ثبت على يديه🌱مكتملة🌱

🌱الجزء 84🌱

🌓تبت على يديه🌓
💎بقلم : ايمان العماري💎
✨الجزء : 84✨
نور : ملي حليت عينيا وانا هاكا ... كنلبس وكنخرج  متحررة  فحياتي كيفاش غيجي هو دابا يسد عليا راه مغنقدرش نستحملها اخالتي

نجاة رجعات عنقتها : ولدي مغيسدش عليك ابنتي وخا تزوجي راه عندك حريتك ديري لي بغتي خرجي دخلي مكينش لي يحبسك ولكن خاص تستري ابنتي ( سمعات شهقاتها وهي تزير عليها ) .... نور راه تاحاجة مغتبدل ديك الحياة لي كنتي كتعيشيها قبل ما نعرفوك اتبقاي عيشاها ... بغيتي تخدمي ولدي مغيمنعكش بغيتي تخرجي راه مغيحبسكش ولكن ديري الحجاب باش ربي يرضى عليك وحتى راجلك يفرح ويرضي عليك ... ملي يشوف مراتو متحجبة وخاصك تبداي تصلي وهادي حاجة ضرورية ابنتي الله سبحانه وتعالى قال " إن الصلاة تنهى عن الفحشاء و المنكر ( العنكبوت / 25 ) نور نسولك ابنتي ... واش عمرك ماصليتي ؟

نور : كنت كنصلي اخالتي بابا الله يرحمو ملي كنت صغيرة انا وخويا كان هو لي كيحفظنا القرآن وعلمنا نصليو وكل جمعة كنت كنمشي مع ماما الجامع نصلي ولكن ملي مات  ( بلعات غصتها ) قطعت الصلاة وعمري رجعت صليتها
ماما كانت كتغوت عليا ديما عليها و مع تمارة دالخدمة وسطاجات كنت كنجي عيانة كنبغي غير نعس مكنفكر فوالو من غير نرتاح

نجاة : وبنتي راحة راه مكيناش فدنيا ولي باغي ارتاح كيريح راسو فاش اصلي صلاتو احس بطمائنينة ويحس بلي اذا الواجب  لي بسبابو هو فوق دنيا .... بنتي نور دنيا راه مديماش وحنا فيها غير كندوزو ختبرات ونخدمو لدار لبقاء   انتي ابنتي خاص دري دين هو من الأولويات تاعك هو لي تسبقيه تخدميه عاد تجي دنيا  راه بنتي دكشي لي منخدموه ليوم فدنيا كنعودوه غدا وعمرو مكيتسالا  ... كيف كتشوفي لي كيقرا هاهو قاري ليوم وغدا وبعدو ويبقا متبع لقريا باش يسليها وكيقول راه اسليها غيرتاح شوية كيكمل لقريا كتجي الخدمة كتبع تاني لخدمة حتا يلقا راسو كبر ومبقاتش عندو صحة باش اخدم لاخيرتو  .... بنتي ربي سبحانه وتعالى كيتبها بالشباب فاش كيشوفهم صغار وكيعبدوه كيتبها بيهم قدام لملائكة  (شافت ف نور لي كتشوف فيها وهي طبطب ليها على كتفها ونطقات)  بنتي واش مبغتيش تكوني من شباب لي كيتبها بيهم الله سبحانه وتعالى ...

نور : الله اهديني ياربي

نجاة: امين يارب العالمين (مسحات ليها دموعها) يلاه نوضي نزلي تفطري وطلعي وجدي راسك راه درت مع واحد لبنت نقاشة تجي تنقش لينا

نور : حنا ! لا خالتي بلاش منها

نجاة : علاش ا بنتي راكي اتولي عروسة ليوم وخاصكي تحني وانا درت مع لبنت بغيت نفرح بيك ولا مبغتيش تفرحني

نور : ماشي هكاك ا خالتي ولكن راه غير عقد قران لي انديرو ماشي عرس لاش لحنا

نجاة : بصاح مغديش نديرو لعرس ولا شي حفلة كبيرة ولاكن هدا مكيمنعش نفرحو براسنا ونحنيو محد لقينا لمنسابة   فراسك ماما كتعجبها الحنا غدي تفرح لا حنينا هههه حنا لي بغينا نحنيو وديرين بيك سبة غير نوضي  وقفي معنا وديري يدك معنا

نور بتسمات ليها وهي تنوض : هههه وخا اخالتي نغسل وجهي ونجي

نجاة : صبري نوريك شي حاجة

جبدات من جيب  دطابلية ديالها بواطة  كبيرة  فالبلو ماغين عطاتها ليها

نور : شنو هو هدا اخالتي !

نجاة : حليها بعدا وشوفي