لم أكن بغيّا

البارت التاسع والعشرين

مساء العافية على اجمل عيون

ح

بيبة

لا تهيجين الجروح .. اجروحي من تنلجم تدّي
وانة من دم اولحم .. مو من صخر
جبدة العندي
ردّي .. مليت الصبر .. وامكَاطر
الدمعة .. اعلّة خدي
وانة .. خلاني الوكت .. ناعور
بس اترس .. وابدي
جورت ليل الصبر . واعجزت منه ..
وهذا حدّي
بلجي من يغفة الجفن .. ما جلمة
التنكَال ، بعدي
انة موش اول زند .. يشتل
شلب .. ويحصد بردي
اولانة بس اتغربت والمعتنيلة ..
ايصير ضدي

#يمامة🖋
مشاهده ممتعة للجميع تفاعلكم للبارت تعليقاتكم الحلوة بين الفقرات

♧♧♧♧♧♧♧♧♧♧

دجلة ناسية العالم كله وصارت روحها  بسيف ويوسف
عمي سماهم هل اسماء   والصكد حلوات عجبني هل اسماء الجديدة
كلت اخلي امي تاخذ دجله وياها لبيتهم عبن هيه حركه وانه كلش متاذية من هل اجايبه ولاكدر اضلن اركض ابرها  عاد امي وشهله يخلوها عدهم ليما اصيرن زينه وكومن 
لجن جلبت عدي ومارضت تمش وياها  مكيفه بالفر/وخ
وتحبب بيهم  بالكوة مركدتها ومخليتها كاعده يمي

حبيبة:دجلة يمة لاتضلين كلساع طالعه يبعد روحي ضلي جدام عيني

دجلة:يمة ذول زقار شلون يلعبون وياي

حبيبة:من يكبرون ويصيرون كدج يلعبون هساع مايكدرون

:إنه احبنهم

:همه هم يحبونج

:وين عرفتي يحبوني همه ما يحجون

:لا يحجون بس محد يسمعهم قيري وكالولي نحب دجله

:ذول اخوتي يمة

:اي يبعد امج اخوتج الزقار اريدنج تحبيهم وتداريهم

:حطيهم بحضني

:تعاي يمي

شلت يوسف بيدي حطيته بحضنها وانه كاضتة اسوي كلشي خاطر تضل كاعده وماتطلع بره عبن اعرف ياذوها  حتى نوبات اولادي يضربوها  اخافن اعليها مثل ماي عيوني
صارت تبوس بي 

دجله:اطيني هذاك

شلت سيف وهم حطيته بحضنها اجتني  عمتي  اول مادشت الحجرة صاحت حتى فززتني

:شنهااااي  ووخررري

:عمه شمالج ما تكليلي

:شنهي حاطه الفر/خ بحضنها لاتطكه تسوي بي شي

:عمه شنهي التسوي بي هل تشوفين انه كاضتة بيدي