كل الامان في حُبك وكل الاماني قربك

B 17

ف الاستراحه عند العيال :
ذياب : اقلطوا العشاء العشاء
جلسوا العيال كلهم ياكلون مع سوالف و ضحك و وناسه
الساعه 3:30
ذياب : يالله يخواني استإذنكم
حسين : بدري
ذياب : والله عاد وراءنا مشوار
زيد ضحك وقال : الحق الحق على المدام يلا
ذياب : انتبهوا لنفسكم
طلع ذياب و ركب للسيارة فتح الدريشه و كان حاط السيجاره على طرف شفايفه رفع جوالها يعلم جوهرته انا جاي
وعند الجوهره الي فزت على جوالها الي يرن ردت عليه
ذياب : ارحبي ي جوهرتي
ابتسمت الجوهره : البقى البقى
ذياب : جايس هاه جهزي نفسس
الجوهره : تمام ، انتبه هاه
ضحك ذياب وقال : ابشري منعيوني
الجوهره : تسلم لي عيونك ي حبيبي
ذياب : يالله عيوني
*
وعند البنات ب الصاله
نيلان : ودددد اصحي اصحييي
ريفان : وش فييتس انتي خليها نايمه
نيلان : ترا خواني جوو بسرعه
ود وهي تهمهم : هممم
نيلان بعصبيه : قومي قامت عليس القيامه
ضحكت بيان وقالت : استغفرالله استغفرالله هدي
ود فزت و فتحت عيونها بِتعب : ويش
ريفان : صقر جااء يلا عجلي
ود : تمام تمام
دخلت عليهم اميره وهي تضحك
الجوهره : وش فيس انتي بعد
اميره : بياني ترا خليف جاء
فزت بيان و نطت على طول الصاله تستقبله
اميره : جوجو ع وين
الجوهره : على وين بعد للبيت
ضحكت اميره وقالت : نفسيات وش فيكم
نيلان دخلت وهي تصارخ بعصبيه على ود الي رجعت تنام : وود الله ياخذ عقلس ققوووممييي
اميره همست بهدوء وقالت : دامها نايمه خليها عادي !
محد غريب بنات خوالها نحن
نيلان : تمام الصبح بيجي صقير لها تم؟
اميره : تم
ريفان : يلا حبايبي مع السلامة
الجوهره : ف امان الله
و عند بيان الي واقفه ف الصاله منتظره خلف بفارغ الصبر يدخل
نيلان : بيان يلا سلاام
بيان : نييلوو حياتي يلا سلام و لا تسحبين علينا
ضحكت وقالت : ان شاء الله
خرجت نيلان و دخل خلف بعدها
فزت بيان من شافته يدخل و اهتز قلبها م تحملت شوقها له !!!!
ضحك خلف من شافها عند الباب منتظرته : وش فيس يقلبي وش فيس صاحيه للحين
فزت بيان و ضمته بقوه وخوفاََ عليه : اهه م تدري وش كثر خفتتت عليك
شدها خلف عليه : طيب هذاني هنا م صار لي شي
وخرت بيان منه وهي تحاول تشوف يده الي كان خافيها داخل الفروه عشان لا يخوفها عليه
بيان : اشوف يدك
خلف : م فيها شي يدي لا تحاتين
بيان : اشووف طيب
خلف ابتسم بحنيه وهو يشوف خوفها عليه : قلت لس م فيها شي م تصدقيني !
بيان : طيب يوجعك ؟
خلف : لا ي نظر عيني كلها جرح خفيف م صار شي
بيان : دامك تقول كذا اجل بشوف فوق
ضحك خلف وقال : يصير خير
بيان : يلا رح رح الغرفه
خلف : وانتي على وين ؟
بيان : بجيب سيوف و بجي
خلف : زين
طلع خلف مسرع للغرفه ياخذ لش شور و يبدل ملابسه
و بيان دخلت للمجلس عند البنات تاخذ سيف و أغراضه : يلا بنات طالعه انا
الجوهره : تمام حبيبي انتبهي لنفسس
بيان : ان شاء الله وانتي بعد
طلعت بيان و دخلت للغرفه وهي ماسكه سيف ف حضنها و دخلت للغرفه جلست تلفلف في ملابس النوم
و اخذت لها بجامة نوم خفيفه لونها وردي و جلست مسحت مكياجها و بدلت ل سيف ملابسه و جلست تفرفر ب الجوال
طلع خلف من الحمام ( يُكرم القارئ )
دخل بدل ملابسه و طلع يدخل الغرفه ابتسم وهو يشوف بيان و سيف نايمين بِتعب قرب للسرير باسها على رأسها بِحُب و حط راسه و نام
-
وعند الجوهره و ذياب فـ البيت
ذياب : اسمعي بكره انا رايح للشغل و بوديس عند اهلي
الجوهره : طيب ، هاه وش سويتوا اشوفكم مستانسين اليوم
ضحك ذياب وقال : ايه بالله مستانسين
الجوهره : جعله دوم يارب
ذياب : اسمعي بطلع انام تسهرين انتي ولا ؟
الجوهره : لا شويات وجايه
ذياب : تمام
-
و فبيت ابو صقر
صقر : صبر فيه احد ناقص
إياد : ايه ود م جت
ام صقر : ليه أن شاء الله م جت
ريفان : والله ي يمه م تبي تقوم بنتس ال مخبوله
اسامه : ابك خلاص خلها تنام جعله العافيه
صقر : يالله يميمتي بروح انام تامرين على شي؟
ام صقر : لا يوليدي
اسامه : وانا طالع
قرصت نيلان اسامه على يده وقالت بهمس : اصبر بنسهرر حنا
قطب حاجبه و ضحك : شرايس نأجلها والله نعسان
نيلان : تصدق والله حتنا يلا امشي بس
ام صقر : وش عندكم انتم هااه
اسامه : ابد سلامتس
طلع مسرع لغرفته وكل واحد راح دربه و نام
-
اليوم الثاني و تحديداََ فبيت ابو محمد
اريام : حموودد وينكك
محمد : وش فيسسس من اليوم حمود و حمود
اريام : اسرع نبي نلحق على الناس
راكان : اصبري الصبر مفتاح الفرج
ضحكت اريام وقالت : م عرفتك ي ركيّن !
راكان : وجع أن شاء الله وشو ركيّن اهجدي
ضحك محمد وقال : معوض يخوك
أريام : اهه بس فاتني جمعة البنات امس
محمد : وين تبيني اوصلس
اريام : بيت ديم
محمد : م قصرتي مره وحده امر على فيصل و حسين
راكان : وين رايحين
محمد : الاستراحه وين بعد !
اريام : حمود شكله اخوياك هكروك صرت م تحب تسافر اربع و عشرين ساعه مخاويهم
محمد : لقيت شي أفضل من السفر ههههههههههههههههههههههههههههههههههههههههههههههههههههههه
دخلت ام محمد ابتسمت وهي تشوف عيالها مجتمعين مع بعض و يضحكون : هاه متجمعين
محمد : ناقصنا انتي اجلسي يمه
ام محمد : والله وراءي شغل خلني اخلصه
ضرب محمد اريام على ظهرها وقال : قومي ساعديها
ام محمد : محمد ! ويش الفعل هذا لا تضربها انا قلت لها تجلس
ضحكت اريام وقالت : هيهيهي تسمع
راكان : يشينس شينااه
اريام : يمه متى تزوجيهم و نفتك
ام محمد : كذا ولا كذا موجودين هنا
محمد ضحك وقال : يالله راكانووو دورك جاي
ام محمد : وانت دورك جاي اصبر بس
زفر محمد بضيق وقال : يمه تكفين خلتس مني ركزي ف موضوع اريام و راكان !
ام محمد : حمود ي وليدي ليه م ترجع لها يمكن الله يرزقكم ليه تسذا فاقد الأمل
محمد : ارجع منو !!
ام محمد : روضه منو بعد
محمد : يمه الله يهداس ارجعها ويش صادزه انتي !!
اريام : ايه صادزه شفيها رجعها البنت من بعدك م تزوجت
ام محمد : وانا ادري انك تحبها ي محمد
محمد : يمه انا م قلت لس م احبها بس
قاطعته امه : بس شنو بس رجعها و يصير خير خلها على ربك و ان شاء الله جايكم عيالكم
راكان : حمود احسن لك والله ! تبي تقضي عمرك لحالك
محمد : طيب يمه انتي شوفي أهلها ! يمكن البنت انحجزت خلاص
ام محمد : اخيراََ اقتنعت م بغيناا
اريام : يمه شرايس نروح لبيتهم و نشوف الوضع كيف
ام محمد : والله فكره بس خليني اشوف احد يجي معنا
اريام : يمه كلمي خالتي ام فهد ولا ام عبدالرحمن
ام محمد : طيب بشوفهم
اريام : طيب وانا رايحه عند ديوم
ام محمد : تمام انتبهي لنفسس
خرجت اريام من الصاله و رفعت ام محمد جوالها تكلم ام فهد
ام محمد : السلام عليكم
ام فهد : عليكم السلام هلا وغلا
ام محمد : هلا فيس ي حبيبتي
ام فهد : ان شاء الله خير ؟
ام محمد : فاضيين ؟
ام فهد : ايه ليه
ام محمد : اسمعي انا رايحه لبيت ابو ضاري
ام فهد : وش تسوين عندهم مو عساس طليقة ولدس هناك
ام محمد : نبي نرجع البنت لـ محمد ولدي بنشوف البنت أنحجزت ولا لا و م يصير اروح لحالي
ام فهد : ازهليها انا اجي معتس
ام محمد : اجل تم
ام فهد : مع من نروح ؟
ام محمد : والله مدري انتي شوفي احد من العيال عندس عيالي توهم طلعوا
ام فهد : تمام
طلعت ام فهد الغرفه تتجهز و صادفت ابو فهد الي جالس ب الكرسي يطقطق بـجواله : ي مشاري
ابو فهد : لبيه ؟
ام فهد : اسمع انا طالعه مع ام محمد شويات و بنجي
ابو فهد : وين رايحين
ام فهد جلست و شرحت له السالفه
ابو فهد : اها ان شاء الله خير
ام فهد : ان شاء الله
ابو فهد : مع من بتروحين
ام فهد : بشوف احد من العيال الي هنا
ابو فهد : طيب
لبست ام فهد و خلصت تجهيز و اتصلت على ام محمد : جاهزه
ام محمد : ايه
ام فهد : طيب جايين
نزلت ام فهد للصاله تشوف اذا احد موجود ولا لا
ام خلف : وش تدورين
ام فهد : وين العيال
ام خلف : طلعوا الاستراحه ليه
ام فهد شهقت بصدمه : بذمتسس
ام خلف ضحكت وقالت : ايه والله ليه
ام فهد : بروح عند ام محمد اهه يراسي
ام خلف : اصبري بشوف خليف موجود ولا لا
ام فهد : طيب عجلي
طلعت ام خلف مسرعه الطابق العلوي و دقت الباب على غرفة خلف و بيان و فتحت بيان الباب : هلا خاله عسى ما شر
ام خلف : هلا فيتس ي بنيتي بسألس خلف موجود؟
بيان : ايه
ام خلف : خليه ينزل بسرعه طيب
بيان بتعجب : طيب
نزلت ام خلف و دخلت بيان الغرفه : خلفف
خلف : أمري يعيون خلف
ابتسمت بيان وقالت : خالتي تبيك تحت بسرعه
قام خلف من الكرسي و قام يعدل نفسه كان لابس ( بلوفر و بنطلون لونهم بيجي و حذيان لونهم ابيض )
نزل من الدرجه مسرع و صادف اميره و ريهام ب الصاله قال بصوته الجهوري : طرريقق
فزت ريهام و لبست طرحتها على رأسها و اميره لفت عليه و اندهشت وهي نادراََ تشوف خلف على ذي ال ستايلات الي في عينها كشخه !!
اميره : اوف ي خليف وش ذا الزين
ضحك خلف وقال : وين أمي ؟؟
اميره : ب الصاله الثانيه
راح خلف مسرع لعندهم وقال : سمي يمه
ام فهد : انا الي ابيك ي يمه تاخذني أمر على ام محمد و تنزلنا لبيت ابو ضاري
قطب حواجبه : ابو ضاري ! وش تسوون عندهم
ام فهد : سالفه طويله بعدين اعلمكم ودني بسرعه طولنا ع الحرمه
خلف : طيب ي خاله بس ثواني بروح اجيب مفاتيح السياره
ام فهد : طيب بسرعه
طلع خلف بسرعه لفوق ياخذ مفتاح السياره
بيان : شصار
خلف : بعدين ياعيني اعلمس
طلع و راح فتح السياره و اخذ خالته و ام محمد و نزلهم لعند بيت ابو ضاري
-
وفبيت ذياب و الجوهره
ذياب : جوهره وينس
الجوهره : هناا هنا
ذياب : خلصتي ؟ رايحين لأهلي يلاا
الجوهره : ايه ايه خلصت مشينا
ركبوا للسياره ..
ذياب : اسمعي اقولتس شي بس لا تنصدمين
الجوهره : هاه وشو
ذياب : اسمعي احتمال اروح اسبوعين للكويت
شهقت الجوهره بصدمه وقالت : وشووو وليه ان شاء الله
ذياب : بسم الله عليس بشويش بشويش ، عندنا شغل هناك وتراني مب لحالي رايح معاي خلف و اغلب اخويانا الي ب الشركه ضروري ترا مب لعب
الجوهره : ذياب اسبوعين من جدك انت
ذياب : ايه بالله اسبوعين شنسوي
الجوهره : طيب بيان تدري ان خلف رايح ؟
ذياب : والله مدري بس م ظنتي علمها
الجوهره : طيب طيب بعدين نتفاهم على ذي السالفه
ضحك ذياب وقال : ان شاء الله أن شاء الله
نزلت الجوهره عند اهل ذياب
-
وفبيت ابو ضاري
ام ضاري : والله الي مرحبا ومسهلا
ام فهد : مرحبا بتس
ام ضاري : حياكم حياكم
دخلوا للمجلس يسولفون و يتقهون و غيره
ام محمد : اسمعي ي ام ضاري بفاتحس ب الموضوع بدون مقدمات
ام ضاري : عسى ما شر
ام فهد : نبي نرجع بنتكم روضه لولدنا محمد
ام ضاري : منجدكم !!
ام محمد : لايكون البنت راحت علينا
ام ضاري : لا والله أبركها من ساعه
ام محمد : يعني موافقين؟
ام ضاري : م اوعدس بشي بس نشوف البنت و نعطيكم العلم
ام محمد : طيب بس م نبي أعراس و زحمه طيب و يكون بيننا
ام ضاري : ان شاء الله
نزلت دموع روضه الي كانت واقفه عند الباب تسمع وهي كلها ولهانه على محمد و الشوق مليون صار لها سنين م شافته بعد طلاقهم ! تطلقت غصب عنها وهي تحبه و ماصدقت يجي اليوم الي يرجعون لبعض
كتمت شهقاتها بصعوبه و طلعت لغرفتها و انهارت ، رفعت جوالها تكلم غاده ( اخت ذياب سبق و تعرفنا عليها ، تكون أقرب شخص لـ روضه ) ردت غاده وقالت : هلا والله روضتييي
روضه وهي تحاول تكتم شهقاتها و صياحها : البقى ، فاضيه ؟؟
غيداء : ليه عسى ماشر
روضه : تكفين غدو تعالي لي تكفين
غيداء : روضه !!!! شفيسس
روضه : بتجين ولا
غيداء : والله الحين مقدر تو زوجة اخوي وصلت
طفت روضه المكالمه و اتصلت على رقيه ثاني خوياتها الأقرب من بعد غاده : رقييهه
رقيه : بسم الله وش فيك
روضه : رقيه تكفين إذا فاضيه تعالي لبيتي تكفين
رقيه : ابشري ابشري
طفت روضه جوالها و انهارت في فراشها تصيح مو مستوعبه هي في حلم ولا علم
دقايق و تجيها رقيه الي فتحت الباب بِرُعب و خوف على روضه : روضهه وش فيكك بسم الله عليك يعيوني
ضمتها روضه و انهارت صياح : اهه ي رقيه اهه
رقيه : وش فيس بسم الله علميني
روضه : تخيلي اهل محمد تحت !
رقيه : منهو محمد ، لايكون اخو اريام !
روضه : ايه هوو
رقيه : ليه عسى ماشر
روضه : سمعتهم يقولون يبونا نرجع انا و محمد
رقيه : طيب ليه تصيحين لايكون م تبينه
روضه : لاا لاا ابيه وربي ابيه بس انا داريه انه ابوي مستحيل يوافق !!!
رقيه : معليش بس ابوك شدخله انتي تحبينه و تبينه محد له شغل بذا الشي و محمد رجالاََ ونعم به رجال قول و فعل وانا بنفسي اعرف اهله !
روضه : شسوي طيب
رقيه : إذا امك جت تعلمك وافقي بدون انتظار ترا لو م يحبك م جوو اهله يرجعونك
روضه : صادقه
رقيه : روحي غسلي وجهك و استريحي وان شاء الله خير
روضه : بتروحين ؟
رقيه : ايه والله بروح اخوي منتظر
روضه : تمام يحياتي معليش ازعجتك
رقيه : لا وين عادي م صار شي
طلعت رقيه من الغرفه و نزلت للسياره عند اخوها و انصدمت يوم شافت محمد ب السياره منتظر اهله علطول دقت على روضه : روضهه الحقي
روضه : توك طلعتي شصار
روضه : ترا محمد براا إذا م غلطت منتظر اهله
روضه شهقت : وشوو
طفت الاتصال و فتحت الدريشه بهدوء و طاحت عينها عليه وهو يسلم على ثامر اخو رقيه و معاه الخلف فز قلبها وهي تشوفه يضحك طاحت دموعها بعد سنين واخيرا شافت حُب حياتها الأول و الآخير وهي لو ودها تنزل له و تضمه بكل شووق و حُب و انقطاع فتره طويله
طلعوا اهله من المجلس و ركبوا للسياره و اختفت أضواء سيارتهم من الشارع و انهارت روضه صياح لين م حست ب امها الي تنادي برا : روضه ي بنتي افتحي شوي
مسحت روضه دموعها لاكن م قدرت تخفي احمرار وجهها : هلا يمه
ام ضاري : وجع وش فيس تصيحين
روضه : ابد يمه كنت اشوف مسلسل
ام ضاري تجاهلت الوضع بعدم اهميه : طيب اسمعيني الحين
روضه وهي تحاول تسوي نفسها مو عارفه شي : تمام
ام ضاري : ي امي اسمعي اهل محمد جوو طيب ، و يبونك ترجعين لولدهم محمد إذا موافقه طبعا
روضه : اييهه يمه والله موافقه موافقهه بس ابوي شسوي بهه
ام ضاري : بسم الله وش فيك بغيتي تطيرين ابوك م راح يسوي شي القرار قرارك ي بنتي و الناس م يبون يسوون شي الموضوع بيننا بس
روضه زفرت براحه وقالت : يمه اسمعي انتم كلكم تدرون اني احب محمد و م تطلقت منه بسبة ابوي وانا ابي ارجع له و مستعده اضحي بكل شي عشان ارجع ل محمد بس ومحد يوقف بطريقي !
ام ضاري : ان شاء الله ي بنيتي ان شاء الله
-
فبيت ابو سلطان تحديداََ
رجعوا خلف و ام فهد للبيت
طلع خلف لغرفته : بياني وينتس ؟
فزت بيان على صوته وقالت : هنا وش بك
خلف : رايح الدوام تبين شي ؟
بيان : ايه نزلني عند اهلي مشتاقه لهم !
خلف : طيب يلا عجلي
كانت بيان جاهزه ومجهزه شنطة ملابسها و ملابس سيف
خلف : وين ذا كله
بيان : بنام عندهم الليله
خلف : طيب طيب
اخذ خلف الشنط منها و ركبوا للسياره و أخذها لأهلها و نزل للشركه و قابل ذياب في طريقه
خلف : أرحب ي الذيب
ذياب ضحك وقال : البقى البقى
خلف : الحظ ماحالفنا نطلع الاستراحه مع العيال
ذياب : اي والله ، وش بك تأخرت انت بعد مو عوايدك !
خلف : ابد وديت ام سيف عند اهلها
ضحك ذياب وقال : وانا وديت حَرمي عند اهلي !
خلف : الله يستر من ذي الأسبوعين
ذياب : اي بالله
دخلوا للشركه و تجمعوا في غرفة الاجتماع مع مديرهم غيث والي تحته خلف و تناقشوا حول موضوع السفره و غيره من كذا
غيث : طبعا زي م قلت لكم بكره ان شاء الله من الصبح الساعه ٣ الفجر طيارتكم موجوده م ابي اي تأخير و أعذار و خرابيط ! جهزوا نفسكم من لحين طيب
ردوا بصوت واحد : سم طال عمرك
غيث : سم الله عدوكم
-
طلعوا من غرفة الاجتماع وكل واحد اتجه لـ مكتبه
و دخلوا مسعود و لؤي لعند خلف
لؤي : اخخ وشو اسبوعين قسم بالله غيث مدري وش يحس به
خلف بصوته الجهوري : ترا رايحين نمثل شركتنا مو رايحين لعب ! قلنا كلمه و ما نرجع الا وحنا رافعين روسنا
نادر : حييي حيي
ضحك خلف وقال : حي نباك ي النادر !
مسعود : يلا يلا روحوا جهزوا نفسكم م باقي وقت
طلعوا كلهم و اتجه كل احد منهم ل دربه يضبط أموره
-
الساعه 2:50
عند خلف الي رجع البيت و م لحق يسوي اي شي طلع يجهز شنتطه وملابسه و عطوره و أغراضه وكلشيء زفر بضيق من تذكر أن بيان عند اهلها ، رفع جواله يعلمها و اتصل عليها و للأسف كان جوالها مغلق حس بضيق و كتمه بقلبه وهو بخاطره لو يسمع صوتها و يودعها قبل لا يروح لاكن م حالفه الحظ ! نزل للصاله وقال بصوته الثقيل : اميره ي اميرهه
فزت اميره و ركضت على طول لعنده : ها لبيه
خلف : الحين بروح !
اميره ضمته بدون م تحس و طاحت دموعها : اهه ي خليف اسبوعين البيت وش بيصير بدونك الله يردك لنا ب السلامه
خلف : ي حبيبتي ي اميرتي ان شاء الله اسبوعين م تحسون فيها ، زفر بضيق وقال : اسمعي والله م لحقت اعلم بيان اني مسافر ولا لحقت اكلمها جوالها مغلق علميها طيب !
اميره : ان شاء الله
طلع و راح لعند سعود : سعيداننن
سعود فز على صوته وقام : لايكون الحين
ضحك خلف وقال : ايه الحين
سعود تنهد وقال : استودعتك الله الذي لا تضيع ودائعه
وعسى ترجعون بالسلامة
خلف ضمه وقال : امينن ، اسمع ي سعود لا اوصيك
سعود : لا توصي ان شاء الله كلشي تمام
طلع خلف و ركب سيارته و راح يمر على ذياب
-
وعند ذياب ف بيت أهله :
نزلت دموعهم مو مستوعبين اسبوعين شلون بتعدي
قرب ذياب وضم الجوهره وهو قلبه يتقطع عليها : مو تسذا ي جوهرتي لا تصيحين طالبس !
شدت عليه الجوهره : استودعك الله يارب
ذياب : انتبهي لنفسس و للنونو
ضحكت الجوهره وهي تمسح دموعها : ان شاء الله
ودع اهله و طلع مسرع لعند خلف : اسمح لي ي الخلف طولنا
خلف : اي بالله اني داري
ذياب : وش بك وجهك مقلوب
خلف : شفتهم كلهم الا هي تخيل
ذياب : يالله عادي يخوك خيره ويكفيك شرها
وصلوا للمطار و تقابلوا كلهم هناك
( غيث ، النادر ، خلف و ذياب ، مسعود ، لؤي )
نادر : ليه حمود م جاء !
غيث : والله أحمد عنده عذر م يقدر و قلت له يجلس وحنا نكفي ان شاء الله
خلف : ان شاء الله
ركبوا للطياره و اتجهوا للكويت و كان مشوارهم طويل و متعب جدا
-
اليوم الثاني تحديدا فبيت ابو سلطان من الصبح ف الحوش
سعود : أموره الحين شنقول ل بيان إذا جت والله البنت بتنصدم
اميره : وش بنقول لها يعني بنقول لها خلف راح للكويت اسبوعين دوام و م لحق يعلمس لانه كان مضغوط و اتصل عليتس و كان جوالتس مقفل وبس !
عبدالرحمن : انا الحين وجعت قلبي وش بيصير ف البنت هدي بشويش بتعطيها كلشي مره وحده
وليد : ارحميها شوي هههههههههههههههههههههههههههههههههههههههههههههههههههههههه
فزوا من سمعوا صوت الجرس الي يدق
سعود بصوته الثقيل : منهووو
بيان : سعود افتح افتح انا بيان
ضرب على راسه من الصدمه : واكبدي يلي وش نسوي
اميره : افتح افتح
دخلوا وليد و عبدالرحمن للمجلس و باقي سعود و اميره ب الحوش
دخلت بيان وهي ماسكه سيف و اغراضهم اخذ سعود منها الأغراض و دخلوا و جلسوا استغربت بيان من قعدتهم وقالت : متجمعين هاه
اميره : اي والله
بيان : ثواني بدق على خلف ينزل وش به م جاء !
فز سعود وقال : لااا لاا لا تدقينننن
بيان : يمه وش فيكم
اميره : اااء بقولتس شي
بيان : وشو ؟؟
سعود : خلفف سافررر
شهقت بيان بصدمه وقالت : تمزح ولا ؟؟؟ وشو سافر توني امس شفته ولا قال لي شيي
سعود : م لحق يقولتس لانه كان مشغول و طول يومه ف الاجتماع ب الشركه وانتي عند اهلس
اميره : سافر الكويت اسبوعين عنده شغل هناك مهم و راح مع اخوياه
شهقت بيان بصدمه وراء صدمه : اسبوووععيييننن
سعود : بسم الله ي حرمه بشويش
بيان بصوت متذبذب : اسبوعين ولا جاني اشوفه !
اميره : والله انه دق عليتس و جوالتس مغلق و طيارته الساعه 3 الفجر لو تأخر بتصير مشكله
نزلت دموعها و م قدرت تكتم شهاقتها و وجع قلبها عليه : الله ياخذني يوم سكرت الجوال
طلعت بيان و اخذت أغراضها و سيف للغرفه
حطت رأسها على الفراش و دموعها الي تنزل اربع اربع و شهقاتها م قدرت تستوعب كيف بتقعد اسبوعين بدون خلف و م شافته ولا ودعته و كلشوي تحط اللوم على نفسها
-
ف الكويت تحديدا بـ الفندق و آول غرفه الي فيها
نادر و خلف و ذياب
خلف : عجلوا ترا غيث بيخلص علينا طولنا وربي
نادر : يليل اصبروا
خلف : والله انتم وراءكم مشوار
ذياب : ايه صح كلمتها ولا بعدك
خلف : تبي غيث يذبحنا امشيي امشي
طلعوا وهم يضحكون لين م صادفوا غيث الي اعصابه شوي و ينفجر عليهم : وينكم انتم هااه سنه سنه
نادر : والله مالي دخل
غيث ضربه على كتفه وقال : قدامي بسرعه
ذياب : ايه الحين علمنا وش بنسوي
غيث : اسمعوا حنا الحين رايحين عند شركه معروفه لازم نسوي شغلنا بجّديه بدون لعب و خرابيط لازم تركيز كلشي ف مخكم الحين تمسحونه ركزوا ب الشغل مانبي نتفشل قدام هادي ( مدير الشركه الي رايحين لها )
نادر : م اخترتنا الا وحنا كفو ي مديرنا !
غيث : انشهد اني م اخترتكم الا وانا داري انكم كفو !
طلع نادر كان يغني بِحماس وطرب :
نعم لنا والله لنا
كسابة الهيبة لنا !
و المجد و الطنخ لناا !!
خلف ضحك وقال : لنااا ب اذن الله لناا
طلعوا من الفندق و اتجهوا للشركه و دخلوا كلهم وهم صافين جمب بعض بطولهم و عرضهم و هيبتهم و فخامتهم و اسم كلاََ منهم الي يمثل نفسه
تقدموا لعند الاستقبال : السلام عليكم
اندهش سامي ( مدير الاستقبال ) من عددهم و هيبتهم الي ارعبت الموجودين !
سامي : عليكم السلام أمروا ؟
غيث : م يأمر عليك ظالم ، حنا جايين من السعوديه لأجل اجتماع مع المدير هادي
سامي : طيب بعلمه اسمائكم لو سمحتوا ؟
غيث بِكُل فخر : غيث بن عبدالعزيز بن فهد القحطاني
نادر : النادر بن عُمر بن سلمان الحربي !
خلف : الخلف بن سلطان بن علي آل علي !
و غيره الي عرف عن نفسه
رد سامي ب انداهش : ونعم و سبعة انعام !
ردوا بصوت واحد : م عليك زود
دقايق ورد عليهم سامي : تفضلوا معاي
أخذهم سامي لـ غرفة الاجتماع الي كان فيها مجموعه من الرجال من جميع الشركات !
هادي : ارحبوا مليون ي الشيوخ
ردوا بصوت واحد وثقيل : البقى ي المدير !
هادي : استريحوا
جلس غيث و جلسوا كلهم جمبه و كان الفخر مليوننن
شرح لهم هادي عن المشروع الي رح يسوونه وبعد شرح : و طبعا الي يفوز له مكافأة اكيد هو والي معه ! عندكم مدة اسبوعين تخلصونه و فالكم الفوز
زفر مسعود وقال : تهجون نقدر ؟
نادر : اكيدد نقدر طبعا
غيث : مشينا من الحين لازم نبدأ نجهز لكلشي م جينا الا عشان نفوز و محد قدنا ب اذن الله جينا للفوز و راجعين ب الفوز !
خلف : ب اذن الله الواحد الأحد
-
يُتبع
-
( ارحبوا ي شيوخ قلبي ، شحالكم عساكم بخير جعلني م خلااا اعتذر على السحبه ، ان شاء الله بكره آخر اختبار و برجع لكم بـ بارتات بطله شدوا الدعم يشيوخيي 🤩✨)
-
" حسابي تيك  al_qah5
" حسابي تويتر ryfw843776
" حسابي واتباد rah9af
" حسابي تيليجرام al_qah5
-