🌓تبت على يديه🌓
💎بقلم : ايمان العماري💎
✨الجزء : 124✨
داز الوقت ....
كانت عند الباب واقفة كتودع فختها وبنات ختها والمختار
وعمات بدر الدين ..
نجاة : غتخليو علينا الدار خاوية
المختار : تاحنا مسخيناش بيكم هاد المرة نوبتكم تجيو عندنا
نجاة : ان شاء الله ياربي طريق السلامة
المختار : امين
غير خرجو نجاة سدات الباب وضارت شافت فدروج فين كانت واقفة نور
نجاة : سيري ترتاحي
نور نزلات عندها : اشمن راحة ا خالتي وهو مكيجوبنيش
نجاة : دبا يجاوب ايكون غير مشغول
نور : ممرتحاش والله كون غير خلتينا نمشيو نشوفوه
نجاة : لا بنتي لا .. معندنا لاش نمشيو عندو ... دبا يجي طلعي لبيتك انا نمشي .. نطل على جارتنا عاد خرجات اليوم من سبيطار
نور : ميكون باس عندها
طلعات لبيتها ونجاة تاهي مشات لبيتها لبسات جلابتها وخرجات تشوف جارتها ....
نور كانت متكية فنموسيتها شادة تيليفونها كل مرة كتصوني على بدر الدين ومكيجوبهاش يلله اتعاود تعيط ليه هي تسمع شي حد وقف عند الباب ، ناضت جالسة حتى تحلات الباب ودخل بدر الدين
نور تاقدت فالجلسة وهو سد الباب ومشا الحمام دوش وتوضا وخرج لابس حوايجو كينشف فشعرو بفوطة و نور باقا على وضعيتها جالسة كتشوف فيه تاوسعات عينيها ملي شافت دم مطبع ليه فتيشورت لبيض لي لابس رمات الفراش وناضت لعندو كتجري ....
نور : اش وقع ... مالك فكتفك
بدر الدين شاف فكتفو لقاه كينزف : والو ماشي شي حاجة
نور : ارا نشوف
بدر الدين : راه قلت ليك ماشي شي حاجة
تخطاها ومشا النموسية جلس ونور مشات بجرا لدوش
هزات لافاليز دالاسعافات قربات عندو وجلسات حداه
نور : مالك فدارعك آش وقع ليك
بدر الدين برودة : والو
نور حطات يدها كتفو : حيد تيشورت نشوف ليك جرح
شافها غتبقى لاسقاه وخا يبغي يرفض مغتفاكش معاه نتر داك تيشورت لي لابس باش يبان جسمو رياضي وصدرو العاري المطراااسي نور سرطات ريقها وهربات عينيها باش متشوفش فصدرو ركزات مع كتفو مدات يديها حطاتها على الجرح بحذر
نور : الحمد لله متحتاجش الخياطة غادي نعقمها ليك باش متعفنش
بدر الدين مجوبهاش غير ساكت و كيشوف قدامو تاحس بلانكول تحط على جرح هو يزر على عينيه موجع حرقو بزاف وخا هكاك صابر وتاهي حسات بيه موجع ...
نور : عارفة واش دوا ايحرقك غير صبر عليه باش متعفنش الجرحة وتوقع ليك انفيكسيون
أنت تقرأ
ثبت على يديه🌱مكتملة🌱
Любовные романы💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
