🌓تبت على يديه🌓
💎بقلم : ايمان العماري💎
✨الجزء : 86✨
نور كتفات انها تبتاسم ليهم ودورات عينها لجيهت بدر الدين مكانش كيشوف لجيهتها نهائيا سرطات ريقها وهبطات راسها لارض عرفاتو مزال معصب عليها كان مولف ديما يخطف شوفة فيها ولا يهضر معها ملي كيتجمعو على طبلة ......
يوماين كاملة هي كتحس بيه ماشي حتى لهيه وهي مبغاتوش يبقى هاز فخاطرو من جيهتها بغات تشرح ليه وتبرر ليه السبب للي كيخليها تهدر مع فؤاد وتقوليه بلي هو غير صديق ولكن بدر معطهاااش فرصة فين تدوي معاه
كمل فطورو وناض طلع لفوق ونور تاهي سالات فطوروها دغيا وناضت
نجاة : نور بنتي
نور كانت غادة جيهت دروج تاسمعات نجاة عيطات بسميتها و ضارت عندها
نور : نعام ا خالتي
نجاة : هاد نهار متنزليش خليك فبيتك ديري المسكات وتهلاي فراسك داكشي كولو لي غيخصك خديتو ليك لبارح مع المكياج لي وصيتيني عليه ( نور بتاسمت ليها )
والبنت لي غتصاوب ليك مكياج دبا تجي فالعشية
نور : كون غير مقلتيهاش ليها انا غنقاد مكياج راسي
نجاة : لا خلي لبنت تصاوب ليك نت بلاما ديري والو خليك مرتاحة متجهديش راسك
نور : شكرا بزاف
نحاة : يلاه سيري طلعي
ربيعة بقات متبعة ليها العين حتى طلعات فدروج وضارت عند ختها
ربيعة : بحالا فششتوها بزاف !
نجاة : هديك مرات ولدي علاش لي منفششهااش راه عروستي وبحال بنتي
ربيعة : هادشي لي كاديري فيه مغيسلككش معها
نجاة : مدخليش بيني وبين عروستي
ربيعة علات حاجبها : عروستك من دبا !
نجاة : اييه عروووستي مبقا والو وتولي مرت ولدي
ربيعة : ونشوفو هاد مرت ولدك شغيخرج منها .. وجدتي داكشي لي قلت ليك ؟
نجاة : شنو هو !
ربيعة : السروال
نجاة : منيتك اختي ربيعة شكون باقي كيدير هادشي ... هاد تقاليد خليهم لناس زمان ... اما دابا الوقت تبدلات
ربيعة : كيفاش تبدلات ... عطي لبنت السروال ولا نوض انا نعطيه ليها ... باش حتى لاشمتات ولدك تكون بعدا فخبارنا
نجاة : نور انا تايقة فيها وعرفاها بنت نقية من لداخل ومن برا وداكشي كيبقا بينها وبين راجلها وحتى ولدي لامشا حتى عرف هادشي لي كتقولي مغيعجبوش الحال هديك كتبقى شرفو وميبغيش لي يهدر لو فيها
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
