ڪل مره والطرحه الـ...أي ده هي مش موجوده ڪمان، تمام بلاهـا الطرحه دي، أڪيد في ألوان تانيه...
فين فين...أهي والله مافهمالك لون بس تمام مايضُرشَ، الرحمه يـــارب!!.
------
-خودي العصير و....أتلفتت وشافتني فشهقت ڪالعاده
-برده الفستان ده برده؟؟
مديت أيدي وخدت صنية العصير:ماما هاتي العصير وسلام عليڪم بقىٰ
-يا بنتي ...
_عارفه سيناريو ڪل مره حفظتوا، هبص في الأرض هقدم العصير لأهل العريس وبعد ڪده العريس، هبتسم وأنا بقدم، وأجاوب على قد السؤال ولو عليڪي تخليني ما أجاوبش أصلاً، تمام ڪده ياست الڪل؟؟
سڪتت وماردتش فخدت الصينيه:يبقى تمام..
-----
خرجوا وقعدت نفس قعدت ڪل مره ترقبت لبسه وهيئته، بدله سوداء شعر أسود، أمممم مش بطال لڪن أي القرف ده حظاظه وڪمان عليها حرف"E"الحلو شڪله مرتبط!!
أتنحنح وأتڪلم:ماتقولي مش موافقه وبلاهه جو التعارف ده!!
أنـا ردت فعلهُ صدمتني بس تلافيت الصدمه وضحڪت:هو البعيد مغصوب ولا أي؟؟
-والله حاجه زي ڪده!!
_بس مش لازم برده تڪون وفَيّ لإيمان وماڪنتش تيجي مِن الأول؟؟
-وأنتِ عرفتي منين إسمها؟؟
_ابتسمت وشاورت على إيده:إسوار الڪابلز هياڪل من إيدك حته!!
قومت وقفت:ڪده ڪده يا بن الناس أنـا ما ڪنتش موافقه، ياريت ماتتقدمش لحد طالما قلبك مع حد تاني!!.
سيبته وخرجت ليهم وقفوا ڪلهم ڪده ببشاير ڪأني هوافق ونظرات ماما القاتـله ليا عديت من جمب ولدته وقولتلها:جَـوزي اللي بيحبها وماتغصبهوش على حد علشان هيڪون حرام عليڪي!!
-----
-وهو ده اللي حصل
فضلت تضحك:والله أنتِ بيجيلك مصايب مش عرسان
-أعمل أي بقى أهي مقابله وبتعدي حاجه تخنق..
_وهتفضلي ترفضي لأمتى؟؟
-لحد مايجي اللي أنـا عايزه
_اااااه اللي أنتِ عايزه قولتيلي بقى اللي أنتِ عايزه؟؟
-مالك يا"سهيله"وقعتي على ودنك النهارده؟؟
_لأ بس هو مين اللي دڪتور"وعد"عايزه بس علشان مش عارفه؟؟
اتنهدت:والله شخص مختلف مميز، ليه ڪاريزما ڪده، بيحب القرايه والخيال، بيحبَ الڪارتون وبيتر بان، بيحب المشي بليل على الڪورنيش، بيحب العجل والسفر، المغامره، بيحب الضحك اللعب والهزار، جد في شغله ومش أي حد يقرب منه ولايعرف شخصيته غامض ڪده، يڪون طموح عنده أمل في بڪره، اليأس مش في قاموسه، يڪون حنين بس لي شخصيه، إبتسامته هاديه وعيونهَ ملفته، شعره فوضاوي لڪن مش شبه سلك المواعين اللي بنوشفه ده، وفي وسط ڪل الصفات دي، يڪون بيحبني، يشارڪني تفاصيلي الصغيره، لما أتصل بي الساعه تلاته بليل علشان أفتڪرت حاجه مزعلاني من سنه يصحىٰ ويتناقش معايا فيها، يڪون ليّنَ في الخصام، ومايهونش علي زعلي، يڪون سندَ لي في حياتي وحلمي وهدفي، يڪون يڪون فعلاً بيحبني..
خلصت ڪلام حسيتني دمعت وأنـا بتڪلم عن حد...عن حد مش موجود أو موجود بس مش معايا هنا!!
_عارفه يا"وعد"؟؟
-ماذا؟
_ڪل بنت نفسها في شخص صفاتـه ڪده بتبقى عامله حاجه مثاليه في دماغها ومش عايزاها تتغير، رغم إنه ده غلط، إحنا مش مثاليين ولا هنلاقي حد مثالي، ممڪن تلاقي بعض الصفات لڪن ڪلها صعب، إحنا لازم يڪون فينا ڪسور وخدوش، حاجات ڪتير مش مترتبه، وبنبقى محتاجين حد يرتبهلنا، فعلشان ڪده بقولك سيبي فرصه لنفسك تجرب، مش ڪل واحد يجي ترفضي من مره، إحنا بنڪتشف الناس ونعرف طباعهم من ڪذا مقابله، مش من أول مقابله نحڪم عليه، زي مثلاً في ڪام ڪتاب قرأتي وحسيتي البدايه بتاعته ممله ورتيبه، وبعد شويه أبتديتي تنجذبي أڪتر لحد ماحبيتي، البشر برده ڪده فلازم تدي فرصه لنفسك ولغيرك إنه يثبتلك إنه مش ڪتاب ممل ولاتقليدي، وإنه فيه روايه مميزه هتڪتشفيها فيما بعد.
-----
-يمڪن"سهيله"ڪلامها صح نجرب المره دي
لبست وناويت أغير الدريس وأخلي سيلڤر ڪده والطرحه أخترتها لون الدريس برده، وأهتميت زياده عن اللزوم وحطيت ليب جلوس، يلا أبسطوا بقى وخدت بعضي وروحت المطبخ لأمي العزيزه..
_العصير أه..أي غيرتي الفستان أخيرًا!!
-أهو أي خدمه ياستي، أنبسطَي بقى.
_ربنا يفرح قلبك يابنتي ويفرحني.
-آمين يا أمي، معرفش مال الأمهات ڪلها عايزه تمشي بناتها لي؟، ده أنتِ شيلتيني تسع شهور ياحجه برده، تهون عليڪي العشره؟؟
_تهون ياحبيبتي تهون!!
----
قدمت العصير ليهم ونفس السيناريو خرجوا وسابونـا لسه هرفع عيني علشان أبصله لقيته بيقول
_مبدأيًا ڪده مش مع طموح المرآه والڪلام الفاضي ده..
أنـا من وقع الڪلمات على ودني قولت أڪيد أڪيد أنا ماسمعتش ڪويس..
-أفندم!! حضرتك بتقول أي!!
أتعدل ڪده وبصيت لملامحه وهيئته لأ صارم بشڪل ومش صارم وبس ده بصورم ڪمان..
_أنـا مش مع طموح المرآه ولا الشغل والڪلام الفاضي ده، تقعدي في بيتك ملڪه اللي تطلبي يجيلك شغل لأ..
رديت عليه بڪل برود:والله وأنا سيندريلا في نفسي أوووي!!
_يعني أي؟؟
قومت وقفت:يعني طموح وتيجي بالسلامه يا أستاذ، وياريت ماتجيش خالص وسيبته ومشيت..
----
للمرةِ التي لا أعلم عددها رفضت العريس، قولت هديني فرصه وهديلوا فرصه، لڪن طلعت غلطانه إني سمعت ڪلام"سهيله"من أساسهُ، يعني أي مافيش طموح ومافيش شغل؟؟أومال أنا بدرس وطالع عيني لي في ديه جامعه بيسقطونا أڪتر مابينجحونا، هو أنا غاويه فقعت مراره يعني!!! أستغفر الله العظيم يارب...
----
-وبس ياستي..
ڪالعاده بتضحك وڪالعاده بتدي في نصايح والله الواحد زهق من دي عيشه.
