ثبت على يديه🌱مكتملة🌱

🌱الجزء 120🌱

🌓تبت على يديه🌓
💎بقلم : ايمان العماري💎
✨الجزء : 120✨
نجاة : يمكن مبغاش يزيد يكتر عليك كثر .. باش حتى نتي متحسيش بيه زاد فيه وتنفري من الدين

نور : مكنتش قاصدة نغوت عليه فاش كنتعصب مكنبقاش نتحكم فراسي

نجاة : عارفة بنتي .. معليش كلنا كنغلطو نتي هاد المرة غلطتي مرة أخرى متعاوديش .... خاصك تعرفي ا نور لمرا لي كترفع صوتها على راجلها راه من قلة الأدب خاصك تحتارميه كيف قال الله تعالى هو القوام عليك ... هو لي كيحميك خاصك تهدري معاه بأدب ... صوتك مخصوش يعلى على راجلك  ... خصوصا وهو لاكان ... كيهدر معك بشوية .....

نور :  مزيان حيت قلتي ليا هادشي باش مرة أخرى منعاودش نطيح فنفس الغلط

نجاة  : الله يرضي عليك ابنتي و يحفظك ليا .. كتفرحني بزاف ملي كتسمعي لهدرتي ... وكاديري بيها

نور حطات على راسها على كتف نجاة : والى مدرتش بهدرتك اخالتي  بهدرت من غندير

نجاة : وراجلك ابنتي نسيتيه

نور سكتات مدة كتشوف فالفراغ : منسيتوش غير هو مبقيتش كنفهمو .. مرة كيكون معيا ضريف .. مرة كيتسيف عليا تصوري عمرني .... شفتو معصب حتى لهاد صباح

نجاة : اي جوج مزوجين كينوض بيناتهم صداع هادشي عادي ابنتي  تادار مخطاها الصداع 

نور   : داك الصداع هو اللي مبقيتش كنقدر عليه

نجاة : اوا هي لادرتي هادشي لي غنقول ليك

نور بعدات عليها كتشوف فيها مستغربة

نجاة :  حلي معيا ودنيك وسمعي شغنقول ليك شدي لراجلك الخاطر واي حاجة قالها ليك ديريها مترديش عليه الهدرة والى تعصب هو نتي بردي ومتزايديش معاه فالهدرة ولدي وكنعرفو الى درتي بهدشي عمرو ماغيتقلق منك ولا يتعصب

نور : ان شاء الله اخالتي

نجاة : يلاه مسحي عليا هاد دمووع ونوضي تغسلي وجهك واجي تفطري راني طلعت ليك فطورك حتى لبيتك حيت عارفة مغيكون عندك الخاطر تنزلي ولا تشوفي فوجه شي واحد

نور : ختك مشات ولا  مزال

نجاة : غيمشيو من مورا لغدا

نور : اه صافي مزيان 

نجاة : مِّي من قبيلا كتسول عليك

نور : هههه حتى هي غتكون باغا تعرف اش وقع لبارح

نجاة : ماشي غير مًي بوحدها حتى ختي باغا  تعرف عيات تسول فيا مبغيتش نعطيها راس الخيط