🌓تبت على يديه🌓
💎بقلم : ايمان العماري💎
✨الجزء : 118✨
#عند_نور ....
كانت باقا على وضعيتها كتبكي تاسمعات دقان فالباب مسحات دموعها وناضت حلات على نجاة
نور : خالتي .. دخلي
نجاة كتشوف فعينيها الباكييين : نور .. كتبكي ! .. واش كنتي كتبكي
نور دموعها رجعوو كيسيلوووو بغزاارة دخلات لدااخل كتبكي و نجاة دخلات وسدات لباب غادة عندها مخلوعة
نجاة حطات البلاطو وقربات عندها : نور آش واقع مالكي كتبكي
نور بالبكية وشهقة : ولدك اخالتي ولدك .. هو سباب
نجاة : مالو بدر آش دار .. واش قلقك قاليك شي حاجة معجباتكش هدري قولي آشش وقع
نور : كدب عليا اخالتي .. ولدك طلع كداب معندوش كلمة كاع داكشي لي كان كيقولو ... قبل زواجنا مبقات منو تاحاجة ....
نجاة : نور ستغفري الله ابنتي ... راكي معرفاش شكتقولي ولدي بدر الدين ...ميمكنش يكدب .. يمكن غير متفهمتوش
نور كتبكي بحححرقة : كداب كدب عليا ... واعدني ميحبسنيش فدار ويخليني نخدم ... اليوم فاش جبدت معاه موضوع الخدمة ... قاليا لمرا خصها تبقا فدارها متخرجش ومتخدمش
نجاة : ولدي قال غير الحق ابنتي ... لمرا بلاصتها دارها و الخدمة راه ماشي عيب ... غير هو ملي فاستطاعتو يوفر كلشي قاليك متخدميش .... ماشي باش يحبسك فدار ... هادشي قلتو ليك ... قلت ليك نتي ممحتجاش تخدمي ولدي راه قاد بيك ومغيخصك من والو .....
نور : انا مبغاش فلوس انا بغيت نخدم ولفت نتحرك ومنبقاش غير جالسة فدار
نجاة تنهدات : صافي متبكيش خليه حتى يرجع وانا نهدر معاه
نور مدات يديها كتمسح دموعها : متهدريش معاه انا مبقيتش غنخدم
نجاة كتشوف فيها بتعجب : ياك عاد ونتي كتبكي على الخدمة ودبا مبقيتش باغا تخدمي !!!!
نور : راه وخا تشوفيني بحال هاكا راه منقدرش ندير شي حاجة هو مراضيش عليها
نجاة تبسمات برضى : الله يرضي عليك ابنتي .. هاكا نبغيك هادي هي نور لي بغيت .... نور لي كتسمع الهدرة وكادير بكلام راجلها .. ولكن ملي يرجع غنهدر معاه .. على هاد دموع لي طيحهم ليك انا مزوجتكش ليه باش يبكيك غير خليه حتا يرجع ونتفاهم معاه ...
نور : لا خالتي .. لا ... حشومة .. هو ماقاليا والو انا للي تزايدت معاه فالهدرة وعصبتو .. انا لي خاصني نطلب منو سماحة
نجاة : انا كنعرف ولدي مزيان ... مكيهزش فخاطرو من جيهت الواحد ... وخا تكوني نتي اللي غالطة فحقو .. غيطلب منك السماحة .. ولدي هادا هو طبعو ... مكيعرفش يحقد ويهز فخاطرو بدر الدين متسامح
نور دارت راسها بين يديها كتبكي : انا بغيت غير نعرف علاش مبغانيش نخدم ... فينما كنهدر معاه على شي حاجة كيقوليا حرام ويبدا يعطني فآيات من القرآن ... الخدمة عمرها كانت عيب اخالتي راه بهاد الخدمة كنت هازة ماما وخويا
نجاة : ماشي الخدمة للي حرام ابنتي ... راه ربي سبحانه وتعالى لي امر نساء ميخرجوش الا لضرورة .. بحال شحال هادي قبل منتعرفو عليك ... كنتي خدامة فرملية فالكلينيك فمدينتك .. بيها كنتي كتصرفي بيها على عائلتك وعلى راسك حيت مكينش لي يخدم عليكم اما دبا حياتك تبدلات وليتي على ذمة راجلك ... وهو لي خاصو يقوم بيك ..... كاينة لي مزوجة وكتخدم ... باش تعاون مع راجلها ... وكيف شفتي .. ولدي بدر تبارك الله ماخاصو خير باش تخدمي ... وتعاونيه اولا تعاوني راسك هو قادر بكلشي الحمدلله واي حاجة طلبتيها هو يجيبها حتى لعندك .. علاش نتي تعدبي راسك بتمارة ابنتي
نور سرطات ريقها : انا مبغاش نخدم على ود صاليغ بغيت نخدم حيت ديك الخدمة كتعجبني اخالتي
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
