ثبت على يديه🌱مكتملة🌱

🌱الجزء 108🌱

🌓تبت على يديه🌓
💎بقلم : ايمان العماري💎
✨الجزء : 108✨
    داز الوقت ....

ضرباتها الفيقة فنص الليل ... لقات راسها ناعسة فحضنو تسلتات من تحت دراعو بشوية ... وضارت كتشوف جيهت البالكون الحال كان .. باقي مظلم .... ناضت كتفوه تاجات عينيها على المصاحيف .. ناضت من بلاصتها لبسات عليها بيجامتها ودخلات الدوش دوشات وتوضاة وخرجات ملوية فوطة دازت الدريسينغ لبسات عبايتها وشالها وخرجات غادة بجيهت مكان الصلاة .... هزات مصحف فيديها  ... ومشات الفوتوي جلسات شعلات الڤايوز لي جنبها وحلات القرآن وقلبها كيضرب ... حسات بشعور جديد ولأول مرة .. اتحس بيه فحياتها راحة وطمأنينة 
بدات تتقلب على شي سورة  تقراها ... تاطاحت على البقرة
بدات كتقراها بدون تجويد لأنها مكتعرفش كتقراها بصوت خافت باش ميتسمعش صوتها لبدر الدين وتخسر عليه نعاسو ....
بقات نور كتقرا فالسورة .. ومحدها كتقرا وكتحس بواحد الراحة و السكينة عمرها حسات بيها .... فعلا القرآن الكريم كيريح القلوب .. ويشرح الصدور لقوله تعالى { الا بذكر الله تطمئن القلوب } ..

بدر الدين فتح عينيه بشوية مخسر سيفتو ضو لي مشعول نوغشو تاجات عينو على نور لي كانت كالسة  كتقرا بصوتها الخافت بالكاد مسموع  .... تبسم وناض بشوية جالس فوق السرير ... متكي على الكادر دنموسية .. كيشوف فيها ويتبسم مينكرش انها صدماتو بهاد التصرف الصادر منها ... متوقعهاش كاع بهاد سهولة .. اتبدا التوبة ديالها كانت كتبان لو صعيبة بزاف .. يقنعها ويرجعها لطريق بسباب تحررها الزايد ... لكن نور غير لي معرفهاش رغم تحررها .. لكن ساهل انك تقنعها خاص غير تخدم معها  الحيلة والخاطر  .......

ناض من فراشو لعندها وهي بقا كتقرا مرداتش ليه كاع البال ملي وقف  عليها تاضرباتها ريحتو لنيفها سكتات موسعة عينيها وعلاتهم فيه ...

نور سرطات ريقها ونطقات  : سمحليا الى خسرت عليك نعاسك .. انا .. غير طار مني نعاس وحسيت بالخنقة و .. ( وسكتات ملي شافتو هبط عندها براسو )

بدر الدين : كملي مالك سكتي

نور داخت بدوك النظرات لي داير فيها 

بدر الدين : كنتسنااك تكملي هدرتك

نور داركات الموقف : حسيت براسي مخنوقة وقلبي مزموت عليا دخلت دوشت وتوضيت  ودبا  كنقرا  شوية دالقرآن

بدر الدين تبسم ليها بحب : تا الفجر مبقا ليه والو مزيان ملي فقتي تصلي  

نور  : تانا كنت ناوية نصلي عاد نرجع نعس

بدر الدين جلس جنبها : نور نسولك

نور :  سول

بدر الدين : باش حسيتي اليوم منبعد دوك ركعات لي صليتي وهاد السورة اللي قريتي

نور تبسمات : حسيت بواحد الراحة عمرني حسيت بيها فحياتي منبعد ماقلبي كان مزموت ومخنوق .. ودماغي مخربق ممرتحاش .... كنحس دبا بحالا .. كاع داك الهم اللي كان عندي تخفف عليا ..

بدر الدين : شفتي شحال زوينة تقربي من الله سبحانه وتعالى وتأدي الفرائض ديالك

نور هزات راسها بااه

بدر الدين : ختي ملي كتسالي قرايتها وكتشد العطلة ديالها كتحفظ كل مرة احزاب منو علاش مديريش بحالها

نور : نحفظ القرآن كامل !!!  .. صعيب بزاف

بدر : ماصعيب والو لادرتي راسك فيه راك تحفظيه كل مرة شوية  وحتى لاكنتي مزال ممستعداش بداي دبا بسورة البقرة  عوض ماتقرايها تحفظيها

نور : طويلة بزاف

بدر الدين : راه غير كيبان ليك ملي غتبدايها وتخشعي فيها مغتحسيش كاع بيها دغيا غتحفظيها ... متبقايش تصعبي الحاجة على راسك .... وديري اعذار راسك ... توكلي على الله وبدايها 

نور : ان شاء الله

بدر الدين باسها على راسها وناض دخل لدوش توضا    وخرج هز فوقية زرقة لبسها فرش الصلاية وضار شاف عندها لقاها كتشوف فيه

بدر الدين : اجي تصلي معيا

نور : خلي تانصلي الفجر دبا بغيت نقرا

بدر الدين هز راسو باه مبغاش يضغط عليها ضار وصلا ركعات الاجر  وضار عندها 

بدر الدين : ان شاء الله فالعطلة دصيف غنسافرو انا وياك

نور : ههه بصح !  .. فين غنسافرو

بدر الدين : فينما عجبك نديك