🌓تبت على يديه🌓
💎بقلم : ايمان العماري💎
✨الجزء : 85✨
نور فتحات البواطة هوما يتوسعو عينيها شافت فنجاة لقاتها كتشوف فيها مبسمة ....
نجاة : كي جاك عجبك !!
نور : زوييين بزاف ايجيك زوين
نجاة : هداك ديالك ماشي ديالي
نور سرطات ريقها وحدرات عينيها كتشوف فداك لبراسي المذهب رجعات علاتهم فنجاة ....
نور : ديالي ؟؟؟
نجاة : اه ديالك ... هداك كانت مًي عطاتو ليا ... نهار تزوجت عطاتني جوج .... واحد خبيتو لبنتي نهيلة .. وهدا عطيتو ليك نتي ....
نور تغرغرو عينيها حطاتو وعنقات نجاة بقوة كتبكي وسط حضنها ....
نور : شكرا بزاف اخالتي والله
نجاة : هادشي قليل فحقك ابنتي تستاهلي كثر
نور بعدات عليها كتمسح دموعها : بالعكس نتي عطيتي واحد الحاجة معندهاش ثمن وصعيب تعطا
نجاة بابتسامة : شنو هي
نور : حسبتيني بنتك ... ودخلتيني لدارك ... دافعتي عليا قدام ختك .. وقفتو فجنبي فالوقت لي كولشي تخلا عليا
نجاة : ربي هو للي جابك فطريقنا وجاب ولدي فطريقك هادشي كولو بالمكتاب ولا بغتي تشكري شي واحد شكري الله سبحانه حيت ابنتي كلشي بالمكتاب
نور : حمد لله وشكر لله
نجاة : يلاه نوضي غسلي وجهك ونزلي تفطري
نور : وخا خالتي
ناضت نور لدوش ونجاة خرجات ونزلات لتحت كانو كلهم مجموعين على طبلة من غير المختار لي خرج يشوف صحابو قبل مايرجعو فحالهم لانهم دارو غدا غيمشيو بلليل
محجوبة : فيين هي ! .. شفتها منزلاتش
نجاة : هاهي دابا تنزل
بدر الدين كان حادر عينيه على طبلة تاسمع خطوات كيقربو لطبلة
نور : صباح الخير
محجوبة : صباح النور .. من قبيلة كنتسناوك تنزلي علاش منزلتيش
نور جرات الكورسي وجلسات : هانا اخالتي نزلت دابا
محجوبة : فطري وكولي مزيان تهلاي فصحتك متهمليهاش شفتك هاد ليوماين مابقيتي كتاكلي والو
نجاة : عادي راه اليوم لليلتها اي وحدة فاش كيقرب زواجها كيوقع ليها هادشي
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
