🌓تبت على يديه🌓
💎بقلم : ايمان العماري💎
✨الجزء : 79✨
بدر الدين كان باقي مزير على يدو وكيشوف قدامو وملامحو معصبيين .. ولي زاد عصبو كثر انها ناضت تجاوب بدون ماتراعي ليه هو لي بقات يوماين وتولي مراتو .... مسح فمو وناض منبعد ماستأذن طلع الفوق غادي فالكولوار بزربة تاوقف ملي شافها قدامو واقفة متكية على الحيط كتهضر مع كانت عاطية بضهرها مشافتوش
نور : وي فؤاد صافا !
فؤاد : من قبيلة وانا كنعيط خلعتيني عليك واش نتي لباس ؟
نور تنهدات : لباس .. ونتا ؟
فؤاد : الى نتي بخير حتى انا غنكون بيخير فخبارك توحشتك
نور سرطات ريقها : حتى انا
فؤاد : حتى نتي شنو !
نور : هاا !!
فؤاد : نور مالكي صوتك معجبنيش
نور : لا والو انا بخير
فؤاد : قريب نجي المحمدية
نور فرحات : واش بصح ! ..... وامتى غتجي ؟؟؟ ..
فؤاد : واحد سيمانة نكون عندك
نور : فرحتيني ا فؤاد والله ... من شحال هادي ... وانا باغا نشوفك نجلسو ... شووية ونحيو ذكرياتنا
فؤاد : غادي نجي غير صبري مبقا والو
نور سكتات شحال كتفكر : فؤاد !!
فؤاد : وي
نور حتى كانت غتقوليه على زواجها هي تراجع
نور : صافي مكاين والو نخليك دبا حتى لمنبعد ونهضرو
قطعات عليه ضارت بغات تمشي هي تبلوكا فبلاصتها موسعة عينيها ملي شافتو قدامها واقف متكي على الحيط كيشوف فيها شوفات فشكاال
نور سرطات ريقها وحاولت تبتاسم باش متبينش انها متوترة وفنفس الوقت باغا تأكد يكما يكون سمعها
نور : ساليتي عشاك ؟
بدر الدين تقاد فالوقفة وملامحو رجعو جدييين : شكون هاد فؤاد لي كنتي كتهدري معاه ؟
نور طرطقات عينيها : هااا !!!!! ...
بدر الدين : سؤالي واضح
نور سرطات ريقها : فؤاد صديق ديا ...
بدر الدين قاطعها : فدين ديالنا مكينش علاقات صداقة من غير الزواج .. هادشي فايت لي شرحتو ليك .... نور يوماين لي بقات وتولي مراتي ... ومراتي منبغيهاش تهضر مع شي حد من غير لاكان من عائلتها ....
أنت تقرأ
ثبت على يديه🌱مكتملة🌱
Romansa💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
